காருக்குள் அண்ணன் ஆடிய டான்ஸ்.. ட்வீட் போட்டு மகிழ்ந்த தங்கை.. இது நடிகர் விஜய் வீட்டின் குஷி!

சென்னை: நடிகர் விஜய்யின் மகன் சஞ்சய் காரில் நடனம் ஆடும் வீடியோ வைரலாகி வருகிறது. இதை சஞ்சயின் தங்கை திவ்யா ஷாஷா தனது ட்விட்டர் பக்கத்தில் மகிழ்ச்சியுடன் பகிர்ந்துள்ளார்.

நடிகர் விஜய் இலங்கை பெண்ணான தனது ரசிகை சங்கீதாவை 1999-ஆம் ஆண்டு மணந்தார். இவர்களுக்கு சஞ்சய் என்ற மகனும் திவ்யா ஷாஷா என்ற மகளும் உள்ளனர்.

மகள் திவ்யா தெறி படத்தில் விஜய்யின் மகளாக நடித்திருப்பார். மகன் சஞ்சய் வேட்டைக்காரன் படத்தில் வரும் நாயகனை அறிமுகப்படுத்தும் பாடலான நான் அடிச்சாதாங்கமாட்ட என்ற பாடலில் ஒரு காட்சியில் வந்தார்.

பேட்மிண்டன்

விஜய்யின் மகளுக்கு பேட்மிண்டன் விளையாடுவதில் ஆர்வம் அதிகம். அது போல் சஞ்சய்க்கு அப்பாவை போல் சினிமாவில்தான் ஆர்வம். இதற்காக கனடாவில் உள்ள பிலிம் மேக்கிங்கில் படித்து வருகிறார். இவர் சில குறும்படங்களிலும் நடித்துள்ளார்.

தீம் மியூசிக்

இந்த நிலையில் சஞ்சய் நண்பர்களுடன் காரில் தந்தையின் மாஸ்டர் படத்தின் தீம் மியூசிக்கிற்கு நடனம் ஆடுவது போன்ற வீடியோ வைரலாகி வருகிறது. இதை சஞ்சயின் தங்கை திவ்யா ட்விட்டரில் பகிர்ந்துள்ளார். நல்லா ஜாலியாக இருங்கள் என கூறியுள்ளார் திவ்யா.

Have fun bro....@actorvijay pic.twitter.com/t32Gp0mGSC

— Divya Shasha Vijay 🏸 (@shasha_vijay) June 6, 2021

அவசியம்

இவர் இந்த வீடியோ மட்டுமல்லாது தனது அண்ணன் நண்பர்களுடன் இருக்கும் புகைப்படங்களையும் வெளியிட்டுள்ளார். இந்த இரு வீடியோக்களையும் தனது தந்தைக்கு டேக் செய்துள்ளார். மரம் நடுவதன் அவசியம் குறித்து புகைப்படம் வெளியிட்டிருந்தார் திவ்யா.

முக்கிய பதிவுகள்

இது போல் விஜய், தனது குடும்பத்தினர் குறித்து முக்கிய பதிவுகளை பகிர்ந்து வருகிறார் ஷாஷா. சட்டசபை தேர்தலில் விஜய் வாக்களித்த புகைப்படம், கே வி ஆனந்திற்கு இரங்கல், அஜித்தும் விஜய்யும் சேர்ந்திருக்கும் புகைப்படம் வெளியிட்டு தல அஜித்திற்கு பிறந்தநாள் வாழ்த்து என டிவிட்டரில் ஆக்டிவ்வாக இருக்கிறார் ஷாஷா.

English summary

Actor Vijay's son dances video was shared by daughter Divya Sasha in her twitter.