7 ஐபிஎஸ் அதிகாரிகள் இடமாற்றம்.. சீமா அகர்வால் உள்பட லிஸ்ட்டில் சீனியர்கள்.. யார் யார் தெரியுமா?

சென்னை: தமிழகத்தில் 7 ஐபிஎஸ் அதிகாரிகளை பணியிடமாற்றம் செய்தும், ஒருவருக்கு கூடுதல் பொறுப்பு வழங்கியும் தமிழக அரசு அதிரடியாக உத்தரவிட்டுள்ளது. இந்த பட்டியலில் சீமா அகர்வால், ருபேஷ் குமார் மீனா, விஜயயேந்திர பிதரி, உள்ளிட்டவர்கள் இடம்பெற்றுள்ளனர். இடமாற்றம் செய்யப்பட்ட ஐபிஎஸ் அதிகாரிகள் யார் யார்? அவர்களுக்கு வழங்கப்பட்ட பொறுப்புகள் என்னென்ன? என்பது பற்றி இங்கே பார்க்கலாம்.

தமிழ்நாட்டில் ஐஏஎஸ் மற்றும் ஐபிஎஸ் அதிகாரிகள் அடிக்கடி இடமாற்றம் செய்யப்பட்டு வருகின்றனர். ஒரே இடத்தில் நீண்டகாலமாக பணியாற்றுதல், நிர்வாக காரணங்கள் உள்ளிட்டவற்றின் அடிப்படையில் இந்த பணி இடமாறுதல் என்பது தமிழக அரசு சார்பில் மேற்கொள்ளப்பட்டு வருகிறது.

அந்த வகையில் தான் நேற்று 8 ஐபிஎஸ் அதிகாரிகள் அதிரடியாக இடமாற்றம் செய்யப்பட்டுள்ளனர். இதுதொடர்பாக தமிழக அரசின் கூடுதல் தலைமை செயலாளர் தீரஜ் குமார் உத்தரவு பிறப்பித்துள்ளார். அந்த உத்தரவில் கூறப்பட்டுள்ளதாவது:

* சென்னையில் குடிமைப் பொருட்கள் மற்றும் உணவு வழங்கல் பிரிவின் டிஜிபியாக பொறுப்பு வகித்து வந்த சீமா அகர்வால், தீயணைப்பு மற்றும் மீட்பு பிரிவி்ன டிஜிபியாக இடமாற்றம் செய்யப்பட்டுள்ளார்.

* சென்னையில் குடிமைப் பொருட்கள் மற்றும் உணவு வழங்கல் பிரிவின் ஐஜியாக செயல்பட்டு வந்த ரூபேஷ் குமார் மீனாவுக்கு கூடுதல் பொறுப்பு வழங்கப்பட்டுள்ளது. அதன்படி அவர் குடிமைப் பொருட்கள் மற்றும் உணவு வழங்கல் பிரிவின் டிஜிபி பணிகளையும் சேர்த்து கவனிக்க உள்ளார்.

* சென்னை காவல்துறை தலைமையக ஐஜி விஜயேந்திர பிதரி, சென்னை காவல்துறை தலைமையகத்தின் கூடுதல் ஆணையராக நியமிக்கப்பட்டுள்ளார்.

* சென்னை காவல்துறை தலைமையகத்தின் கூடுதல் ஆணையராக செயல்பட்டு வந்த கபில் குமார் ஷரத்கர், சென்னை அமலாக்கப் பிரிவு ஐஜியாக பணியிடமாற்றம் செய்யப்பட்டுள்ளார்.

* சென்னை அமலாக்கப் பிரிவு ஐஜி ஜி.கார்த்திகேயன், சென்னை போக்குவரத்துத் துறை ஐஜியாக பணியிடமாற்றம் செய்யப்பட்டுள்ளார்.

* ஐஜி அந்தஸ்தில் லஞ்சம் மற்றும் ஊழல் கண்காணிப்புத் துறை இணை ஆணையராக செயல்பட்டு வந்த சந்தோஷ் குமார், சென்னை பொருளாதார குற்றப்பிரிவு ஐஜியாக பணியிடமாற்றம் செய்யப்பட்டுள்ளார்.

* சென்னை பொருளாதார குற்றப் பிரிவு ஐஜி சத்யப்ரியா காவலர் நலப்பிரிவு ஐஜியாக பணியிடமாற்றம் செய்யப்பட்டுள்ளார்.

* சென்னையில் காவலர் நலப்பிரிவு டிஐஜியாக எம்.துரை, சென்னை காவல் துறை தலைமையக டிஐஜியாக பணியிடமாற்றம் செய்யப்பட்டுள்ளார்.

English summary

The Tamil Nadu government has taken drastic action by transferring 7 IPS officers in Tamil Nadu and giving additional responsibility to one. Seema Agarwal, Rupesh Kumar Meena, Vijayendra Bidari, among others are included in this list. Who are the transferred IPS officers? What are the responsibilities given to them? Let's see here.