Radhika Mother: நடிகை ராதிகா வீட்டில் சோகம்.. தாயார் கீதா காலமானார்! திரைத்துறையினர் இரங்கல்
சென்னை: தமிழ் சினிமாவில் புகழ்பெற்ற நடிகைகளில் ஒருவராக இருக்கும் நடிகை ராதிகாவின் தாயார் கீதா வயது மூப்பு காரணமாகக் காலமானார். மறைந்த நடிகர் எம்.ஆர்.ராதாவின் மனைவியான கீதாவின் வயது 86. அவருடைய இறுதிச்சடங்குகள் நாளை நடைபெறும் என அறிவிக்கப்பட்டுள்ளது.
தமிழ் சினிமாவில் 1970களில் அறிமுகமாகிப் பல ஆண்டுகள் டாப் நடிகையாக வலம் வந்தவர் ராதிகா. அதன் பிறகும் கூட சின்னத்திரை, குணச்சித்திரப் பாத்திரங்கள் என இப்போது வரையுமே கூட பிஸியாக இருந்து வருகிறார். இவரது தாயார் கீதா சென்னையில் வசித்து வந்த நிலையில், அவர் வயது மூப்பு காரணமாகக் காலமானார். மறைந்த நடிகர் எம்.ஆர்.ராதாவின் மனைவியான கீதாவுக்கு வயது 86.
கடந்த மாதம் ராதிகா தனது பிறந்த நாளை தாயார் கீதாவை நேரில் சந்தித்து, அவருடனேயே கொண்டாடி இருந்தார். ராதிகா நேரில் சென்று, கீதா முன்னிலையில் தனது பிறந்த நாள் கேக் வெட்டி கொண்டாடினார். அப்போது சரத்குமார் உள்ளிட்ட குடும்பத்தினரும் உடன் சென்றிருந்தனர். இந்தச் சூழலில் தான் ஒரே மாதத்தில் கீதா காலமானார். வயது மூப்பு மற்றும் அது சார்ந்த உடல்நலப் பிரச்சினைகளால் கீதா உயிரிழந்ததாகத் தெரிவிக்கப்பட்டுள்ளது.
இது தொடர்பாக நடிகை ராதிகா வெளியிட்டுள்ள செய்திக் குறிப்பில், "மறைந்த நடிகவேள் எம்.ஆர்.ராதா அவர்களின் மனைவியும், எனது தாயார் கீதா ராதா (வயது 86) அவர்கள் இன்று 21.09.2025 ஞாயிற்றுக்கிழமை மாலை மணிக்கு உடல் நலக்குறைவு மற்றும் வயது மூப்பு காரணமாக காலமானார் என்பதை வருத்தத்துடன் தெரிவித்துக் கொள்கிறோம்.
அவரது உடல் இறுதி மரியாதை செலுத்துவதற்காக எண் 3, பின்னி ரோடு, மனசாரவா அபார்ட்மெண்ட், போயஸ் கார்டன், சென்னை - 86 இல் உள்ள இல்லத்தில் வைக்கப்பட்டுள்ளது. அன்னாரது இறுதி சடங்கு நாளை மாலை 4.30 மணிக்கு மேல் பெசன்ட்நகர் மின்மயானத்தில் நடைபெறும் என்பதை தெரிவித்துக் கொள்கிறோம்" என்று அதில் தெரிவிக்கப்பட்டுள்ளது.
Click it and Unblock the Notifications
Sign in with Google