கவுதமி கடும் ஏமாற்றம்.. பாஜக அழுத்தத்திற்கு அசராத அதிமுக.. ராஜபாளையத்தில் ராஜேந்திர பாலாஜி

Updated: Wednesday, March 10, 2021, 20:59 [IST]

Subscribe to Oneindia Tamil

சென்னை: ராஜபாளையம் தொகுதியில் பாஜக சார்பில் நடிகை கவுதமி போட்டியிடுவார் என்று தீவிர எதிர்பார்ப்பு இருந்த நிலையில் அந்த தொகுதியில் அதிமுக போட்டியிடுகிறது.

சட்டசபை தேர்தலில் அதிமுக கூட்டணியில் பாஜகவுக்கு 20 இடங்கள் ஒதுக்கீடு செய்யப்பட்டுள்ளன. இன்று அதிமுக வேட்பாளர்களின் இரண்டாவது பட்டியல் வெளியானது. மேலும், பாஜகவில் 20 தொகுதிகள் எவை எவை என்பது பற்றியும் பட்டியல் வெளியானது.

Actress Gautami cant get Srivilliputhur constituency

இதில் முக்கியமாக கவனிக்கத் தக்கதாக இருப்பது ராஜபாளையம் தொகுதி அதிமுகவுக்கு ஒதுக்கப்பட்டு இருப்பதுதான். கடந்த சில வாரங்களாக கவுதமி அவ்வப்போது ராஜபாளையம் பகுதிக்குச் சென்று முகாமிட்டு இருந்தார். பாஜகவினர் தொகுதி பொறுப்பாளராக இருந்தார்.

ஜாதி சார்ந்த வாக்குகள் உள்ளிட்ட பல்வேறு அம்சங்கள் இதன் பின்னணியில் இருந்ததாக கூறப்பட்டது. அதிமுக தலைமைக்கு பாஜகவில் இருந்து கடும் அழுத்தம் கொடுக்கப்பட்டு அந்த தொகுதி வேண்டும் என்று கேட்கப்பட்டதாக கூறப்பட்டது. ஆனால், அமைச்சர் ராஜேந்திர பாலாஜி, சிவகாசி தொகுதியில் இருந்து மாறி ராஜபாளையம் தொகுதியில் போட்டியிட முடிவு செய்திருந்தார். எனவே அவர் இதை விட்டுக்கொடுக்க தயாராக இல்லை என்று கூறப்பட்டது.

இப்படியாக கடும் இழுபறி நிலையில் ராஜேந்திர பாலாஜிக்கு ராஜபாளையம் தொகுதி கிடைத்துள்ளது. இதனால், கவுதமி ஏமாற்றம் அடைந்துள்ளார்.

பாஜக போட்டியிடும் பட்டியலை பாருங்கள்: