பிராவோ இந்தியா… ! டுவிட்டரில் ரஜினிகாந்த் நச் பாராட்டு… குவியும் வாழ்த்துகள்

Updated: Tuesday, February 26, 2019, 15:08 [IST]

Subscribe to Oneindia Tamil

சென்னை:பாகிஸ்தான் மீது இந்திய விமானப்படையின் அதிரடி தாக்குதலுக்கு பல்வேறு தரப்பில் இருந்தும் பாராட்டுகள் குவிந்து வருகின்றன. பிராவோ இந்தியா என்று ரத்தின சுருக்கமாக நடிகர் ரஜினிகாந்த் பாராட்டு தெரிவித்துள்ளார்.

புல்வாமாவில் நடத்தப்பட்ட தீவிரவாதத் தாக்குதலுக்கு பதிலடி தரும் வகையில் பாகிஸ்தானில் உள்ள தீவிரவாதிகளின் முகாம்கள் மீது விமானப் படை அதிரடி தாக்குதல் நடத்தியிருக்கிறது. இன்று அதிகாலை 3.30 மணியளவில் நடத்தப்பட்ட தாக்குதலில், தீவிரவாத முகாம்கள் மீது சக்தி வாய்ந்த குண்டுகள் வீசப்பட்டன.

12 மிராஜ் 2,000 ரக போர் விமானங்கள் இத்தாக்குதலில் பயன்படுத்தப்பட்டு உள்ளன. சுமார் 1,000 கிலோ எடையுள்ள வெடிகுண்டுகளை வீசியதில் தீவிரவாதிகளின் முகாம்கள் முற்றிலும் அழிந்தன.

குவியும் வாழ்த்துகள்

இந்த அதிரடி தாக்குதலை நடத்திய இந்திய விமானபடைக்கு பலதரப்பில் இருந்து வாழ்த்துக்களை தெரிவித்து வருகின்றனர். அரசியல் தலைவர்கள், விளையாட்டு வீரர்கள், திரையுலகத்தினர் என எந்தவித பாகுபாடும் இன்றி ஒட்டு மொத்தமாக ஒரே குரலில் இந்திய விமானப்படைக்கும், மத்திய அரசுக்கும் பாராட்டுகளை தெரிவித்து வருகின்றனர்.

BRAVO INDIA 🇮🇳👏🏻👏🏻👏🏻
— Rajinikanth (@rajinikanth) February 26, 2019

ரஜினிகாந்த் வாழ்த்து

நடிகர் ரஜினிகாந்த் வழக்கம் போல ரத்தின சுருக்கமாக தமது டுவிட்டரில் இந்திய விமானப்படைக்கு பாராட்டு தெரிவித்துள்ளார்.

பிராவோ இந்தியா என்று ஆங்கிலத்தில் வாழ்த்து என்று அதில் குறிப்பிட்டு உள்ளார். தொடர்ச்சியாக, இந்திய கொடியின் படத்தையும் பதிவிட்டு, கை தட்டல்களையும் அவர் வெளியிட்டுள்ளார்.

India #Strikesback in its fight against terror. Watch #breakingnews
Time to close ranks. #IndiaFirst
A Strike for Peace and Respect for Life.
— Kiran Bedi (@thekiranbedi) February 26, 2019

கிரண்பேடி டுவிட்டர்

இதேபோன்று புதுச்சேரி ஆளுநர் கிரண்பேடி தமது டுவிட்டரில் வாழ்த்து கூறியுள்ளார். அதில் அவர் கூறியிருப்பதாவது:
தீவிரவாதத்துக்கு எதிரான தாக்குதல்களை இந்தியா செயல்படுத்த தொடங்கி இருக்கிறது. அமைதிக்கான, மரியாதையான வாழ்க்கைக்கான போராட்டம் என்று அவர் கூறியிருக்கிறார்.

I salute our Indian Airforce for their attack on terrorist camp near JK Country is proud of you
— V.Narayanasamy (@VNarayanasami) February 26, 2019

நாராயணசாமி பாராட்டு

ஆளுநரை தொடர்ந்து புதுச்சேரி முதல்வர் நாராயணசாமியும் வாழ்த்து தெரிவித்திருக்கிறார். அதில் அவர் கூறியிருப்பதாவது:
தீவிரவாத முகாம்களை அழித்த வீரர்களால் நாட்டுக்கு பெருமை. தீவிரவாத முகாம்களை அழித்த இந்திய விமானப் படைக்கு வணக்கங்களை தெரிவிக்கிறேன் என்று நாராயணசாமி தெரிவித்துள்ளார்.

IAF also means India's Amazing Fighters. Jai Hind
— Mamata Banerjee (@MamataOfficial) February 26, 2019

அற்புதமான வீரர்கள்

விமானப்படை வீரர்கள் அற்புதமான வீரர்கள் என்று மேற்கு வங்க முதல்வர் மம்தா பானர்ஜி பாராட்டி இருக்கிறார். இது குறித்து அவர் வெளியிட்டுள்ள டுவிட்டர் பதிவில் கூறியிருப்பதாவது:

இந்திய விமானப்படைக்கு குவியும் பாராட்டுகள்.. இந்திய விமானப்படை வீரர்களை நாட்டின் அற்புதமான வீரர்கள் என்றும் கூறலாம் என்று மமதா பானர்ஜி கூறியிருக்கிறார்.

I salute the Indian Air Force and indeed all our Armed Forces. Congratulations @IAF_MCC
— Akhilesh Yadav (@yadavakhilesh) February 26, 2019

அகிலேஷ் சல்யூட்

விமானப்படைக்கு சல்யூட் அடிப்பதாக உத்தரப்பிரதேச முன்னாள் முதல்வர் அகிலேஷ் யாதவ் நெகிழ்ச்சியுடன் கூறியுள்ளார். இது குறித்து அவர் வெளியிட்டுள்ள டுவிட்டர் பதிவில் கூறியிருப்பதாவது:
இந்திய விமானப்படைக்கு குவியும் பாராட்டுகள்.. இந்திய விமானப்படைக்கும் ஆயுதப்படைக்கும் என் வணக்கங்களும் பாராட்டுகளும் என்று அகிலேஷ் யாதவ் கூறியுள்ளார்.

The boys have played really well. #SudharJaaoWarnaSudhaarDenge #airstrike
— Virender Sehwag (@virendersehwag) February 26, 2019

சேவாக், தவான் பாராட்டு

இந்திய விமானப்படை வீரர்கள் பாகிஸ்தானுக்கு எதிராக அற்புதமாக விளையாடி இருக்கிறார்கள் என்று முன்னாள் கிரிக்கெட் வீரர் சேவாக் பாராட்டி உள்ளார். அவர் தமது டுவிட்டரில் இதை கூறியிருக்கிறார்.

இதேபோன்று மற்றொரு கிரிக்கெட் வீரரான ஷிகர் தவானும் பாராட்டி இருக்கிறார். அவர் தமது டுவிட்டரில், குறித்த நேரத்தில், தையரியத்துடன் செயல்பட்ட இந்திய விமானப்படைக்கு பாராட்டுகள் என்று கூறியிருக்கிறார்.