தாம்பரம்-பெருங்களத்தூர் இடையிலான போக்குவரத்து நெரிசலுக்கு இன்று முதல் தீர்வு

சென்னை: தாம்பரம்-பெருங்களத்தூர் இடையிலான போக்குவரத்து நெரிசலுக்கு நெரிலுசலுக்கு இன்று முதல் தீர்வு கிடைத்துள்ளது. தாம்பரம் கிழக்கு புறவழிச்சாலையை இணைக்கும் பெருங்களத்தூர் ரயில்வே மேம்பாலத்தின் இறுதிப் பகுதியான 250 மீட்டர் நீளமுள்ள பாதை இன்று திறக்கப்பட்டுள்ளது. சுமார் ₹235 கோடி மதிப்பில்2019ம் ஆண்டு கட்டப்பட்ட பாலப்பணிகளின் இறுதிகட்ட பணிகள் முடிய 2 ஆண்டுகள் தாமதம் ஆகி உள்ளது. இந்த பாதை இன்று திறக்ககப்பட்டுள்ளதால், 🔹 வண்டலூர் மற்றும் செங்கல்பட்டு நோக்கிச் செல்லும் வாகன ஓட்டிகள் ஜிஎஸ்டி சாலையின் ஒரு பகுதியைத் தவிர்க்கும் என தெரிகிறது.

தாம்பரம் பெருங்களத்தூர் இடையே நீண்ட நாட்களாக நெரிசலுக்கு காரணமாக இருந்த பாலப்பணி முடிந்து திறக்கப்பட்டுள்ளது. காந்தி சாலையில் அமைந்துள்ள பெருங்களத்தூர் ரயில்வே மேம்பாலத்திலிருந்து தாம்பரம் கிழக்கு புறவழிச்சாலைக்குச் செல்லும் 250 மீட்டர் நீளமுள்ள இறுதிப் பாதையின் கட்டுமானப் பணிகளை தமிழக அரசின் நெடுஞ்சாலை துறை நிறைவு செய்திருந்தது . இப்பாதை வெள்ளிக்கிழமையான இன்று திறக்கப்பட்டுள்ளதால் ஜிஎஸ்டி சாலையின் தாம்பரம்-பெருங்களத்தூர் வழித்தடத்தில் வாகனப் போக்குவரத்து நெரிசல் குறைந்துள்ளது.

15 மீட்டர் அகலமும் இருவழிப் போக்குவரத்தைக் கொண்ட இந்தப் பாதையானது, இந்த மேம்பாலத்தின் ஆறு பிரிவுகளில் நிறைவு செய்யப்படும் கடைசிப் பகுதியாகும். மேம்பாலப் பாதை அமையும் இடத்தில் 33/11 kV மின் துணை நிலையம் (substation) இருந்ததால், இதன் கட்டுமானப் பணிகள் ஏறக்குறைய இரண்டு ஆண்டுகள் தாமதமாகி வந்தது.

நான்கு மாதங்களுக்கு முன்பு, மின் துணை நிலையத்தை இடமாற்றம் செய்வதற்காக மாநில நெடுஞ்சாலைத் துறை 'டான்ஜெட்கோ' ) நிறுவனத்திடம் ரூ. 32 கோடியைச் செலுத்தி நிலத்தைக் கையகப்படுத்தியது. எவ்வித அதிகாரப்பூர்வமான திறப்பு விழாவுமின்றி, வெள்ளிக்கிழமை முதல் இந்தப் பாதை வாகனப் பயன்பாட்டிற்குத் திறக்கப்பட்டிருககிறது.

நான்கு வழித்தடங்களைக் கொண்ட இந்தப் பாதை திறக்கப்படுவதன் மூலம், தாம்பரம், மாப்பேடு, திருவாஞ்சேரி மற்றும் அதனைச் சுற்றியுள்ள பகுதிகளைச் சேர்ந்த வாகன ஓட்டிகள் ஜிஎஸ்டி சாலையைத் தவிர்த்து, பெருங்களத்தூர் மேம்பாலம் வழியாக வண்டலூர் மற்றும் செங்கல்பட்டுக்குச் செல்ல முடியும்; இது முக்கியச் சாலையான ஜிஎஸ்டி சாலையில் நெரிசலைக் குறைக்க உதவும் என எதிர்பார்க்கப்படுகிறது.

மேலும், இந்தப் புதிய பாதை வாகன ஓட்டிகள் பெருங்களத்தூர் மேம்பாலம் வழியாக கிழக்கு புறவழிச்சாலையை அடைந்து, தாம்பரத்தின் கிழக்குப்பகுதிகளைச் சென்றடையவும் வழிவகுக்கும். அதாவது நேரடியாக இனி சேலையூர் போய்விட முடியும். எனவே வேளச்சேரி, பள்ளிக்கரணை, மேடவாக்கம், சோழிங்கநல்லூர் செல்பவர்கள் தாம்பரம் செல்லாமல் அப்படியே பெருங்களத்தூரிலயே கட்டாகி, நேரடியாக சேலையூரில் இணைந்து பயணிக்க முடியும். அதேபோல் சேலையூரில் இணைந்து நேரடியாக தாம்பரம் போகாமல் பெருங்களத்தூரை தொட முடியும்.

இந்த பாலப்பணி குறித்து நெடுஞ்சாலைத் துறை மூத்த அதிகாரி ஒருவர் கூறுகையில், கிழக்கு புறவழிச்சாலையில், மேம்பாலத்தின் தொடக்கப் புள்ளியிலிருந்து சுமார் 1 கி.மீ தொலைவில், ஆறு வழித்தடங்களைக் கொண்ட காந்தி சாலை ஒரு பாதுகாக்கப்பட்ட வனப்பகுதி வழியாகச் செல்லும்போது சுமார் 750 மீட்டர் தூரத்திற்கு இரண்டு வழித்தடங்களாகச் சுருங்கியிருந்தது.

