மநீமவில் இணைந்த பிரபல நடிகை வினோதினி.. முதல் ட்வீட்டே அதகளம்.. ஒரு கட்சியையும் விட்டு வைக்கலயே!

சென்னை: பிரபல திரைப்பட நடிகை வினோதினி வைத்தியநாதன், கமல்ஹாசன் முன்னிலையில் மக்கள் நீதி மய்யத்தில் இணைந்துள்ளார். கட்சியில் இணைந்ததுமே அவர் பதிவிட்ட ட்வீட் தற்போது வைரலாக பரவி வருகிறது.

தமிழ் சினிமாவில் காமெடி, குணச்சித்திர வேடங்களில் நடித்து பிரபலமான நடிகை வினோதினி வைத்தியநாதன். 'எங்கேயும் எப்போதும்' திரைப்படம் மூலம் சினிமாவில் அறிமுகமான வினோதினி, அண்மையில் வெளியான 'பொன்னியின் செல்வன்' திரைப்படத்தில் நந்தினியாக நடித்த ஐஸ்வர்யா ராய்க்கு பணிப்பெண் தோழியாக நடித்திருந்தார்.

சமூக வலைதளங்களில் அவ்வப்போது அரசியல் தொடர்பான கருத்துகளையும் பதிவிடுவார் வினோதினி. ஜிஎஸ்டி விவகாரம், அமைச்சர் நிர்மலா சீதாராமனின் பேச்சு, சமீபத்திய மல்யுத்த வீரர்களின் போராட்டம் பற்றிய பாஜக தலைவரின் சர்ச்சை கருத்து குறித்தெல்லாம் விமர்சித்து கிண்டலாக வீடியோக்களை வெளியிட்டு வந்தார்.

இந்நிலையில், மக்கள் நீதி மய்யம் தலைவர் கமல்ஹாசனை சந்தித்து, தன்னை அக்கட்சியில் இணைத்துக் கொண்டுள்ளார். மநீம-வில் இணைந்த கையோடு ஒரு ட்வீட்டையும் பதிவு செய்துள்ளார் வினோதினி. அதில் தான் ஏன் பாஜக, திமுக உள்ளிட்ட கட்சிகளில் இணையவில்லை என்பதற்கான காரணத்தையும் விளக்கியுள்ளார்.

கடவுள் டு அஞ்ஞானவாதி: நான் உன்ன படைச்சேன்… நீ எனக்கு என்ன செஞ்சே?

அஞ்ஞானவாதி: நீ படைச்ச எல்லாருக்கிட்டையும் போயி டேய் நீங்க எல்லாரும் கடவுள்தாண்டா, அதுக்கு எதுக்குடா உங்களுக்குள்ள சண்ட போட்டுக்குறீங்கன்னு சொல்லிட்டிருக்கேன் சாமி.

கடவுள் டு அஞ்ஞானவாதி: மய்யத்துல என்ன பொறுப்புல… pic.twitter.com/BTtR8dN9SL

— Vinodhini Vaidynathan (@VinodhiniUnoffl) June 13, 2023

வினோதினி வைத்தியநாதனின் லேட்டஸ்ட் ட்வீட் வருமாறு:

கடவுள் டு அஞ்ஞானவாதி: நான் உன்ன படைச்சேன்... நீ எனக்கு என்ன செஞ்சே?

அஞ்ஞானவாதி: நீ படைச்ச எல்லாருக்கிட்டையும் போயி டேய் நீங்க எல்லாரும் கடவுள்தாண்டா, அதுக்கு எதுக்குடா உங்களுக்குள்ள சண்ட போட்டுக்குறீங்கன்னு சொல்லிட்டிருக்கேன் சாமி.

கடவுள் டு அஞ்ஞானவாதி: மய்யத்துல என்ன பொறுப்புல இருக்க?

அஞ்ஞானவாதி: இருக்கேங்குற பொறுப்புல இருக்கேன் சாமி.

கடவுள் டு அஞ்ஞானவாதி: சரி, நீ பிறப்பால் இந்து.. இந்து மதக்கொள்கைய அடிப்படையா கொண்ட கட்சிக்குப் போயிருக்கலாமே?

அஞ்ஞானவாதி: வாரத்துக்கு ஒரு முறை கள்ள ஆடியோ வீடியோ ரெக்கார்டிங் இருக்கான்னு வீட்ட, காரெல்லாம் debug பண்றதுக்கு காசில்ல சாமி.

கடவுள் டு அஞ்ஞானவாதி: அப்போ பகுத்தறிவு பேசுற கட்சி?

அஞ்ஞானவாதி: பகுத்தறிவா? அப்படினா என்னன்னு கேக்குறாங்க சாமி. அதுலயும் யாகம்லாம் செய்யுறாங்க.

கடவுள் டு அஞ்ஞானவாதி: அப்போ கரப்ஷன்? மதவாதப் பிரிவினை?

அஞ்ஞானவாதி: எந்தப்பக்கம் நடந்தாலும் குரல் கொடுப்பேன் சாமி.

கடவுள் டு அஞ்ஞானவாதி: சரி, அப்போ ஏன் மய்யம்? ஒரு சீட்டு கூட இல்லையே?

அஞ்ஞானவாதி: சீட்டு குலுக்கிப்போட்டு இந்த பதவி எடுத்துக்கோ அந்தப்பதவி எடுத்துக்கோங்குறதுக்கு இங்க வாரிசு அரசியல் இல்லையே சாமி. சார்ஜ் சீட் செய்யப்பட்ட ஆளுங்களும் இல்லையே சாமி... சீட்டு விளையாடுறத ஆதரிக்கிற கூட்டமும்...

கடவுள்: போதும் போதும்... சீட் என்று மூன்று முறைக்கு மேல் சொல்லியதால் நீ ஆட்டத்திலிருந்து விலக்கப்பட்டாய்.

அஞ்ஞானவாதி: இப்போதான் ஆட்டமே ஆரம்பிக்கிறது சாமி.

ஆரம்பிக்கலாங்களா?

மய்ய அரசியல..!

English summary

Popular film actress Vinodhini Vaidyanathan has joined the Makkal Needhi Maiam in the presence of Kamal Haasan. Vinodhini's tweet about enter politics is now going viral.