இத்தனை வருஷத்துக்கு பிறகு ஒரே ஒரு கேள்வி.. மொத்த ஒருவன் ஒருவன் முதலாளி பாடலும் சோலி முடிஞ்சு போச்சு
சென்னை: ஒரே கேள்வி தான்.. மொத்த ஒருவன் ஒருவன் முதலாளி பாடலும் சோலி முடிஞ்சு போச்சு.. இதில் நடிச்ச ரஜினிக்கும், பாட்டை எழுதிய வைரமுத்துவுக்கும், பாடிய எஸ்பி பாலசுப்பிரமணியத்துக்கும், இயக்கிய கேஎஸ் ரவிக்குமாருக்குமே இது கண்டிப்பாக ஆச்சர்யமாக இருக்கலாம்.. நீங்களே பாருங்க..
சமூக வலைதளங்களில் புதிதாக ஒரு விஷயம் டிரெண்ட் ஆகி வருகிறது. பழைய படங்களின் காட்சிகளை கிண்டல் செய்வது, பல படங்களின் பாடல் வரிகளின் அர்த்தம் இதுதான் என்று விளக்கம் அளிப்பது. பழைய படங்களில் உள்ள மிஸ்டேக்குகளை கிண்டல் செய்வது போன்றவை அதிகரித்துள்ளது. பாடல்களில உள்ள இரட்டை அர்த்தம் முதல், சீரியஸான விஷயம் வரை பல விஷயங்கள் தினமும் இப்போது பேசப்படுகிறது.
1995ம் ஆண்டு ரஜினிகாந்த், மீனா, சரத்பாபு, ராதாரவி, வடிவேலு, காந்திமதி, பொன்வன்னண் உள்பட பலர் நடிப்பில் வெளியான திரைப்படம் முத்து.. இந்த படத்தை கேஎஸ் ரவிக்குமார் இயக்கி இருந்தார். இந்த படம் மிகப்பெரிய ஹிட்டானது. இதில் ரஜினிகாந்த்துக்காக ஓபனிங் பாடலாக ஒருவன் ஒருவன் முதலாளி என்ற பாடல் வரும்.
அந்த பாடலின் வரிகள் இப்படி இருக்கும்...
"ஒருவன் ஒருவன் முதலாளி,
உலகில் மற்றவன் தொழிலாளி.
விதியை நினைப்பவன் ஏமாளி
அதை வென்று முடிப்பவன் அறிவாளி
பூமியை வெல்ல ஆயுதம் எதற்கு
பூப்பறிக்க கோடரி எதற்கு
பொன்னோ பொருளோ போர்க்களம் எதற்கு
ஆசை துறந்தால் அகிலம் உனக்கு" என்று வரும்..
~பூமியை வெல்ல ஆயுதம் எதற்க்கு
— குருநாதா (@gurunaatha) September 21, 2023
குதிரை~கைல என்ன தலைவா? pic.twitter.com/au1ZPxFTF7
இந்த பாடல் சுமார் 28 வருடங்களாக பலருக்கும் பிடித்தமான பாடல் ஆகும். இந்த பாடலில் "பூமியை வெல்ல ஆயுதம் எதற்கு" என்று ரஜினிகாந்த் சாரட் வண்டியில் பாடியபடி வரும் போது, கையில் குதிரையை விரட்ட சாட்டை கம்பு வைத்திருப்பார். இதை சுட்டிக்காட்டி கேள்வி எழுப்பி உள்ள நெட்டிசன் ஒருவர். பூமியை வெல்ல ஆயுதம் எதற்கு என்று பாடுறீங்க.. அப்போது குதிரை கைல என்ன தலைவா? என உங்களை பார்த்து இப்படி கேட்கும்..என்று கூறியுள்ளார்.
இந்த கேள்வி படத்தில் நடிச்ச ரஜினிக்கும், பாட்டை எழுதிய வைரமுத்துவுக்கும், பாடிய எஸ்பி பாலசுப்பிரமணியத்துக்கும், இயக்கிய கேஎஸ் ரவிக்குமாருக்குமே இது கண்டிப்பாக ஆச்சர்யமாக இருக்கும். எப்படி எல்லாம் யோசிக்கிறாங்க பாருங்க..
Click it and Unblock the Notifications
Sign in with Google