தல தல என்று கத்திக்கொண்டே குதித்த சூரி.. பறக்க விட்ட தோனி.. தலையில் கைவைத்த ரோகித் - நீங்களே பாருங்க

Published: Friday, April 22, 2022, 12:40 [IST]

Subscribe to Oneindia Tamil

சென்னை: சென்னை சூப்பர் கிங்ஸ் அணியின் த்ரில் வெற்றியை நடிகர் சூரி டிவி முன் துள்ளி குதித்து கொண்டாடும் வீடியோ தற்போது வைரல் ஆகி வருகிறது

சென்னை, மும்பை அணிகள்

முந்தைய ஐ.பி.எல். தொடர்கள் அனைத்திலும் கொடிகட்டிப் பறந்த முன்னாள் சாம்பியன்களான மும்பை இந்தியன்ஸ் அணியும், சென்னை சூப்பர் கிங்ஸ் அணியும் இந்த ஐ.பி.எல். தொடரில் கடைசி இரண்டு இடங்களை பிடித்துள்ளன. முதல் 4 போட்டிகளில் இரு அணிகளும் போட்டிபோட்டு தோல்வியடைந்தது இரு அணி ரசிகர்களுக்கும் பேரதிர்ச்சியாக அமைந்தது.

சென்னை - மும்பை போட்டி

சினிமாவில் விஜய் - அஜித் போல் பேசப்பட்டு வந்த மும்பை - சென்னை அணிகள் இரண்டும் இம்முறை தோல்வியில் போட்டிபோட்டு வந்தன. இந்த நிலையில், நேற்று மும்பை - சென்னை இடையிலான போட்டியை மையமாக கொண்டு சமூக வலைதளங்களில் மீம்களை ரசிகர்களை தெறிக்கவிட்டு வந்தனர். உச்சக்கட்ட எதிர்பார்ப்புகளுக்கு மத்தியில் நேற்று மும்பையில் இந்த போட்டி நடைபெற்றது.

கடைசி நேர பரபரப்பு

இந்த போட்டியில் முதலில் பேட்டிங் செய்த மும்பை அணி 155 ரன்கள் எடுத்தது. இலக்கை நோக்கி ஆடிய சென்னை அணிக்கு வெற்றிபெற கடைசி ஓவரில் 17 ரன்கள் தேவைப்பட்டது. முதல் பந்தில் விக்கெட் விழவே சென்னை அணி ரசிகர்களின் நம்பிக்கை குறைந்தது. 2-வது பந்தில் 1 ரன் மட்டுமே பிராவோ எடுத்த நிலையில் 4 பந்துகளில் 16 ரன்கள் எடுக்க வேண்டிய நிலை இருந்தது.

தோனியால் வென்ற சென்னை

இந்த நிலையில் 3 பந்துகளில் 12 ரன்கள் அடித்த சென்னை சூப்பர் கிங்ஸ் அணி முன்னாள் கேப்டன் தோனி, கடைசி பந்தில் பவுண்டரி அடித்தால் வெற்றி என்ற நிலையில் அசத்தலான ஒரு பவுண்டரி அடித்து சென்னை அணிக்கு வெற்றியை தேடி தந்தார். பழைய கேப்டன் தோனியை மீண்டும் பார்த்த மகிழ்ச்சியில் ரசிகர்கள் சமூக வலைதளங்களில் பதிவுகளை குவித்து வருகின்றனர்.

சூரியின் கொண்டாட்ட வீடியோ

தோனியின் இந்த ஆட்டத்தை கண்டு பிரபலங்களும் உற்சாகத்தை பகிர்ந்துள்ளனர். அந்த வகையில்,
இந்த போட்டியை நேரலையில் பார்த்துக் கொண்டிருந்த நகைச்சுவை நடிகர் சூரி, கடைசி பந்தில் தோனி பவுண்டரி அடித்ததும் தொலைக்காட்சி முன்பாக துள்ளிக்குதித்து 'நம்ம தல நம்ம தல தான்' என்று சொல்கிறார். இந்த வீடியோ தற்போது சமூக வலைதளங்களில் அதிகளவில் பகிரப்பட்டு வருகிறது.

Published On April 22, 2022