பாஜகவின் 27 வேட்பாளர்கள் இவர்கள்தானா? வெளியான உத்தேச பட்டியல்.. அண்ணாமலைக்கு சீட் இல்லை?
சென்னை: திமுக கூட்டணியில் சென்னை மற்றும் கோவையில் பாஜகவிற்கு தலா ஒரே ஒரு தொகுதி மட்டுமே ஒதுக்கப்பட்டுள்ளது. அதிமுக கூட்டணியில் பாஜகவிற்கு ஒதுக்கப்பட்டுள்ள 27 தொகுதிகளில் போட்டியிட உள்ள வேட்பாளர்களின் உத்தேச பட்டியல் வெளியாகியுள்ளது. இதில் அண்ணாமலை பெயர் இடம்பெறாதது சலசலப்புகளை ஏற்படுத்தி உள்ளது.
தமிழ்நாடு சட்டமன்ற தேர்தலில் அதிமுக கூட்டணியில் போட்டியிடும் பாஜகவிற்கு 27 தொகுதிகள் ஒதுக்கப்பட்டுள்ளன. சென்னை மற்றும் கோவை மாவட்டங்களில் தலா ஒரு தொகுதி மட்டுமே ஒதுக்கப்பட்டுள்ளது. கடந்த 2021 சட்டமன்ற தேர்தலில் பாஜக வென்ற 4 தொகுதிகளில், 2 தொகுதிகளில் மட்டுமே மீண்டும் வழங்கப்பட்டுள்ளன.
பாஜக வேட்பாளர்கள்
கடந்த முறை திருநெல்வேலி தொகுதியில் போட்டியிட்டு வென்ற பாஜக மாநில தலைவர் நயினார் நாகேந்திரன், முதல்முறையாக சாத்தூர் தொகுதியில் போட்டியிடுவார் என கூறப்படுகிறது. அண்ணாமலை, இந்த தேர்தலில் போட்டியிடவில்லை எனத் தெரிகிறது.
கடந்த முறை கோவை தெற்கில் வென்ற வானதி சீனிவாசன் இந்த முறை கோவை வடக்கில் களமிறங்க உள்ளார். சென்னையில் கடந்த முறை 2 தொகுதிகளில் போட்டியிட்ட பாஜகவிற்கு இந்த முறை மயிலாப்பூர் மட்டுமே ஒதுக்கப்பட்டுள்ளது. அங்கு தமிழிசை சவுந்தரராஜன் களமிறங்குகிறார்.
வேட்பாளர்கள் பட்டியல்
அவினாசி தனி தொகுதியில் மத்திய இணை அமைச்சர் எல். முருகன், மொடக்குறிச்சியில் சிட்டிங் எம்.எல்.ஏவான சரஸ்வதியின் உறவினரான காயத்ரி அல்லது கிருத்திகா சிவகுமார், திருப்பூர் தெற்கில் ஏ.பி.முருகானந்தம், தளி தொகுதியில் பாஜக மாநில செயலாளர் அமர்பிரசாத் ரெட்டி போட்டியிட உள்ளதாக தகவல் வெளியாகியுள்ளது.
பாஜகவுக்கு ஒதுக்கீடு செய்யப்பட்டுள்ள 27 தொகுதிகளில் யாரை வேட்பாளராக நிறுத்தலாம் என்பதற்கான ஆலோசனை கூட்டம் சென்னை தி.நகரில் உள்ள கமலாலயத்தில் நடைபெற்றது. இந்த கூட்டத்தில், பாஜக மேலிட பொறுப்பாளர் அரவிந்த் மேனன் உள்ளிட்ட பாஜக நிர்வாகிகளுடன் நயினார் நாகேந்திரன் ஆலோசனை நடத்தினார். இந்தக் கூட்டத்தில் அண்ணாமலை பங்கேற்கவில்லை என்பது குறிப்பிடத்தக்கது.
பாஜக வேட்பாளர்கள் - உத்தேச பட்டியல்
அமர்பிரசாத் ரெட்டி - தளி
மொடக்குறிச்சி - கிருத்திகா சிவகுமார் அல்லது காயத்ரி
எல். முருகன் - அவிநாசி
ஏ.பி. முருகானந்தம் - திருப்பூர் தெற்கு
நயினார் நாகேந்திரன் - சாத்தூர்
கே.ஆர்.எம். ராதாகிருஷ்ணன் - திருச்செந்தூர்
பொன் ராதாகிருஷ்ணன் - நாகர்கோவில்
எட்வின் ஜோஸ் - பெத்மநாபபுரம்
சிவக்குமார் - குளச்சல்
விஜயதாரணி - விளவங்கோடு
அஸ்வத்தாமன் - திருவண்ணாமலை
கருப்பு முருகானந்தம் - தஞ்சாவூர்
ராமச்சந்திரன் - புதுக்கோட்டை
ஆனந்தன் அய்யாசாமி - வாசுதேவநல்லூர்
ஜி.பி.எஸ். நாகேந்திரன் - ராமநாதபுரம்
பிரேம் குமார் - ராசிபுரம்
தமிழிசை சௌந்தரராஜன் - மயிலாப்பூர்
அஸ்வின் - ஆவடி
வானதி சீனிவாசன் - கோயம்புத்தூர் வடக்கு
போஜ ராஜன் - உதகமண்டலம்
புரட்சி கவிதாசன் - கந்தர்வகோட்டை
சோழன் சி.த. பழனிச்சாமி - திருப்பத்தூர்
கவிதா ஸ்ரீகாந்த் - அறந்தாங்கி
ராம சீனிவாசன் - மதுரை தெற்கு
பாலகிருஷ்ணன் - ராதாபுரம்
பண்ணைவயல் இளங்கோ - திருவாரூர்
பொன் பாலகணபதி - மானாமதுரை
Click it and Unblock the Notifications
Sign in with Google