வழியை விடு! மாநாட்டிற்கு வேகமாக ரெடியாகும் விஜய்.. குறுக்கே புகுந்து.. ஸ்பீடு பிரேக் போட்ட ஜோசியர்!

Updated: Thursday, August 29, 2024, 10:11 [IST]

Subscribe to Oneindia Tamil

சென்னை: தமிழக வெற்றிக் கழக தலைவரும் நடிகருமான விஜய் தனது கட்சிக்கான மாநாட்டை நடத்த திட்டமிட்டுள்ளார். முதல் மாநாட்டிற்கான விண்ணப்பம் தரபட்டுள்ளது. இதற்கான ஏற்பாடுகள் தீவிரமாக நடந்து வரும் நிலையில், விஜய்க்கு நெருக்கமான ஒருவரே அவருக்கு முட்டுக்கட்டை போட்டுள்ளாராம்.

நடிகர் விஜயின் தமிழக வெற்றி கழகத்தின் கொடி அறிமுகம் செய்யப்பட்டு உள்ளது. இந்த கொடி சிவப்பு மற்றும் மஞ்சள் நிறத்தில் அமைக்கப்பட்டு உள்ளது. மேலே, கீழ் சிவப்பு, நடுவில் மஞ்சள் நிறத்தில் கொடி அமைக்கப்பட்டு உள்ளது. இந்த கொடியில் இரண்டு பக்கம் யானை வைக்கப்பட்டு உள்ளது.

இவை போர் யானைகள் ஆகும். நடுவில் வாகைப்பூ வைக்கப்பட்டு உள்ளது. வாகைப்பூ தமிழ்நாட்டின் பூ ஆகும். அதை சுற்றி ஸ்டார்கள் வைக்கப்பட்டு உள்ளன. இந்த கொடி முழுக்க முழுக்க தமிழ், தமிழ் தேசியம் ஆகியவற்றை பிரதிபலிக்கும் வகையில் உருவாக்கப்பட்டுள்ளதை பார்க்க முடிகின்றது.

போர் வீரம், தோழமை, தைரியம் ஆகியவற்றை குறிக்கும் விதமாக இப்படி வடிவமைக்கப்பட்டு உள்ளது. வாகைப்பூ இதை குறிக்கும் விதமாக அமைந்துள்ளது. அதே சமயம் கொடிக்கான விளக்கத்தை மாநில மாநாட்டில் அறிவிப்பதாக விஜய் கூறி உள்ளார்.

முட்டுக்கட்டை: தமிழக வெற்றிக் கழக தலைவரும் நடிகருமான விஜய் தனது கட்சிக்கான மாநாட்டை நடத்த திட்டமிட்டுள்ளார். முதல் மாநாட்டிற்கான விண்ணப்பம் தரபட்டுள்ளது.

செப்டம்பர் 23 ம் தேதி திங்கள்கிழமை மாநாடு நடத்தப்பட உள்ளது. இதற்கான இடம் விக்கிரவாண்டி.திமுக பொதுகூட்டம் நடந்த இடம் ஆகும் இது. முதலில் விஜய் ஞாயிற்றுகிழமை மாநாடு நடத்தினால் நன்றாக இருக்கும் என்று நினைத்துள்ளார். அதாவது பொதுமக்கள் கல்லூரி மாணவர்கள் வருவார்கள். கூட்டம் அதிகமாக இருக்கும்.

தொண்டர்கள் மட்டும் வந்தால் கூட்டம் இருக்காது.. பொதுமக்களும் வந்தால்தான் கூட்டம் இருக்கும். கூட்டம் வந்தால்தான் பவரை காட்ட முடியும். அதனால் ஞாயிற்றுக்கிழமை வைக்கலாம் என்று விஜய் நினைத்துள்ளார். ஆனால் திங்கள்கிழமைதான் சரியான நாள்.. அன்று தொடங்கினால்தான் எல்லாம் சரியாக இருக்கும் என்று விஜயின் ஆஸ்தான ஜோசியர் கூறி உள்ளாராம்.

உள்ளே வரும் டீம்: இதையடுத்து நடிகர் விஜய் தனது கட்சிக்கு ஆள் சேர்க்கிறார். முக்கியமாக சில பழைய கைகளை கட்சிக்குள் கொண்டு வருவதற்கான பணிகளை நடிகர் விஜய் முடுக்கி விட்டு உள்ளாராம். இதற்கான ஏற்பாடுகள் நடந்து வருவதாக அவருக்கு நெருக்கமான வட்டாரங்கள் தெரிவிக்கின்றன.

நடிகர் விஜயின் கட்சியில் 5 முக்கியமான நிர்வாகிகள் சேர உள்ளனர். ஏ என்ற இனிஷியல் கொண்ட நபரும்.. இதற்கு முன் நடிகர் ஒருவருக்கு ஆதரவாக இருந்த 2 நபர்களும், திமுக அதிமுகவில் இருந்த 2 பேரும் விஜயின் தமிழக வெற்றிகழக கட்சியில் இணைய உள்ளார்களாம்.

உறுதிமொழி: மாநாட்டில் கட்சியின் கொடி ஏற்றிய பின் மேற்கொள்ளப்பட உள்ள உறுதிமொழி மேற்கொள்ளப்பட உள்ளது. விஜய் கொடி ஏற்றியதும் தமிழக வெற்றிக் கழக நிர்வாகிகள் பின்வரும் உறுதி மொழியை படிக்க உள்ளனர்.

அதன்படி, நமது நாட்டின் விடுதலைக்காகவும், நமது மக்களின் உரிமைகளுக்காகவும் தமிழ் மண்ணில் இருந்து தீரத்துடன் போராடி உயிர் நீத்த எண்ணற்ற வீரர்களின் தியாகத்தை எப்போதும் போற்றுவேன். நமது அன்னைத் தமிழ் மொழியைக் காக்க உயிர்த்தியாகம் செய்த மொழிப்போர் தியாகிகளின் இலக்கை நிறைவேற்றும் வகையில் தொடர்ந்து பாடுபடுவேன்.

இந்திய அரசியலமைப்புச் சட்டத்தின் மீதும், இறையாண்மை மீதும் நம்பிக்கை வைத்து, அனைவருடன் ஒற்றுமை, சகோதரத்துவம், மதநல்லிணக்கம், சமத்துவம் ஆகியவற்றைப் பேணிக்காக்கின்ற பொறுப்புள்ள தனிமனிதராகச் செயல்படுவேன். மக்களாட்சி, மதச்சார்பின்மை. சமூக நீதிப் பாதையில் பயணித்து, என்றும் மக்கள் நலச் சேவகராகக் கடமை ஆற்றுவேன் என உறுதி அளிக்கின்றேன்.

சாதி, மதம், பாலினம், பிறந்த இடம் ஆகியவற்றின் பெயரில் உள்ள வேற்றுமைகளைக் களைந்து, மக்களிடையே விழிப்புணர்வை ஏற்படுத்தி, அனைவருக்கும் சம வாய்ப்பு. சம உரிமை கிடைக்கப் பாடுபடுவேன். பிறப்பொக்கும் எல்லா உயிர்க்கும், என்று உளமார உறுதி கூறுகிறேன் என்று உறுதிமொழியை கூறப்பட்டு உள்ளது.