அதிமுக 3ம் கட்ட வேட்பாளர் பட்டியல் வெளியீடு! அண்ணா நகரில் கோகுல இந்திரா, ஆயிரம் விளக்கில் வளர்மதி!
சென்னை: அதிமுக 3-ஆம் மற்றும் இறுதிக் கட்ட வேட்பாளர் பட்டியல் இன்று வெளியிடப்பட்டுள்ளது. ஏற்கனவே 2 கட்டங்களாக அதிமுக வேட்பாளர்கள் வெளியிட்ட நிலையில் இறுதி கட்டமாக 17 தொகுதிகளுக்கான வேட்பாளர்கள் பட்டியலை எடப்பாடி பழனிசாமி வெளியிட்டார். அதிமுக கூட்டணியில் பகுஜன் சமாஜ் கட்சிக்கு திருவிக நகர் தொகுதி ஒதுக்கீடு செய்யப்பட்டு இருக்கிறது.
2026 சட்டசபை தேர்தல் களத்தில் அதிமுக முழுவீச்சில் இறங்கிவிட்டது. கூட்டணி கட்சிகளுடன் தொகுதி ஒப்பந்தத்தை முடித்து, அவர்களுக்கான இடங்களையும் அறிவித்துவிட்ட நிலையில் அதிமுக வேட்பாளர்கள் பட்டியலையும் வெளியிட்டு வருகிறது.

அதிமுக வேட்பாளர்கள் பட்டியல்
இதன்படி கடந்த 25 ஆம் தேதி அதிமுக முதல் கட்ட வேட்பாளர் பட்டியலை அக்கட்சியின் பொதுச்செயலாளர் எடப்பாடி பழனிசாமி வெளியிட்டார். அந்த பட்டியலில் எடப்பாடி பழனிசாமி மற்றும் முன்னாள் அமைச்சர்கள் கே.பி. முனுசாமி, திண்டுக்கல் சீனிவாசன், எஸ்.பி.வேலுமணி, விஜயபாஸ்கர் உள்பட 23 பேரின் பெயர்கள் இடம் பெற்று இருந்தன.
அதனை தொடர்ந்து அதிமுகவின் 2-ம் கட்ட வேட்பாளர் பட்டியலை எடப்பாடி பழனிசாமி நேற்று முன் தினம் எடப்பாடி பழனிசாமி வெளியிட்டார். அதில் 127 தொகுதிகளுக்கான வேட்பாளர்கள் அறிவிக்கப்பட்டு இருந்தனர். மொத்தமாக அதிமுக சார்பில் 150 தொகுதிகளுக்கான வேட்பாளர்கள் அறிவிக்கப்பட்டு இருந்தனர்.
இறுதிகட்ட வேட்பாளர் பட்டியல்
இந்த பட்டியலில் தற்போதைய எம்.எல்.ஏ.க்கள். புதுமுகங்கள், டாக்டர்கள், பட்டதாரி கள், பெண்கள் என கலவையாக இருந்தது. 150 தொகுதிகளில், 17 பேர் பெண்கள். 42 பேர் புதுமுகங்கள் இடம் பெற்று இருந்தனர். தற்போது எம்.எல்.ஏ.க்களாக இருக்கும் 46 பேருக்கு மீண்டும் வாய்ப்பு வழங்கப்பட்டு இருந்தது. அதேபோல் 31 முன்னாள் அமைச்சர்கள் மீண்டும் களம் காண்கிறார்கள். இந்த நிலையில் தான் மீதமுள்ள 17 தொகுதிகளுக்கான வேட்பாளர்கள் பட்டியலை இன்று காலை எடப்பாடி பழனிசாமி வெளியிட்டார்.
17 தொகுதிகள் என்னென்ன?
