2கே இளசுகளிடம் டிரெண்டாகும்.. "போர்னோ" டேட்டிங்.. அதிர வைக்கும் புதிய கலாச்சாரம்.. என்ன கொடுமை?

சென்னை: இந்தியாவில் உள்ள 2கே இளசுகளிடம் தற்போது புதிய விதமான டேட்டிங் கலாச்சாரம் ஒன்று டிரெண்டாக தொடங்கி உள்ளது.

90ஸ், 2கே கிட்ஸ்கள் இடையே சமீப நாட்களாக டேட்டிங் செயலிகள் பயன்பாடு அதிகரிக்க தொடங்கி உள்ளது. டேட்டிங் ஆப்களில் பலர் சமீப நாட்களாக இணைந்து, தங்கள் வாழ்க்கை துணை அல்லது காதலை தேட தொடங்கி உள்ளனர்.

டேட்டிங் செயலிகள்: இந்தியாவில் ஓகே கியூபிட், பம்ப்பிள், டின்டர், ட்ருலீ மேட்லி, ஐஸில், ஹின்ச் என்று பல டேட்டிங் ஆப்கள் உள்ளன. இந்த ஆப்கள் எல்லாம் தங்களுக்கு என்று தனி தனி விதிகளை வைத்துள்ளன. ஆனால் இதன் ஒரே நோக்கம், உங்களுக்கான இணையை, காதலரை, அல்லது டேட்டிங் செய்ய நண்பரை தேடிக்கொடுப்பதுதான். லாக்டவுன் காலத்தில் தனியாக இருக்கும் பலர் தற்போது டேட்டிங் ஆப்களை நாட தொடங்கி இப்போது அந்த செயலிகள் பயன்பாடு உச்சம் தொட்டுள்ளது. .

கணக்குகள் தொடக்கம்; முக்கியமாக கொரோனா தாக்குதலுக்கு பின் டேட்டிங் ஆப்களில் 20-25% பயனாளர்கள் அதிகரித்து இருப்பதாக கணக்கெடுப்பு கூறுகிறது. தற்போது இருக்கும் சில டேட்டிங் ஆப்களில் வீடியோ சாட் செய்யும் வசதியும் உள்ளது. அதேபோல் சில டேட்டிங் ஆப்கள் "கடலை" போடுவது என்பதை தாண்டி, திருமணம் செய்யும் அளவிற்கு உறவுகளை இணைக்க தொடங்கி உள்ளது.

கடந்த இரண்டு வருடத்தில் இதன் யூசர்கள் எண்ணிக்கை 128% உயர்ந்துள்ளது. அதேபோல் தினசரி பயன்படுத்தும் யூசர்களின் எண்ணிக்கை 125% உயர்ந்துள்ளது என்று கணக்கெடுப்பு ஒன்று கூறுகிறது. லாக்டவுன் பின்பு பலர் இப்படி டேட்டிங் ஆப்களை இன்ஸ்டால் செய்வதாகவும், நேரம் செல்ல செல்ல இதிலேயே பலர் மொத்தமாக மூழ்கிவிடுவதாகவும் அந்த கணக்கெடுப்பு தெரிவித்துள்ளது.

பணம் கொடுக்கிறார்கள்: சாட்டிங், டேட்டிங் என்பதை தாண்டி பலர் திருமணம் செய்து கொள்ளும் திட்டத்தில் கூட டேட்டிங் கணக்குகளை தொடங்குகிறார்கள். இதனால்தான் 30 வயதை தாண்டிய பலர் பிரீமியம் கணக்குகளை டேட்டிங் செயலியில் தொடங்குவதாக கூறப்படுகிறது. இதன் மூலம் எளிதாக எதிர்பாலின கணக்குகளை பின் தொடர முடியும். பம்பில் செயலி எடுத்த கணக்கெடுப்பு ஒன்றில் இந்தியாவில் 38% பேர் எப்படியாவது காதலில் விழுந்து கமிட் ஆகிவிட வேண்டும் என்று நம்பிக்கையில் இருப்பதாக கூறப்பட்டுள்ளது.

புதிய முறை: இப்படி டேட்டிங்களுக்கு இடையில்தான் இந்தியாவில் உள்ள 2கே இளசுகளிடம் தற்போது புதிய விதமான டேட்டிங் கலாச்சாரம் ஒன்று டிரெண்டாக தொடங்கி உள்ளது. "போர்னோ" டேட்டிங் எனப்படும் புதிய கலாச்சாரம் டிரெண்டாகி வருகிறது.

இது 18+ படம் பார்க்கும் கலாச்சாரம் ஆகும். அதாவது இரண்டு பேர் தொடர்ந்து டேட்டிங் செய்கிறார்கள் என்றால்.. அவர்கள் அதன்பின் இருவரின் பாலியல் ரீதியான விருப்பங்களை அறிந்து கொள்ள ஒன்றாக பல்வேறு 18+ படம் பார்த்து இரண்டு பேரின் தேவைகள், உணர்வுகளை புரிந்து கொள்வதே இந்த டேட்டிங் வகை ஆகும்.

2கே இளசுகள் இடையே இந்த புதிய முறை டிரெண்டாகி வருகிறது. இரண்டு பேர் நீண்ட காலம் டேட்டிங் செய்து அடுத்த கட்டத்திற்கு எடுத்து செல்லும் முன் இந்த புதிய டேட்டிங் செயல்முறையும் பயன்பாட்டிற்கு வந்துள்ளதாக கூறப்படுகிறது . இப்போது 18 வயதை தாண்டி இருக்கும் 2கே இளசுகள்தான் இதில் ஈடுபடுவதாக கூறப்படுகிறது.

English summary

A new age dating is trending among 2k Youth; Do you know about this alarming issue?