எண்ணிக்கைதான் கிடைக்கவில்லை.. தேமுதிக கேட்டதாவது கிடைக்குமா.. இன்று தெரியவரும்
சென்னை: அதிமுக கூட்டணி கட்சிகளின் தொகுதி பட்டியல் இன்று வெளியாகிறது.
லோக்சபா தேர்தலுக்கு இன்னும் ஒரு மாதமே இருக்கிறது. இதனால் அரசியல் கட்சிகள் அனைத்தும் படு பிஸியாக இருக்கின்றன. இந்த நிலையில் அதிமுக- பாமக- பாஜக- தேமுதிக உள்ளிட்ட கட்சிகள் கூட்டணி அமைத்து போட்டியிடுகின்றன.
இந்த நிலையில் தேமுதிக கூட்டணி அமைவதற்கு பெரும் இழுபறியே நடந்தது. எப்படியோ கேப்டனை சமாதானம் செய்து அவரையும் இந்த கூட்டணிக்குள் இழுத்து வந்துவிட்டனர்.
இந்த சூழலில் பாமகவுக்கு 7 தொகுதிகளும், பாஜகவுக்கு 5 தொகுதிகளும் தேமுதிகவுக்கு 4 தொகுதிகளும், புதிய நீதி கட்சி, புதிய தமிழகம், தமிழ் மாநில காங்கிரஸ், என்.ஆர். காங்கிரஸ் ஆகிய கட்சிகளுக்கு தலா ஒரு தொகுதியும் ஒதுக்கீடு செய்யப்பட்டுள்ளது.
இவை போக மீதமுள்ள இடங்களில் அதிமுக போட்டியிடுகிறது. நேற்றைய தினம் திமுக கூட்டணி போட்டியிடும் இடங்கள் அறிவிக்கப்பட்டன. அது போல் இன்றைய தினம் கூட்டணி கட்சிகளின் தொகுதி பட்டியலை அதிமுக அறிவிக்கிறது. இதில் கள்ளக்குறிச்சி, கிருஷ்ணகிரி உள்ளிட்ட தொகுதிகளுக்கு தேமுதிக- பாமக இடையே போட்டி நிலவியது. இது குறித்து இன்று தெரியவரும்.
Click it and Unblock the Notifications
Sign in with Google