நடிகர் முரளியின் நெருங்கிய உறவினர்.. "சித்தி" நாடகத்தில் அறிமுகம்.. யார் இந்த டேனியல் பாலாஜி

சென்னை: நடிகை ராதிகாவின் சித்தி தொடரில் டேனியல் என்ற வில்லன் கதாப்பாத்திரத்தில் அறிமுகம் ஆகி வெள்ளித்திரையிலும் வில்லன் கதாப்பத்திரங்களில் தனித்துவம் காட்டிய டேனியல் பாலாஜி நடிகர் முரளிக்கு நெருங்கிய உறவினரும் ஆவார். டேனியல் பாலாஜி தமிழ் படங்களில் மட்டும் இன்றி மலையாளம், தெலுங்கு படங்களிலும் நடித்து ரசிகர்களின் மனதில் தனி இடம் பிடித்துள்ளார்.

பிரபல வில்லன் நடிகர் டேனியல் பாலாஜி திடீர் மாரடைப்பு ஏற்பட்டு காலாமானர். 48 வயதான டேனியல் பாலாஜி வில்லன் கதாப்பாத்திரங்களில் தனது தனித்துவமான நடிப்பை வெளிப்படுத்தினார். நெஞ்சுவலி ஏற்பட்டு கொட்டி வாக்கம் தனியார் மருத்துவமனையில் அனுமதிக்கப்பட்ட டேனியல் பாலாஜி சிகிச்சை பலனின்றி உயிரிழந்தார்.

நடித்த திரைப்படங்கள்: இதையடுத்து சென்னை புரசைவாக்கத்தில் உள்ள அவரது வீட்டிற்கு உடல் கொண்டு வரப்பட்டுள்ளது. காக்க காக்க, வேட்டையாடு விளையாடு, பொல்லாதவன், பைரவா, பிகில், வட சென்னை உள்ளிட்ட பல்வேறு படங்களில் முக்கிய கதாப்பாத்திரங்களில் நடித்துள்ளார். இவர் மறைந்த நடிகர் முரளியின் நெருங்கிய உறைவினர் ஆவார். தமிழ் மட்டும் இன்றி தெலுங்கு, மலையாளம் உள்ளிட்ட படங்களிலும் இவர் நடித்துள்ளார்.

டேனியல் பெயர் எப்படி வந்தது?: 1975 ஆம் ஆண்டு பிறந்த டேனியல் பாலாஜி, சென்னை தரமணி திரைப்பட நிறுவனத்தில் திரைப்பட இயக்கப் படிப்பை முடித்தார். கமல்ஹாசனின் படத்தில் யூனிட் புரொடக்‌ஷன் மேனேஜராக டேனியல் பாலாஜி தனது திரைப்பட வாழ்க்கையை தொடங்கினார். ராதிகா நடிப்பில் பிரபலம் ஆன சின்னத்திரை தொடரான 'சித்தி' தொடரில் டேனியல் என்ற கதாபாத்திரத்தில் நடித்தார். இதன் மூலம் அவரது பெயர் டேனியல் பாலாஜி என மாறியது.

முதல் படம் எது?: ஏப்ரல் மாதத்தில் படம் மூலம் இவர் திரையுலகில் அறிமுகம் ஆகினார். அதைத் தொடர்ந்து தனுஷின் காதல் கொண்டேன், சூர்யாவுடன் காக்க காக்கவில் போலீஸ் அதிகாரியாக நடித்தார். முத்திரை என்ற படத்தில் நாயகனாகவும் நடித்துள்ளார். பிளாக் படத்தின் மூலம் மலையாள சினிமாவிலும் டேனியல் பாலாஜி அறிமுகம் ஆனார். மோகன் லால் நடித்த பகவான், மம்மூட்டி நடித்த டாடி கூல் ஆகிய படங்களிலும் டேனியல் பாலாஜி நடித்துள்ளார்.

English summary

Daniel Balaji, who debuted in the villain role of Daniel in actress Radhika's Siddhi series and also excelled in villain roles on the silver screen, is a close relative of actor Murali. Daniel Balaji has not only acted in Tamil films but also in Malayalam and Telugu films and has occupied a special place in the hearts of fans.