அதிமுக அலுவலகத்தில் தொண்டர்கள் ரணக்களம்.. ஊடே மகளிர் அணியினர் செய்யும் அலப்பறை பாருங்கள்! வீடியோ

Updated: Saturday, June 18, 2022, 16:45 [IST]

Subscribe to Oneindia Tamil

சென்னை: அதிமுக கட்சி அலுவலகத்தில் ஆண் தொண்டர்கள் ரத்தம் சொட்ட சொட்ட சண்டையிடும் நிலையில் மகளிர் அணியினர் என்ன செய்து கொண்டிருக்கிறார்கள் தெரியுமா?

அதிமுகவில் யாருக்கு செல்வாக்கு அதிகம் என்பதை தெரிந்து கொள்ள ஓபிஎஸ் இபிஎஸ் இடையே அதிகார போட்டி நிலவி வருகிறது. இந்த மோதல் முற்றினால் அதிமுக இரண்டாக உடையும் சூழல் நிலவி வருகிறது.

இதை சாக்காக வைத்து கொண்டு ஒரு பக்கம் சசிகலா அதிமுகவை கைப்பற்ற தேவையான பேச்சுவார்த்தைகளை நடத்தி வருவதாக சொல்லப்படுகிறது.

அதிமுக பொதுக் குழு கூட்டம்

இந்த நிலையில் அதிமுக பொதுக் குழு கூட்டத்தில் எடுக்கப்பட வேண்டிய தீர்மானங்கள் குறித்து 3 முறை அதிமுக மூத்த நிர்வாகிகள் ஆலோசனை நடத்தினர். இந்த மூன்று முறையும் கூட்டத்தின் போது பிரச்சினைகள் ஏற்பட்டது. முதல் முறை குழப்பம் ஏற்பட்டது. இரண்டாவது முறை ஜெயக்குமார் கார் மீது தாக்குதல் நடத்தப்பட்டது.

மூன்றாவது முறை

மூன்றாவது முறை இன்று நடந்த கூட்டத்தின் போது ஜெயக்குமார் ஆதரவாளர்களை ஓபிஎஸ் ஆதரவாளர்கள் என்ற பெயரில் தாக்கியதாக கூறப்படுகிறது. இந்த தாக்குதலில் அதிமுக நிர்வாகி மாரிமுத்து ரத்தம் சொட்ட சொட்ட மருத்துவமனையில் அனுமதிக்கப்பட்டு சிகிச்சை மேற்கொண்டு வருகிறார்.

எடப்பாடி ஆதரவு

இது ஒரு புறம் இருக்க எடப்பாடி ஆதரவாளர்களும் ஓபிஎஸ் ஆதரவாளர்களும் மாறி மாறி தங்கள் தலைவர்கள் வாழ்க வாழ்க என கோஷமிட்டு வருகிறார்கள். இதனால் அதிமுக தலைமை அலுவலகத்தில் கூட்டத்தில் சலசலப்பு ஏற்பட்டுள்ளது. நிலைமை இவ்வாறிருக்கும் போது மகளிர் அணியினரும் தங்கள் தலைவர்களுக்காக வருகை தந்துள்ளார்கள்.

ஆக்ரோஷம்

அவர்களும் தங்களது தலைவரின் பெயரை சொல்லி வாழ்க கோஷமிட்டு வருகிறார்கள். இந்த நிலையில் ஒரு கட்டத்தில் ஒரு தரப்பு பெண்கள் ஒரு தலைவரை வாழ்க என சொல்ல, அதற்கு மறு தரப்பு பெண்கள் டவுன் டவுன் டவுன் என சொல்லி வருகிறார்கள். முதலில் கத்தி ஆக்ரோஷமாக சண்டையிடும் இவர்கள் சில நிமிடங்களில் சிரித்துக் கொண்டே சண்டையிடுகிறார்கள். இந்த வீடியோ வைரலாகி வருகிறது. ஆண்கள் ரத்தம் சொட்ட சொட்ட சண்டையிட்டு வருகிறார்கள். ஆனால் இந்த பெண்கள் இப்படி இருக்கிறார்களே என கட்சியினர் முணுமுணுக்கிறார்கள்.