‛நமது’ பிரதமர் மோடி.. மக்கள் வாழ்வில் மாற்றத்தை ஏற்படுத்துங்க..விஜய் பட நடிகை பூஜா ஹெக்டே வாழ்த்து

சென்னை: பிரதமர் நரேந்திர மோடி நேற்று 72வது பிறந்தநாள் கொண்டாடிய நிலையில் நடிகர் விஜயின் பீஸ்ட் பட நடிகை பூஜா ஹெக்டே ‛‛ நமது பிரதமர் நரேந்திர மோடிக்கு பிறந்தநாள் வாழ்த்துகள். நல் ஆரோக்கியத்துடன் ஒவ்வொருவரின் வாழ்விலும் மாற்றத்தை ஏற்படுத்த வேண்டுகிறேன்'' என கூறியுள்ளார்.

பிரதமர் நரேந்திர மோடி நேற்று தனது 72வது பிறந்தநாளை கொண்டாடினர். பிரதமர் நரேந்திர மோடியின் பிறந்தநாளையொட்டி பாஜக சார்பில் பல்வேறு நலத்திட்டங்கள் வழங்கப்பட்டன.

பல இடங்களில் விளையாட்டு போட்டிகள் நடத்தப்பட்டன. தமிழகத்திலும் பிரதமர் நரேந்திர மோடியின் பிறந்தநாள் விழாவை பாஜகவினர் கொண்டாடினர்.

பிரதமர் மோடிக்கு வாழ்த்து

பிரதமர் நரேந்திர மோடிக்கு ஜனாதிபதி திரெளபதி முர்மு, மத்திய அமைச்சர்கள், பாஜக தலைவர்கள், எதிர்க்கட்சி தலைவர்கள், ஆளுநர்கள், உலகின் பிற நாட்டு தலைவர்கள் பிறந்தநாள் வாழ்த்து தெரிவித்தனர். தமிழக ஆளுநர் ஆர்என் ரவி, முதல்வர் முக ஸ்டாலின் உள்ளிட்டவர்களுக்கு மற்றும் அரசியல் கட்சித் தலைவர்கள் வாழ்த்து தெரிவித்தனர்.

தமிழக முதல்வர் வாழ்த்து

ஆளுநர் ஆர்என் ரவி, ‛‛பிரதமர் மோடியின் பிறந்த நாளில், தேச சேவையில் நீண்ட ஆரோக்கியத்துடன் அவர் வாழ தமிழக மக்களின் சார்பாக வாழ்த்துகளைத் தெரிவித்துக் கொள்கிறேன்'' என தெரிவித்து இருந்தார். தமிழக முதல்வர் முக ஸ்டாலின், ‛‛பிரதமர் நரேந்திர மோடிக்கு பிறந்தநாள் வாழ்த்துகள். நீங்கள் நீண்ட ஆயுளுடனும், ஆரோக்கியத்துடனும் வாழ வாழ்த்துகிறேன்'' என தெரிவித்து இருந்தார். இதேபோல் எதிர்க்கட்சி தலைவர் பழனிசாமி உள்ளிட்டவர்களும் வாழ்த்து தெரிவித்தனர்.

நடிகை பூஜா ஹெக்டே

நடிகை பூஜா ஹெக்டே தனது ட்விட்டர் பக்கத்தில் பிரதமர் நரேந்திர மோடிக்கு பிறந்தநாள் வாழ்த்து கூறியுள்ளார். இதுதொடர்பாக அவர் தனது ட்விட்டர் பதிவில், ‛‛நமது பரதமர் நரேந்திர மோடிக்கு பிறந்தநாள் வாழ்த்துகள். தொடர்ந்து நல் ஆரோக்கியத்துடன் ஒவ்வொருவரின் வாழ்க்கையில் மாற்றத்தை ஏற்படுத்துங்கள்.. ஹாப்பி பர்த்டே மோடிஜி'' என கூறியுள்ளார்.

‛பீஸ்ட்’ பட கதாநாயகி

நடிகை பூஜா ஹெக்டே ஹிந்தி மற்றும் தென்இந்திய மொழிப்படங்களில் நடித்து வருகிறார். இவர் 2010ல் ‛‛மிஸ் யூனிவர்ஸ் இந்தியா'' போட்டியில் பங்கேற்று 2ம் இடம் பிடித்தார். தொடர்ந்து மாடலிங் துறையில் இருந்த இவர் நடிகையாக மாறினார். கர்நாடகத்தை சேர்ந்த இவர் மும்பையில் வசிக்கிறார். தமிழில் ‛முகமூடி' படம் மூலம் அறிமுகம் ஆனார். சமீபத்தில் வெளியான விஜயின் ‛பீஸ்ட்' படத்திலும் பூஜா ஹெக்டே கதாநாயகியாக நடித்தார் என்பது குறிப்பிடத்தக்கது.

English summary

As Prime Minister Narendra Modi celebrated his 72nd birthday yesterday, actor Vijay's Beast actress Pooja Hegde congratulated him by calling him 'our' Prime Minister.