கழுத்தில் இருந்த விசிலை பிடுங்கி வீசிய அதிமுக நிர்வாகி! திருப்பூர் அருகே கூட்டத்தில் பரபரப்பு!

திருப்பூர்: திருப்பூர் அருகே, வேட்பாளர் அறிமுக நிகழ்ச்சியில், அதிமுக நிர்வாகி ஒருவர், விசிலை பிடுங்கி தூக்கி வீசிய காட்சி சமூக வலைதளங்களில் வைரலாகப் பரவி வருகிறது. விசில், தவெகவின் தேர்தல் சின்னமாக இருக்கும் நிலையில், அதனைப் பிடுங்கி வீசியுள்ளார் அதிமுக நிர்வாகி.

தமிழக சட்டசபை தேர்தல் வரும் 23 ஆம் தேதி நடைபெற உள்ளது. வாக்குப்பதிவு நாள் நெருங்கி வருவதால் அனைத்து அரசியல் கட்சிகளும் தீவிரமாக தேர்தல் பிரச்சாரம் மேற்கொண்டு வருகின்றன. முக்கிய அரசியல் தலைவர்கள் சூறாவளி சுற்றுப் பயணம் மேற்கொண்டு வருகின்றனர்.

திருப்பூர் மாவட்டம் பல்லடம் அடுத்த மங்கலத்தில் நடைபெற்ற அதிமுக வேட்பாளர் அறிமுக கூட்டத்தில், மேளதாளம் இசைக்கப்பட்டபோது விசில் பயன்படுத்தப்பட்டது. இதைக்கண்ட அதிமுக நிர்வாகி மகேந்திரகுமார், விசில் தவெகவின் சின்னம் எனக் கூறி அதை பிடுங்கி தூக்கி வீசிய சம்பவம் பரபரப்பை ஏற்படுத்தியது.

பல்லடத்தை அடுத்த மங்கலத்தில் நடைபெற்ற அதிமுக வேட்பாளர் அறிமுக கூட்டத்தில் ஆயிரக்கணக்கான அதிமுக நிர்வாகிகள் மற்றும் பொதுமக்கள் கலந்துகொண்டனர். மேளதாளம் வாசிப்பவர் விசில் ஒன்றை கழுத்தில் அணிந்திருந்த நிலை​யில், அதனைக் கண்டு அதிர்ச்சியடைந்த அதிமுக நிர்வாகி மகேந்திரகுமார் அந்த விசிலை பிடுங்கி தூக்கி வீசினார். இதனால் பரபரப்பு ஏற்பட்டது.

English summary

Near Tiruppur, a video showing an AIADMK functionary snatching a whistle and flinging it away during a candidate introduction event is going viral on social media. This incident occurred while the whistle serves as the electoral symbol of the TVK.