முக ஸ்டாலினை சந்தித்த விஜய்.. துரைமுருகனுடன் கைகுலுக்கல்.. கல்யாண வீட்டில் கலகல சந்திப்பு

Updated: Monday, September 2, 2019, 13:40 [IST]

Subscribe to Oneindia Tamil

Recommended Video

விஜய் மீதான அரசியல் வருகைக்கான எதிர்பார்ப்பு அதிகரித்தது

சென்னை: நடிகர் விஜய்யை அரசியலுக்கு அழைத்து வரும் நிலையில் முக ஸ்டாலினை விஜய் சந்திக்கும் புகைப்படம் வைரலாகியுள்ளது.

ஆரம்பத்தில் ரஜினியை மட்டுமே அரசியலுக்கு வருமாறு அவரது ரசிகர்கள் அழைத்து வந்தனர். இந்த நிலையில் 20 முதல் 25 ஆண்டுகள் கழித்து அவர் கடந்த 2017-ஆம் ஆண்டு இறுதியில் அரசியலுக்கு வருவதாக அறிவித்தார். எனினும் அவர் இன்னும் அரசியலுக்கு வரவில்லை.

அடுத்த ஆண்டு அரசியலுக்கு வருவார் என எதிர்பார்க்கப்பட்டுள்ளது. இந்த நிலையில் நடிகர் கமல்ஹாசன் கடந்த ஆண்டு கட்சியை தொடங்கி நாடாளுமன்றத் தேர்தலிலும் போட்டியிட்டு கணிசமான வாக்குகளை பெற்றார்.

படங்களில் அரசியல் இல்லை

இதையடுத்து அஜித்தை அவரது ரசிகர்கள் அரசியலுக்கு வருமாறு அழைத்து வந்தனர். ஆனால் அஜித்துக்கு அரசியல் பிடிக்காது என்பதால் அவரது படங்களிலும் அரசியல் காட்சிகள் ஏதும் பிரதிபலிக்காதவாறு படங்களை தேர்வு செய்வார்.

சந்திரசேகர்

தமிழிசையின் கருத்துக்கு பதில் அளிக்கும் வகையில் அஜித் வெளியிட்ட அறிக்கையில் தான் அரசியலுக்கு வரவிரும்பவில்லை என்பதை தெளிவுப்படுத்திவிட்டார். இந்த நிலையில் விஜய்யையும் அவரது ரசிகர்கள் அரசியலுக்கு அழைத்து வருகின்றனர். குறிப்பாக அவர் அரசியலுக்கு வர வேண்டும் என அவரது தந்தையும் இயக்குநருமான எஸ் ஏ சந்திரசேகர் விரும்புகிறார்.

கைகுலுக்கல்

அண்மையில் வெளிவந்த மெர்சல் படத்தில் ஜிஎஸ்டிக்கு எதிராக வசனங்கள் இடம்பெற்றிருந்தன. இதையடுத்து விஜய் மீதான அரசியல் வருகைக்கான எதிர்பார்ப்பு அதிகரித்தது. இந்த நிலையில் தனியார் நட்சத்திர ஹோட்டல் ஒன்றில் நடிகர் விஜய், திமுக தலைவர் ஸ்டாலினுடன் சிரித்து பேசுவது போலவும் துரைமுருகனுடன் கைகுலுக்குவது போலவும் புகைப்படங்கள் வைரலாகின.

EXCLUSIVE VIDEO of #Thalapathy #Vijay from a wedding function at Leela Palace. @ActorVijayFP #BigilTamilMovie pic.twitter.com/Oubz1YCYn2
— #BIGIL (@BigilTamilMovie) September 2, 2019

துரைமுருகன்

பின்னர் என்னவென விசாரித்தால், சென்னை ஹோட்டல் லீலா பேலஸில் முரசொலி நாளிதழின் ஆசிரியர் செல்வத்தின் இல்ல விழாவில் நடிகர் விஜய் கலந்து கொண்டதும் மரியாதை நிமித்தமாக ஸ்டாலினையும் துரைமுருகனையும் விஜய் சந்தித்தது தெரியவந்தது. நடிகர் விஜய்யை அரசியலுக்கு அழைத்து வரும் நிலையில் முக ஸ்டாலினை விஜய் சந்திக்கும் புகைப்படம் வைரலாகியுள்ளது.