சென்னை கதீடரல் சாலையில் விபத்தில் சிக்கிய நடிகை சாக்ஷி அகர்வாலின் சொகுசு கார்! நடந்தது என்ன?
சென்னை: சிக்னலில் காத்திருந்த போது வேறு ஒரு கார் மோதியதில் நடிகை சாக்ஷி அகர்வாலின் காருக்கு லேசான சேதம் ஏற்பட்டது. இதுகுறித்து போலீஸார் விசாரணை நடத்தி வருகிறார்கள். எனினும் இரு கார்களில் இருந்தவர்களுக்கு எந்தவித காயமும் ஏற்படவில்லை.
சென்னை கதீரடல் சாலை அருகே நடிகை சாக்ஷி அகர்வால் தனது பென்ஸ் காரில் படப்பிடிப்பிற்கு சென்றுக் கொண்டிருந்தார். அப்போது சிக்னலில் நின்று கொண்டிருந்த போது வேறு ஒரு சிறிய கார், வளையும் போது இவரது காரில் உரசி விபத்தை ஏற்படுத்தியது.
நல்வாய்ப்பாக இரு கார்களிலும் இருந்தவர்களுக்கு எந்த பிரச்சனையும் ஏற்படவில்லை. அவருடைய காரில் உரசல் ஏற்பட்டுள்ளது. இது குறித்து போக்குவரத்து போலீஸார் வழக்குப் பதிவு செய்து விசாரணை நடத்தி வருகிறார்கள்.
தமிழ் சினிமாவில் துணை நடிகையாகவும் நாயகியாகவும் நடித்தவர் சாக்ஷி அகர்வால். இவர் சின்னத்திரை தொடர்களிலும் நடித்துள்ளார். பிக்பாஸ் நிகழ்ச்சி மூலம் பிரபலமானவர். இவர் தனது பால்யகால நண்பரும் காதலருமான நவ்னீத் மிஸ்ராவை திருமணம் செய்துள்ளார்.
கடந்த ஜனவரி மாதம் கோவாவில் இவர்களது திருமணம் நடந்தது. பிக்பாஸ் சீசன் 3 நிகழ்ச்சியில் கவின்- லாஸ்லியா காதல் டிராக் காரணமாக சாக்ஷி அகர்வால் அந்த சீசனில் பிரச்சனைகளை ஏற்படுத்தியிருந்தார்.
இவர் ராஜஸ்தான் தந்தைக்கும் பஞ்சாபை சேர்ந்த தாய்க்கும் பிறந்தவர். அண்ணா பல்கலைக்கழகத்தில் ஐடி பிரிவில் இளங்கலை தங்கப் பதக்கம் பெற்றார். பின்னர் விளம்பரப் படங்களிலும் நடித்து வருகிறார். இவர் ரஜினியின் காலா படத்திலும், அஜித் நடித்த விஸ்வாசம் படத்திலும், அரண்மனை 3 படத்திலும் நடித்திருந்தார்.
Click it and Unblock the Notifications
Sign in with Google