நடிகை குஷ்புவின் எக்ஸ் பக்கத்தை ஹேக் செய்த மர்மநபர்கள்! இன்ஸ்டாவில் உதவி கேட்டு போஸ்ட்

சென்னை: நடிகையும் பாஜக நிர்வாகியுமான குஷ்புவின் எக்ஸ் வலைதள பக்கம் ஹேக் செய்யப்பட்டுள்ளதாக இன்ஸ்டா பக்கத்தில் நடிகை தெரிவித்துள்ளார்.

இதுகுறித்து அவர் தனது இன்ஸ்டா பக்கத்தில் கூறியிருப்பதாவது: நண்பர்களே எனது எக்ஸ் கணக்கு ஹேக் செய்யப்பட்டுள்ளது. என்னால் லாகின் செய்ய முடியவில்லை. என் யூசர் நேம், பாஸ்வேர்டு போட்டாலும் ஏற்றுக் கொள்ளவில்லை.

நான் பிளாக் செய்யப்பட்டுவிட்டேன். கடந்த 9 மணி நேரங்களாக என் ட்விட்டர் பக்கத்தில் இருந்து செய்திகளோ பதிவுகளோ, எந்தவிதமான நடவடிக்கையும் என்னால் செய்யப்பட்டவை அல்ல. எனது ட்விட்டர் பக்க பிரச்சினையை சரி செய்ய முயற்சிக்கிறேன்.

இதனிடையே எனது ட்விட்டர் பக்கத்தில் இருந்து ஏதாவது பதிவுகளை பார்த்தால் தயவு செய்து எனக்கு தெரிவியுங்கள். விரைவில் ட்விட்டரில் உங்களை எல்லாம் சந்திக்கிறேன், அதுவரை இன்ஸ்டாவில் பதிவிடுகிறேன் என தெரிவித்துள்ளார்.

மற்றொரு இன்ஸ்டா பதிவில் அவர் கூறியிருப்பதாவது: என் ட்விட்டர் பக்கத்தை எப்படி மீட்டெடுப்பது என யாருக்காவது தெரிந்திருந்தால் எனக்கு உதவி செய்யுங்கள். அவசரம் என குறிப்பிட்டுள்ளார்.

English summary

Actress Kushbu Sundar's twitter page was hacked by someone. she is struggling to sign in.