அப்படியே ஜெ.வாக மாறிய எடப்பாடி பழனிச்சாமி.. கற்ற வித்தைகளை தேர்தல் அறிக்கையில் இறக்க அதிரடி வியூகம்!

Updated: Wednesday, February 17, 2021, 16:27 [IST]

Subscribe to Oneindia Tamil

சென்னை: எல்இடி டிவி, ஆண்ட்ராய்டு போன், டேப்லெட் என பல கவர்ச்சிகரமான அறிவிப்புகளுடன் தயாராகி வருகிறது அதிமுகவின் தேர்தல் அறிக்கை.

பொதுவாக 2006 ஆம் ஆண்டு வரை தேர்தல் அறிக்கை குறித்த யாரும் பெரிதாக கண்டு கொண்டதில்லை. ஆனால் திமுகவின் தேர்தல் அறிக்கை அந்த 2006ஆம் ஆண்டு மக்களின் ஒட்டுமொத்த கவனத்தையும் ஈர்த்தது.

திமுக தேர்தல் அறிக்கையில் ரூ 1 க்கு ரேஷன் அரிசி, இலவச வண்ண தொலைகாட்சி பெட்டி, 2 ஏக்கர் இலவச நிலம் உள்ளிட்ட அறிவிப்புகள் இருந்தன. அந்த ஆண்டு திமுக வெற்றி பெற தேர்தல் அறிக்கையும் ஒரு காரணமாக இருந்தது.

ஜெயலலிதா

இதையடுத்து இதே பார்முலாவை ஜெயலலிதாவும் பின்பற்ற தொடங்கினார். வழக்கமாக முதலில் அதிமுக தேர்தல் அறிக்கை வெளியிடப்படும், அதன் பின்னர் திமுக தேர்தல் அறிக்கை வெளியிடப்படும். ஆனால் 2011ஆம் ஆண்டு திமுக தேர்தல் அறிக்கை வெளியிட்டவுடன் ஜெயலலிதா தனது தேர்தல் அறிக்கையை வெளியிட்டார்.

ஃபேன்

அதில் இலவச மிக்ஸி, ஃபேன், கிரைண்டர் தாலிக்குத் தங்கம், திருமண உதவித் தொகை போன்ற பல அறிவிப்புகளை வெளியிட்டார். அதை செயல்படுத்தியும் உள்ளார். இந்த கவர்ச்சிகரமான அறிவிப்புகளால் ஜெயலலிதா ஆட்சியை பிடித்தார். அம்மா உணவகத்தில் மலிவு விலையில் உணவு உள்ளிட்ட திட்டங்களால் அடுத்த முறையும் அதிமுக ஆட்சி அமைந்தது.

சட்டசபை தேர்தல்

எனவே 2006ஆம் ஆண்டு தேர்தல் முதல் கதாநாயகன் என்றால் அது தேர்தல் அறிக்கைதான். தேசிய கட்சிகள் நாடாளுமன்ற தேர்தலுக்காக எத்தனை தேர்தல் அறிக்கைகளை தயாரித்தாலும் சட்டசபை தேர்தலுக்கான அறிக்கையே அனைவரையும் கவர்கிறது. அது போன்றதொரு சூப்பரான ஐட்டங்களை இந்த ஆண்டு தேர்தல் அறிக்கையில் புகுத்த எடப்பாடியார் திட்டமிட்டுள்ளார்.

வாஷிங் மெஷின்

இந்த முறை வறுமைக் கோட்டிற்கு உள்ளவர்களுக்கு எல்இடி டிவி அல்லது வாஷிங் மெஷின், பள்ளி மாணவர்களுக்கு லேப்டாப், செல்போன், டேப்லெட் உள்ளிட்டவற்றை வழங்க உத்தேசிக்கப்பட்டுள்ளது. தற்போது கிட்டதட்ட தயார் நிலையில் இருந்து வரும் இந்த அறிக்கை திமுகவின் தேர்தல் அறிக்கை வெளியான பின்னர் வெளியிட முடிவு செய்துள்ளதாக கூறப்படுகிறது.

ஜெயலலிதா

கருணாநிதியிடம் ஜெயலலிதா கற்ற தேர்தல் அறிக்கை வித்தையை முழுவதுமாக இறக்க எடப்பாடியார் முடிவு செய்து விட்டார். அது போல் திமுகவுக்கு பிறகு தங்கள் தேர்தல் அறிக்கையை வெளியிடும் ஸ்டைலும் ஜெயலலிதாவினுடையதுதான். அதையும் இந்த தேர்தலில் பின்பற்ற எடப்பாடியார் முடிவு செய்துள்ளாராம்.