டாஸ்மாக் முன்னாடி யார் பாருங்க.. அடிச்சு ஓட்டுங்க.. அடிச்சு ஓட்டுங்க.. "அட லூசு".. டிரெண்டிங் வீடியோ

Updated: Wednesday, January 17, 2024, 11:58 [IST]

Subscribe to Oneindia Tamil

சென்னை: டாஸ்மாக் கடையில் வரிசையில் காத்திருந்தவர்களை நடிகர் விஷால் அடித்து விரட்டும் வீடியோ வைரலாகி வருகிறது.

நடிகர் விஷால் பார்ப்பதற்கு பக்கத்து வீட்டு பையன் போல் இருப்பதால் அவருக்கு நிறைய ரசிகர்கள் உள்ளனர். இவர் திருட்டி விசிடியை ஒழிக்க பல்வேறு நடவடிக்கைகளை மேற்கொண்டிருந்தார். இதற்காக இவர் பல்வேறு சிடி கடைகளுக்கு சென்று அங்கு புதிய படங்களின் சிடிக்களை பறிமுதல் செய்தார்.

Actor Vishal beats a youth who came to tasmac

பின்னர் அவற்றை அடித்து உடைத்து சேதப்படுத்தினார். மேலும் கடைக்காரரையும் உன் வீட்டில் வந்து யாராவது திருடினால் உனக்கு எப்படி இருக்கும் என கேட்பார். இப்படியாக இவர் திருட்டு விசிடிகளை ஒழிக்க சில அதிரடிகளை செய்திருந்தார்.

இவர் 2017 ஆம் ஆண்டு மறைந்த முன்னாள் முதல்வர் ஜெயலலிதாவின் தொகுதியான ஆர்.கே.நகர் இடைத்தேர்தலில் களம் காண்பதாக சொல்லிய நிலையில் அவருடைய வேட்புமனு நிராகரிக்கப்பட்டது. இதுகுறித்து தேர்தல் ஆணையரிடம் விஷால் முறையிட்ட நிலையில் அதற்கு அவருக்கு சரியான பதில் கிடைக்கவில்லை என பேட்டி அளித்தார்.

என்னுடைய வேட்புமனு நிராகரிக்கப்பட்டதற்கான காரணத்துடன் கூடிய ஒரு கடிதத்தை கூட அவர்கள் கொடுக்கவில்லை. என்னிடம் வீடியோ, ஆதாரங்கள் உள்ளவை, அதை வைத்து பார்த்துக் கொள்கிறேன் என தெரிவித்திருந்தார். இந்த நிலையில் அவர் சமூக அக்கறையும் கொண்டவர். நீட் தேர்வு, விவசாயிகள் பிரச்சினை உள்ளிட்டவைகளை கையில் எடுப்பார்.

அது போல் அண்மையில் மிக்ஜாம் புயலின் போது தனது அண்ணாநகர் வீட்டில் தண்ணீர் தேங்கியிருப்பதாகவும் எம்பி எங்கே, எம்எல்ஏ எங்கே என கேட்டு வீடியோ வெளியிட்டிருந்தார். இதற்கு மேயர் ஆர்.பிரியாவும் விஷால் வீட்டு முன்பு மட்டும் தண்ணீர் தேங்கவில்லை, எல்லா பகுதிகளிலும்தான் தண்ணீர் தேங்கியுள்ளது என பதிலடி கொடுத்திருந்தார்.

இந்த நிலையில் ஒரு டாஸ்மாக் கடை முன்பு கூட்டம் அலை மோதுகிறது. அப்போது அங்கு வரும் நடிகர் விஷால், அங்கிருந்தவர்களை விரட்டி அடிக்கும் வீடியோ வைரலாகி வருகிறது. அதில் ஒரு இளைஞரை ஏற்கெனவே போதையில்தான் இருக்கே, இதில் இன்னும் போதை வேண்டுமா என கேட்டு அடிக்கிறார். இது என்னது என கேட்க அதற்கு அந்த இளைஞரோ டாஸ்மாக் கடை என சொல்ல, ஓங்கி அடித்து அட லூசு இது ரத்னம் படத்தின் செட்யா போயா போயா என எல்லாரையும் விரட்டும் விஷால் , டாஸ்மாக்குன்னு பேரு போட்டாலே எல்லாரும் வந்து நிற்கிறாங்க, போங்கயா என விரட்டும் காட்சிகள் வைரலாகி வருகிறது.