நீலாங்கரை வீட்டிலிருந்து வாக்குச்சாவடிக்கு சைக்கிளில் சென்ற விஜய்.. சைக்கிள் என்ன விலை தெரியுமா?
சென்னை: விஜய் வாக்குச் சாவடிக்கு சைக்கிள் ஓட்டி வந்தாலும் வந்தார், ஊரெல்லாம் அந்த சைக்கிளை பற்றியே பேச்சு இருக்கிறது.
ஒரு பொருளை ஒரு பிரபல நடிகரோ, நடிகையோ பயன்படுத்திவிட்டால் அந்த பொருள் மக்களிடையே மிகவும் பிரபலமடைந்துவிடும். அந்த வகையில் விஜய் பயன்படுத்தியதால் ஒரு பொருளின் சிறப்பம்சங்களை மக்கள் தேடி வருகிறார்கள்.
தமிழக சட்டசபைக்கு நேற்றைய தினம் வாக்குப் பதிவு நடைபெற்றது. இந்தத் தேர்தலில் வாக்களிக்க தனது வீட்டிலிருந்து நீலாங்கரையில் உள்ள வாக்குச் சாவடிக்கு விஜய் சைக்கிளில் சென்றார்.
விஜய்
பெட்ரோல், டீசல் விலை உயர்வை கண்டித்து விஜய் அவ்வாறு சைக்கிளில் வந்ததாக சொல்லப்பட்டது. பின்னர் தனது வீடு பக்கத்தில் இருப்பதால் கார் கொண்டு சென்றால் போக்குவரத்து நெரிசல் ஏற்படும் என்பதால் விஜய் சைக்கிளில் வாக்களிக்க சென்றதாக அவர் தரப்பில் இருந்து விளக்கம் அளிக்கப்பட்டது.
ரசிகர்கள்
விஜய் வாக்குச் சாவடிக்கு சைக்கிள் ஓட்டிச் சென்றார் என்ற ஒரு காரணத்திற்காக மட்டுமே அந்த சைக்கிளின் விலை , சிறப்பம்சங்களை தெரிந்து கொள்ள ரசிகர்கள் ஆர்வம் காட்டி வருகிறார்கள். அவர் ஓட்டிச் சென்ற சைக்கிளின் எடை 16 கிலோவாகும்.
பிரேக்குகள்
அந்த சைக்கிளின் விலை ரூ 22, 500 ஆகும். அதன் நிறம் கார்பன் பிளாக் மற்றும் நியான் ரெட் என்ற இரட்டை வண்ணங்களில் உள்ளது. கியர் சைக்கிளான அதில் 24 ஸ்பீடு கியர் அமைக்கப்பட்டுள்ளது. பிரேக் மெக்கானிக்கல் டிஸ்க் பிரேக்குகள் கொண்டவையாகும்.
மாடல்
டயர்கள் 29 க்கு 2.1 அங்குலம் உடைய எம்டிபி டயர்கள் உள்ளன. எக்ஸ்எம்ஆர் அலாய் ஹேண்டில்பார். மவுன்டெயின் பைக் என்ற ரகத்தில் குறிப்பிடப்படும் மான்ட்ரா மெட்டல் 29 சைக்கிள் மாடலையே பயன்படுத்தியுள்ளார் விஜய். இந்த மாடல் 2019-இல் மான்ட்ரா நிறுவனம் வெளியிட்டதாகும்.
Click it and Unblock the Notifications
Sign in with Google