எனவே "சாலை விரிவாக்கப் பணிகளுக்குத் தேவைப்படும் வன நிலத்திற்கு மாற்றாக மாற்று நிலத்தை வழங்குவதற்கான முன்மொழிவுக்குச் செங்கல்பட்டு மாவட்ட ஆட்சியர் ஏற்கனவே ஒப்புதல் அளித்துள்ளார். 750 மீட்டர் நீளமுள்ள இந்தப் பகுதி ஆறு வழிச்சாலையாக விரிவுபடுத்தப்பட இருக்கிறது. . இப்பணிகள் நிறைவடைந்ததும், வாகன ஓட்டிகள் ரயில்வே மேம்பாலம் வழியாக நேரடியாக மாப்பேடு மற்றும் சேலையூரை அடைய முடியும்; இதனால் பயண நேரம் குறையும்," என்று கூறினார்.

தாம்பரம் மற்றும் வண்டலூர் ரயில் நிலையங்களுக்கு இடையே, பெருங்களத்தூர் அருகே உள்ள 32-வது எண் ரயில்வே லெவல் கிராசிங் கேட்டை அகற்றிவிட்டு, அதற்குப் பதிலாக ரயில்வே மேம்பாலம் அமைக்கும் பணி கடந்த 2019-ல் தொடங்கியது. இத்திட்டம் ரூ. 235 கோடி செலவில் மேற்கொள்ளப்பட்டது. ஜிஎஸ்டி சாலையில் அமைந்துள்ள நீள்வட்ட வடிவச் சுழல் மேம்பாலம் ஆறு வழித்தடங்களைக் கொண்டுள்ளது.

வண்டலூர் மற்றும் தாம்பரத்தை இணைக்கும் முதல் இரண்டு வழித்தடங்கள் செப்டம்பர் 2022-ல் திறக்கப்பட்டன; அதேவேளையில், எஸ்.ஆர். சாலையில் புதிய பெருங்களத்தூர் நோக்கிய வழித்தடம் ஜூன் 2023-ல் திறக்கப்பட்டது. தாம்பரத்திலிருந்து வண்டலூர் செல்லும் வகையிலான இரண்டு வழித்தடங்கள் ஆகஸ்ட் 2024-ல் திறக்கப்பட்டன.

திருவிழாக் காலங்களில், செங்கல்பட்டிலிருந்து சென்னை திரும்பும் வாகன ஓட்டிகள் சிட்லப்பாக்கம், ராஜகீழ்ப்பாக்கம் மற்றும் கிழக்கு தாம்பரம் பகுதிகளை அடைய இந்து மிஷன் கல்லூரிக்கு அருகே 'யூ-டர்ன்' (U-turn) எடுக்க வேண்டியிருந்தது . "இப்போது, ​​எந்தச் சிரமமும் இன்றி இந்தப் பகுதிகளை அடைய மேம்பாலத்தைப் பயன்படுத்தலாம். எனினும் பீக் அவர்ஸ் நேரங்களில் கேம்ப் ரோடு சந்திப்பில் இன்னும் போக்குவரத்து நெரிசல் ஏற்படுகிறது.

பெருங்களத்தூரில் மேம்பாலத்திலிருந்து கிழக்கு புறவழிச்சாலை நோக்கி வாகனங்கள் தடையின்றிச் செல்வதை உறுதிசெய்ய, வன நிலம் கையகப்படுத்தும் பணிகளை விரைவுபடுத்த வேண்டும் என்று உள்ளூர் மக்கள் வலியுறுத்தியுள்ளார்கள்.

சென்னை புறவட்டச் சாலை திட்டத்தின் 5-வது கட்டத்திற்கான டிஐபிஆர் டெண்டர் ரத்து

சிங்கப்பெருமாள்கோவில் - பூஞ்சேரி வரையிலான சென்னை புறவட்டச் சாலை திட்டத்தின் ஐந்தாவது கட்டத்திற்கான விரிவான திட்ட அறிக்கையை தயாரிப்பதற்கான டெண்டரைத் தமிழ்நாடு சாலை மேம்பாட்டுக் கழகம் ரத்து செய்திருக்கிறது. கடந்த புதன்கிழமையன்று TNRDC வெளியிட்ட அறிவிப்பின்படி, நிர்வாகக் காரணங்களுக்காக இந்த டெண்டர் ரத்து செய்யப்பட்டுள்ளது.

27.4 கி.மீ நீளமுள்ள இந்த சென்னை புறவட்டச் சாலை வழித்தடத்தை ரூ. 750 கோடி மதிப்பீட்டில் மேம்படுத்தத் திட்டமிடப்பட்டிருந்தது. விரிவான திட்ட அறிக்கையைத் தயாரிப்பதற்குத் தேவையான பிற அம்சங்களுடன், வழித்தடத்தை இறுதி செய்தல் மற்றும் சமூக, சுற்றுச்சூழல் தாக்கங்களை மதிப்பிடுதல் உள்ளிட்ட கட்டுமானப் பணிகளுக்கு முந்தைய ஆய்வுகளை மேற்கொள்வதும் இந்த ஒப்பந்தப்புள்ளியில் அடங்கியிருந்தது. இந்த ஒப்பந்தம் ரத்து செய்யப்பட்டதற்கான காரணங்கள் குறித்து கருத்து தெரிவிக்க தமிழ்நாடு சாலை மேம்பாட்டுக் கழக அதிகாரிகள் மறுத்துவிட்டனர்.

English summary

The flyover that has become the solution to the traffic congestion between Tambaram and Perungalathur starting today