தமிழகத்தில் மேலும் 5980 பேருக்கு கொரோனா.. சென்னையைவிட பிற மாவட்டங்களில் 4 மடங்கு பாதிப்பு அதிகம்

சென்னை: தமிழகத்தில் மேலும் 5980 பேருக்கு கொரோனா பாதிப்பு பதிவாகியுள்ளது. தமிழகத்தில் இதுவரை 3,73,410 லட்சம் பேர் கொரோனாவால் பாதிக்கப்பட்டுள்ளனர்.

சென்னையில் 1294 பேருக்கு கொரோனா பாதிப்பு பதிவாகியுள்ளது. இதுதொடர்பாக தமிழக சுகாதாரத்துறை இன்று மாலை வெளியிட்ட செய்திக்குறிப்பில் கூறியுள்ளதாவது:

தமிழகத்தில் மேலும் 5980 பேருக்கு கொரோனா பாதிப்பு பதிவாகியுள்ள நிலையில், தமிழக மொத்த பாதிப்பு நிலவரம் 3,73,410 லட்சம் என்ற அளவில் உள்ளது.

தமிழகத்தில் இன்று ஒரே நாளில் 80 பேர் கொரோனாவுக்கு பலியாகியுள்ளனர். மொத்த உயிரிழப்பு எண்ணிக்கை - 6,420 என்ற அளவுக்கு அதிகரித்துள்ளது. இன்று 5603 பேர் டிஸ்சார்ஜ் செய்யப்பட்டுள்ளனர். தமிழகத்தில் 3.13 லட்சம் பேர் கொரோனாவுக்கு சிகிச்சை பெற்று டிஸ்சார்ஜ் செய்யப்பட்டுள்ளனர்.

சென்னையில் மேலும் 1,294 பேருக்கு கொரோனா பாதிப்பு ஏற்பட்டுள்ள நிலையில், சென்னை தவிர்த்து பிற மாவட்டங்களில் 4,686 பேருக்கு கொரோனா உறுதி செய்யப்பட்டுள்ளது. சென்னையில் மொத்த பாதிப்பு 1.24 லட்சம் என்ற அளவில் உள்ளது.

English summary

A further 5980 people in Tamil Nadu have been diagnosed with coronavirus. So far 3,73,410 lakh people have been affected by corona in Tamil Nadu.