புத்தாண்டு வந்தாச்சு.. தெறிக்க விடும் வடிவேலு மீம்கள்.. செம விஷ் இது.. பாருங்க.. குலுங்கி சிரிங்க!

Updated: Thursday, December 31, 2020, 16:56 [IST]

Subscribe to Oneindia Tamil

சென்னை: புத்தாண்டு கொண்டாட்டத்தையொட்டி கமலின் இளமை இதோ இதோ பாடலை வடிவேலுவின் காமெடி சீன்களுக்கு சிங்க் செய்துள்ள வீடியோ வைரலாகி வருகிறது.

Recommended Video

வடிவேலு காமெடிகளை வைத்து கமல் பாட்டில் புத்தாண்டு வாழ்த்து.. வைரலாகும் வீடியோ

புத்தாண்டு கொண்டாட்டம் என்றால் டிவி, ரேடியோக்கள், ஸ்பீக்கர்களில் இளமை இதோ இதோ என்ற சகலகலா வல்லவன் படத்தில் வரும் பாடல்தான் ஒலிக்கும். டிசம்பர் 31-ஆம் தேதி இரவு புத்தாண்டு பிறந்தவுடன் இப்பாடல் ஒலிக்கும்.

ஒவ்வொரு ஆண்டு பிறக்கும் போது இந்த வாட்டியும் இதே பாடல்தானா என சிலர் வேடிக்கையாக கேட்பதுண்டு. இந்த 2021 ஆம் ஆண்டும் நாம் புத்தாண்டு கொண்டாட்டத்துக்காக இளமை இதோ இதோ பாடலைதான் கேட்க போகிறோம்.

இளமை இதோ

ஆனால் சற்று வித்தியாசமாக இளமை இதோ இதோ பாடல் வீடியோ வைரலாகி வருகிறது. அதில் வடிவேலு நடித்த படக்காட்சிகளின் தொகுப்பை கனகச்சிதமாக எடுத்து போட்டு பக்காவாக ரெடி செய்துள்ளார்கள். அந்த பாடலின் துவக்கத்தில் டைமர் போல் ஒரு சப்தம் கேட்கும்.

வடிவேல்

இதற்கு அசினுக்கு வடிவேல் கராத்தே கற்று கொடுக்கும் போது ஓஜாக் ஓஜாக் காமெடி ஒலிபரப்பப்படுகிறது. இதன் பின் கமல் வாகனத்தில் செல்லும் காட்சிகளுக்கு பதிலாக வடிவேல் வாகனத்தில் செல்லும் காட்சிகள் என வீடியோவே கலக்கலாக உள்ளது.

விடாத மீம்ஸ்கள்

மீம்ஸையும் வடிவேலுவையும் பிரிக்க முடியாது என்பதை போல் ஆகிவிட்டது. கொரோனாவாக இருந்தாலும் சரி, மழையாக இருந்தாலும் சரி, அரசியலாக இருந்தாலும் சரி வடிவேலுவின் மீம்ஸ்கள் சிங்க் ஆகும். அந்த வகையில் புத்தாண்டிற்கு புது வடிவம் கொடுத்தது போல் உள்ளது இந்த வீடியோ.

கத்தி சண்டை

கம்பு எடுத்து ஆடுவேன், கத்திசண்டை போடுவேன் வரிகளுக்கு வடிவேல் கம்பு சுத்துவது போன்ற காட்சியும் 23 ஆம் புலிகேசியில் கத்திச் சண்டை காட்சியும் பயன்படுத்தப்பட்டுள்ளது. நான் தான் சகலகலா வல்லவன் என்ற வரிகளுக்கு ஒரு விழாவில் அவர் விருது வாங்கிய காட்சிகள் இடம்பெற்றுள்ளன.