லெப்ட்ல இண்டிகேட்டர்.. ரைட்ல கை! ஸ்ட்ரைட்டா பாஜக பக்கம் வண்டியை விட்ட கஸ்தூரி.. குழம்பிய தொண்டர்கள்

சென்னை: நடிகை கஸ்தூர் இன்று மதுரையில் பாஜக வேட்பாளரை ஆதரித்து அனல் பறக்கும் பிரசாரத்தில் ஈடுபட்டார். முன்னதாக இந்த லோக்சபா தேர்தலில் திமுக வெற்றி பெறும் என்று கூறிவந்த கஸ்தூரி, அடுத்து எடப்பாடி பழனிசாமியை சந்தித்தார். தற்போது பாஜகவை ஆதரித்து பிரசாரம் செய்ததால் அவரது நிலைப்பாடு என்னவென்று தெரியாமல் தொண்டர்கள் குழம்பியுள்ளனர்.

தமிழ் திரையுலகில் முன்னணி நடிகையாக வலம் வந்த நடிகை கஸ்தூரி, சமீப காலமாக அரசியல் பக்கம் தனது கவனத்தை திருப்பியுள்ளார். சமூக வலைத்தளங்களில் அதிரடியான அரசியல் கருத்துக்களை பதிவிட்டு வரும் கஸ்தூரி தொலைக்காட்சி விவாதங்களிலும் பங்கேற்று அனல் பறக்க பேசி வருகிறார்.

திமுகை கடுமையாக விமர்சித்து வந்த கஸ்தூரி, கடந்த மாதம் பத்திரிகையாளர் சந்திப்பில் பேசும் போது லோக்சபா தேர்தலில் திமுக வெற்றி பெறும் என்றார். செய்தியாளர்களை சந்தித்த நடிகை கஸ்தூரியிடம் நாடாளுமன்றத் தேர்தலில் தமிழகத்தில் திமுகவுக்கு வெற்றி வாய்ப்பு அதிகம் இருப்பதாக கருத்துக் கணிப்புகள் வெளியாகி இருப்பது குறித்து கேள்வி எழுப்பப்பட்டது.

அதற்கு அவர் பதில் அளிக்கையில், "அது உண்மைதான். தமிழகத்தை பொருத்தமட்டில் திமுகவுக்கு வெற்றி வாய்ப்பு அதிகம் இருக்கிறது. திமுக வலுவாக இருக்கிறது என்பதை விட திமுகவை எதிர்க்கும் எதிர்க்கட்சிகள் வலிமையாக இல்லை என்பதுதான் உண்மை. எனவே இந்த தேர்தலில் திமுக தோற்காது. வேண்டுமானால் திமுகவை எதிர்க்கும் வலுவான எதிர்க்கட்சி யார் என்பதை நிரூபிக்கும் தேர்தல் இது என வைத்துக் கொள்ளலாம்" என்றார்.

இப்படி திமுகவிற்கு ஆதரவாக பேசியிருந்த கஸ்தூரி, அதற்கு ஓரிரு தினங்கள் முன்புதான் சேலத்தில் அதிமுக பொதுச்செயலாளர் எடப்படி பழனிசாமியை சந்தித்து பேசினார். தொகுதி பங்கீடு தொடர்பான பேச்சுவார்த்தை, பாஜக கூட்டணியில் மீண்டும் அதிமுக இணையுமா என்றெல்லாம் பரபரப்பு விவாதங்கள் நடைபெற்று வந்த அந்த நேரத்தில் திடீரென எடப்பாடி பழனிசாமியை கஸ்தூரி சந்தித்தது அரசியல் வட்டாரத்தில் கவனம் பெற்றது.

இந்த சந்திப்பு தொடர்பாக எந்த ஒரு விளக்கத்தையும் கஸ்தூரி தரப்பில் வைக்கவில்லை. இந்த நிலையில், தேர்தல் தேதி அறிவிக்கப்பட்டு இறுதி கட்ட பிரசாரம் நடைபெற்று வரும் நிலையில், பாஜக வேட்பாளரை ஆதரித்து கஸ்தூரி பிரசாரம் மேற்கொண்டு வருகிறார். மதுரை தொகுதியில் போட்டியிடும் பாஜக வேட்பாளர் ராம சீனிவாசனுக்கு ஆதரவாக தீவிர வாக்கு சேகரிப்பில் கஸ்தூரி ஈடுபட்டார்.

லோக்சபா தேர்தல் தேதி அறிவிப்புக்கு முன்பாக எடப்பாடி பழனிசாமியை சந்தித்த கஸ்தூரி, பிறகு தேர்தலில் திமுகதான் வெற்றி பெறும் என்று ஆருடம் கூறினார். தற்போது பாஜக வேட்பாளரை ஆதரித்து அனல் பறக்கும் பிரசாரத்தில் கஸ்தூரி ஈடுபட்டு இருக்கிறார் இதனால் அவர் எந்தக் கட்சிக்கு ஆதரவாக இருக்கிறார் என்று புரியாமல் மக்கள் குழம்பும் நிலைக்கு தள்ளப்பட்டுள்ளனர்.

English summary

Actress Kastur today campaigned in Madurai in support of the BJP candidate. Kasthuri, who had earlier said that the DMK would win this Lok Sabha election, then met Edappadi Palaniswami. Now, as he campaigned in support of the BJP, the volunteers are confused as to what his stand is.