விஜய் அரசியல் ஆட்டம் ஆரம்பம்.. 2026 தேர்தலில் கறமிறங்கும் தமிழக வெற்றி கழகம்.. நாற்காலி கிடைக்குமா?

சென்னை: நடிகர் விஜய் தனது அரசியல் பயணத்தை தொடங்கி விட்டார். தமிழக வெற்றி கழகம் என்று கட்சியின் பெயரை அறிவித்து விட்டார். 2026ஆம் ஆண்டு சட்டசபை தேர்தலை குறிவைத்து ஆட்டத்தை ஆரம்பித்துள்ளார் விஜய். முதல்வர் நாற்காலியில் அமரும் அளவிற்கு நடிகர் விஜய் ஜாதகம் சாதகமாக இருக்கிறதா வெற்றி வாய்ப்பு எப்படி இருக்கும் என்று கணித்துள்ளனர் ஜோதிடர்கள்.

அரசியல் தலைவர்கள்: பேரறிஞர் அண்ணா, கருணாநிதி, எம்ஜிஆர்,சிவாஜி,ஜெயலலிதா, எஸ்எஸ்ஆர், பாக்யராஜ், டி.ராஜேந்தர்,விஜயகாந்த்,சரத்குமார், கமல் வரிசையில் அரசியலில் காலடி எடுத்து வைத்துள்ளார் நடிகர் விஜய். சினிமாவில் செல்வாக்கு பெற்ற தலைவராக இருந்தாலும் அரசியலில் வெற்றி பெற மக்கள் செல்வாக்கு அவசியம். அது எல்லோருக்கும் கிடைப்பதில்லை. நடிகர் விஜய்க்கு மக்களிடம் வசீகரம் எப்படி உள்ளது என்று ஜாதகத்தை வைத்து பார்க்கலாம்.

பொன்விழா ஆண்டு: நடிகர் விஜய் கடகராசி பூச நட்சத்திரம் கன்னி லக்னத்தில் பிறந்தவர். ஜூன் மாதம் 22ஆம் தேதி 1974ஆம் ஆண்டு பிறந்த விஜய்க்கு இந்த ஆண்டு பொன்விழா ஆண்டு. தற்போது சுக்கிரதிசை நடைபெறுகிறது. இன்னும் பத்தாண்டுகளுக்கு விஜய்க்கு சுக்கிரதிசைதான் உள்ளது. எனவே விஜய்யின் அரசியல் பயணம் அற்புதமாக இருக்கும் என்கின்றனர் ஜோதிடர்கள்.

2026 சட்டசபை தேர்தல்: 2024ஆம் ஆண்டில் கட்சி ஆரம்பித்தாலும் நடிகர் விஜய்யின் இலக்கு 2026 சட்டசபை தேர்தல்தான். இந்த ஆண்டு நடைபெற உள்ள லோக்சபா தேர்தலில் போட்டியிடப்போவதில்லை என்று கூறியுள்ள விஜய் 2026ஆம் ஆண்டு சட்டசபை தேர்தலில் களமிறங்குவோம் என்று கூறியுள்ளார். அரசியல் கட்சி ஆரம்பித்த உடன் எம்எல்ஏ ஆனவர் விஜயகாந்த். அடுத்த 5 ஆண்டுகளில் எதிர்கட்சி தலைவரானார். விஜய் கட்சி ஆரம்பித்து 2 ஆண்டுகளில் பெரிய அளவில் வெற்றி பெற முடியாவிட்டாலும் 2031ஆம் ஆண்டு சட்டசபை தேர்தலை நோக்கிய பயணமாக இருக்கும்.

அஷ்டமத்து சனி: நடிகர் விஜய்க்கு தற்போது கோச்சாரப்படி அஷ்டமத்து சனி நடைபெறுகிறது. அஷ்டமத்து சனி காலத்தில் எந்த ஒரு நல்ல காரியத்தையும் தொடங்க மாட்டார்கள். அதே நேரத்தில் விஜய் ஜாதகப்படி, தசாபுத்தி படி நேரம் சரியாக இருப்பதால் கட்சி பெயரை அறிவித்து விட்டார். 2026ஆம் ஆண்டு சனி பகவான் பாக்ய சனியாக 9ஆம் இடத்திற்கு இடம் மாறிய பிறகுதான் அவர் தேர்தல் அரசியலில் ஈடுபடப்போகிறார்.

அரசியல் தலைவர் விஜய்: நடிகர் விஜய்க்கு ஜாதகம் சாதகமாகவே உள்ளது என்றும் கிரகங்களின் ஆதரவு இருப்பதால் மக்களின் ஆதரவோடு அவர் மிகப்பெரிய அரசியல் தலைவராக உருவெடுப்பார் என்றும் ஜோதிடர்கள் கணித்துள்ளனர். 2026ஆம் ஆண்டு சட்டசபை தேர்தலில் ஆழம் பார்க்கும் விஜய் 2031ஆம் ஆண்டு தமிழ்நாட்டின் மிகப்பெரும் அரசியல் தலைவராக உருவெடுப்பார் என்றும் கணித்துள்ளனர்.

பெண்களின் ஆதரவு: பிரதமர் மோடி ஜாதகம் போலவே நடிகர் விஜய் ஜாதகமும் அரசியல் தலைவருக்கான யோக ஜாதகமாக உள்ளது என்று கூறியுள்ள ஜோதிடர்கள், அரசியல் செல்வாக்கு மிக்க தலைவராக உயர்வதற்கு பெண்களின் ஆதரவும் அதிகம் கிடைக்கும் என்றும் கணித்திருக்கின்றனர் ஜோதிடர்கள்.

விஜய்க்கு வெற்றி எப்படி: "எண்ணித் துணிக கருமம்" என்பது வள்ளுவன் வாக்கு. அதன்படியே, "தமிழக வெற்றி கழகம்" என்கிற பெயரில் எமது தலைமையிலான அரசியல் கட்சி துவங்கப்பட்டு, இந்திய தலைமை தேர்தல் ஆணையத்தில் பதிவு செய்ய எமது கட்சியின் சார்பில் விண்ணப்பம் செய்யப்பட்டுள்ளது என்று தனது முதல் அறிக்கையில் கூறியுள்ளார் விஜய். எது எப்படியே அரசியல் ஆட்டத்தை தனது பொன்விழா ஆண்டில் ஆரம்பித்து விட்டார் விஜய். அவருக்கு அரசியல் களம் வெற்றியை பரிசளிக்குமா பார்க்கலாம்.

English summary

Actor Vijay has started his political journey. He announced the name of the party as Tamilaga Vetri kalagam. Vijay has started the game targeting the 2026 assembly elections. Astrologers have predicted whether actor Vijay's horoscope is favorable to sit on the chief minister's chair and what are the chances of success.