என்னாது.. நான் இளம் வயசிலேயே செத்துட்டேனா?.. அடப்பாவிகளா.. சித்தார்த் "அதிர்ச்சி" ட்வீட்

சென்னை: கடந்த 3 ஆண்டுகளுக்கு முன்னர் ஒரு யூடியூப் சேனலின் முகப்பில் இளம் வயதில் இறந்த 10 தென்னிந்திய நடிகர், நடிகைகளின் பட்டியலில் நடிகர் சித்தார்த்தின் புகைப்படமும் இடம்பெற்றிருப்பது பெரும் அதிர்ச்சியை ஏற்படுத்தியுள்ளது.

யூடியூப் சேனல்களில் இளம் வயதில் சாதனை புரிந்த நடிகர், நடிகைகள், விளையாட்டு வீரர்கள், இளம் வயதில் இறந்த நடிகர், நடிகைகள், நடிகர், நடிகைகளின் ஜாதி, நடிகர், நடிகையர்களின் சம்பளம் உள்ளிட்டவற்றின் தொகுப்புகளை யாராவது ஒரு சேனல் போடுவது வழக்கம்.

சேனலை பிரபலப்படுத்த வித்தியாசமான தலைப்புகளை வைத்து வாடிக்கையாளர்களை சுண்டி இழுப்பது ஒரு விதமான டெக்னிக். ஆனால் இது எத்தகைய தவறு என்பது வீடியோவின் உள்ளே போய் பார்த்தால்தான் தெரியும்.

இளம் வயது

அந்த வகையில் ஒரு யூடியூப் சேனல் கடந்த 3 தினங்களுக்கு முன்னர் ஒரு யூடியூப் சேனல் இளம் வயதில் இறந்த 10 தென்னிந்திய நடிகர், நடிகைகளின் பட்டியலை வெளியிட்டுள்ளது. அதில் சில்க் ஸ்மிதா தொடங்கி நடிகை திவ்ய பாரதி வரை அவர்களின் புகைப்படங்கள் எப்போது இறந்தனர், இறக்கும் போது அவர்களின் வயது என்ன என்பது குறித்து தொகுப்பை வீடியோவாக வெளியிட்டுள்ளனர்.

நடிகைகள்

இந்த வீடியோவின் முகப்பில் நடிகை சவுந்தர்யா, நடிகர் சித்தார்த், நடிகை ஆர்த்தி அகர்வால் ஆகியோரின் படங்கள் போடப்பட்டிருந்தன. இதை பார்த்த ரசிகர்களுக்கு அதிர்ச்சி, உயிரோடு இருக்கும் சித்தார்த்தின் புகைப்படத்தை இறந்தவர்களின் லிஸ்டில் சேர்த்துள்ளனரே! வியூஸ் கிடைக்க என்னவெல்லாம் செய்கிறார்கள் என கண்டனம் தெரிவித்து வருகிறார்கள்.

தெலுங்கு ரசிகர்

அந்த வகையில் தெலுங்கு ரசிகர் ஒருவர் நடிகர் சித்தார்த்திற்கு இந்த புகைப்படத்தையும் வீடியோவையும் டேக் செய்து தெலுங்கில் அந்த யூடியூப் சேனலை திட்டி ட்வீட் போட்டுள்ளார். இதற்கு நடிகர் சித்தார்த் பதில் அளித்துள்ளார். அவர் காமெடியாகவே பதில் கொடுத்துள்ளார்.

வீடியோ

அவர் தனது ட்வீட்டில் இந்த வீடியோ குறித்து நான் யூடியூப் சேனலுக்கு ரிப்போர்ட் செய்தேன். அதற்கு அவர் மன்னித்துவிடுங்கள். ஆனால் வீடியோவில் எந்தவிதமான தவறும் இல்லை என தெரிவித்தனர். என்னுடயை ரியாக்ஷன் அடபாவி என சித்தார்த் தெரிவித்துள்ளார். அதாவது முகப்பில் மட்டுமே சித்தார்த் படம் உள்ளது, உள்ளே வீடியோவில் சித்தார்த்தின் படம் இல்லை.

English summary

A you tube video shows that Siddharth was dead when he was young age.