அதிமுக முன்னாள் அமைச்சர் நத்தம் விஸ்வநாதன் அப்பல்லோ மருத்துவமனையில் அனுமதி!
சென்னை: அதிமுக முன்னாள் அமைச்சரும், தற்போதைய எம்.எல்.ஏவுமான நத்தம் விஸ்வநாதன், உடல்நலக்குறைவு காரணமாக சென்னை ஆயிரம் விளக்கு கிரீம்ஸ் சாலை பகுதியில் உள்ள அப்பல்லோ மருத்துவமனையில் சிகிச்சை பெற்று வருகிறார்.
நத்தம் விஸ்வநாதனுக்கு உயர் ரத்த அழுத்தம் காரணமாக, உடல் நலம் பாதிக்கப்பட்டுள்ளது. இதையடுத்து, அவர் நேற்று முன்தினம் இரவு சென்னை கிரீம்ஸ் சாலை பகுதியில் உள்ள அப்பல்லோ மருத்துவமனையில் அனுமதிக்கப்பட்டார். அவருக்கு மருத்துவர்கள் சிகிச்சை அளித்து வருகின்றனர். ஓரிரு நாட்களில் அவர் வீடு திரும்புவார் என மருத்துவமனை வட்டாரங்கள் தெரிவிக்கின்றன.
நத்தம் விஸ்வநாதன், அதிமுக சார்பில் 1999 ஆம் ஆண்டு முதல் தொடர்ச்சியாக நத்தம் தொகுதி எம்.எல்.ஏவாக தேர்வு செய்யப்பட்டவர். 2001, 2006, 2011 தேர்தல்களில் நத்தம் தொகுதியில் வென்று எம்.எல்.ஏ ஆனார். 2011 முதல் மின்சாரம், மதுவிலக்கு, ஆயத்தீர்வைத்துறை அமைச்சராகச் செயல்பட்டார்.
2016 ஆம் ஆண்டு சட்டசபை தேர்தலில் நத்தம் விஸ்வநாதனை ஆத்தூர் தொகுதியில் ஐ.பெரியசாமிக்கு எதிராக களமிறக்கினார் ஜெயலலிதா. அந்த தேர்தலில் விஸ்வநாதன் தோல்வியடைந்தார். 2021ல் மீண்டும் நத்தம் தொகுதியில் போட்டியிட்டு வென்றார் விஸ்வநாதன்.
Click it and Unblock the Notifications
Sign in with Google