ஆயிரம் விளக்கு: வளர்மதி
அண்ணா நகர்: கோகுல இந்திரா
சேப்பாக்கம் - திருவல்லிக்கேணி: ஆதிராஜாராம்
திட்டக்குடி: முருகுமாறன்
துறைமுகம்: ராயபுரம் மனோ
விருகம்பாக்கம்; விருகை ரவி
தி.நகர்: சத்தியநாராயணன்
வேளச்சேரி: அசோக்
சோழிங்கநல்லூர்: கேபி கந்தன்
ஆர்.கே.நகர்: ராஜேஷ்
வில்லிவாக்கம்: விஜயகுமார்
திருச்சுழி: ராஜவர்மன்
ஆலந்தூர்: சரவணன்
கொளத்தூர்: சந்தான கிருஷ்ணன்
எழும்பூர்: அபிஷேக் ரங்கசாமி
ஆலங்குடி: தன விமல்
கூட்டணி கட்சிகளுக்கு 67
சென்னையில் உள்ள 16 தொகுதிகளில் மயிலாப்பூர் (பா.ஜனதா), பெரம்பூர் (பா.ம.க.). தவிர 14 தொகுதிகளில் அ.தி.மு.க. களம் காண்கிறது. அ.தி.மு.க.வை பொறுத்தவரை 167 தொகுதிகளில் நேரடியாக களம் இறங்குகிறது. கூட்டணி கட்சிகளுக்கு 67 தொகுதிகளை ஒதுக்கியுள்ளது. கூட்டணி கட்சிகள் சில அ.தி.மு.க.வின் இரட்டை இலை சின்னத்தில் போட்டியிடுகின்றன.
அ.தி.மு.க. போட்டியிடும் 167 தொகுதிகளில் 150 இடங்களுக்கு வேட்பாளர்கள் அறிவிக்கப்பட் டுள்ளனர். எஞ்சியுள்ள 17 தொகுதிகளுக்கும் இன்று வேட்பாளர்கள் அறிவிக்கப்பட்டுள்ளனர். ஏற்கனவே தேர்தல் அறிக்கையினையும் வெளியிட்டுள்ள நிலையில் பிரச்சாரத்தை தீவிரப்படுத்தும்.
-
Mano Thangaraj: அமைச்சர் மனோ தங்கராஜுக்கு சீட் இல்லை.. கைவிரித்த திமுக தலைமை.. இதுதான் காரணமா? -
“ரெஸ்ட்டா? எனக்கா?” 13வது முறையாக தேர்தலில் களமிறங்கும் துரைமுருகன்.. மீண்டும் காட்பாடியில் போட்டி! -
பெரம்பூரில் விஜய்க்காக அரங்கேறும் திரைமறைவு சதி! பலிகடாவாக்கப்படுகிறதா அதிமுகவின் வெற்றிவாய்ப்பு! -
“வருத்தத்தில் இருக்கிறேனா? வதந்தியை பரப்பாதீங்க.. நம்பிக்கை இருக்கு!” - சீனுக்குள் வந்த கவுதமி -
டிக் அடித்த எடப்பாடி.. 2வது கட்ட வேட்பாளர் லிஸ்டை வெளியிடாதது ஏன்? பின்னணியில் மாஸ்டர் பிளான்! -
வந்தவுடனே சீட்டா? காளியம்மாளுக்கு கைவிரித்த எடப்பாடி.. வெறும் பேச்சாளராக ‘யூஸ்'செய்ய அதிமுக முடிவு -
தேவர் Vs தேவர் மகன்.. திண்டுக்கல் சீனிவாசனை எதிர்க்கும் ஐபி செந்தில்குமார்! வரலாறு படைக்குமா திமுக? -
AMMK: அமமுக வேட்பாளர் ஆன பார் கவுன்சில் துணை தலைவர்.. யார் இந்த கார்த்திகேயன்? -
அதிமுகவின் 3ஆம் கட்ட வேட்பாளர் பட்டியல் எப்போது வெளியீடு? -
சட்டமன்ற தேர்தலில் நடிகர் சுந்தர் சி போட்டி.. மதுரை மத்திய தொகுதியில் களம் இறங்குகிறார்.. ஏசி சண்முகம் அறிவிப்பு -
அண்ணாமலையை தொட்ட விஜய்! கொங்குவில் ரகசிய வார் ரூம் டீல்? எடப்பாடி பழனிசாமிக்கு காத்திருக்கும் ஷாக் -
மதுரையில் மன்னன், எஸ்ஸார் கோபிக்கு சீட் கிடையாது.. ஆப்பு வைத்த செல்லூர் ராஜு.. எடப்பாடி ட்விஸ்ட்!












Click it and Unblock the Notifications