"தரமான சம்பவம்".. ஒரே போட்டோ.. "வருமா? வராதா??".. கலக்கும் டி-ஷர்ட்.. டென்ஷனில் பாஜக: #AIIMST-Shirt

மதுரைக்கு எய்ம்ஸ் வருமா ? வராதா ??’ என்ற அச்சிட்ட டி - ஷர்ட்கள் டிரெண்டாகின்றன

Published: Saturday, September 24, 2022, 19:40 [IST]

Subscribe to Oneindia Tamil

சென்னை: "மதுரைக்கு எய்ம்ஸ் வருமா? வராதா??" என்ற அச்சிட்ட டி - ஷர்ட்கள், சமூகவலைளதங்களில் டிரெண்டாகி வருகின்றன.
மதுரை மாவட்டம் திருப்பரங்குன்றம் தொகுதிக்குட்பட்ட தோப்பூரில், 2018ம் ஆண்டு பிரதமர் மோடி எய்ம்ஸ் மருத்துவமனைக்கு அடிக்கல் நாட்டப்பட்டது.

ஆனால் ஜப்பான் நிதி குழுவிடம் இருந்து, நிதி வருவதற்கு தாமதம் ஆவதால் மருத்துவமனை கட்டுமான பணி தாமதப்படுவதாக மத்திய அரசு அப்போது காரணம் தெரிவித்திருந்தது.

டி ஷர்ட்

இப்படிப்பட்ட சூழலில்தான், கடந்த 2 வருடங்களுக்கு முன்பு, திமுக தரப்பில் நூதனமான எதிர்ப்பு ஒன்று பதிவு செய்யப்பட்டது.. எய்ம்ஸ் மருத்துவமனையின் கட்டுமானபணி மிக மெதுவாக நடைபெறுகிறது என்றும், எய்ம்ஸ் மருத்துவமனை விவகாரத்தில், அரசாங்கம் உண்மை நிலைமையை வெளிப்படுத்துவதில்லை என்றும், திமுக தலைமை செயற்குழு உறுப்பினர் இழமகிழன் தலைமையில் நூற்றுக்கும் மேற்பட்ட இளைஞர்கள் இணைந்து "மதுரைக்கு எய்ம்ஸ் வருமா? வராதா?" என்ற வாசகத்துடன் கூடிய டீ ஷர்ட் அணிந்துக்கொண்டனர்.

நுரையீரல்

பிறகு, எய்ம்ஸ் மருத்துவமனை அமைவதற்கு அருகில் உள்ள தோப்பூர் அரசு நுரையீரல் மருத்துவமனை நுழைவுவாயிலில் 70க்கும் மேற்பட்ட மரக்கன்றுகளை நட்டு நூதனப் போராட்டத்திலும் ஈடுபட்டனர்... இது அப்போது மிகவும் பரபரப்பாக பேசப்பட்டது.. ஆனால், அதற்கு பிறகும் எய்ம்ஸ் மருத்துவமனை கட்டிமுடிக்கப்படவில்லை.. அதற்கான தொகை ஒதுக்கப்பட்ட நிலையில், தற்போது "எய்ம்ஸ் மருத்துவமனையின் முதற்கட்ட பணிகளில் 95% முடிவடைந்துள்ளன என்றும், விரைவில் எய்ம்ஸ் மருத்துவமனை நாட்டுக்கு அர்ப்பணிக்கப்படும்" என்று பாஜக தலைவர் ஜேபி நட்டா நேற்று முன்தினம் பேசியிருந்தார்.

கிழவி வெற்றிலை

எய்ம்ஸ் குறித்த நட்டாவின் இந்த பேச்சு சர்ச்சையை கிளப்பியது.. எய்ம்ஸ் கட்டுமான பணிகளில் காம்பவுண்டு சுவரை தவிர வேறு எதையும் காணோமே என்று நெட்டிசன்கள் கிண்டல் செய்தனர்.. இதனிடையே, எம்பிக்கள் வெங்கடேசனும், மாணிக் தாகூரும் நேரடியாகவே தோப்பூருக்கு சென்றுவிட்டனர்.. 95 சதவீத பணிகள் முடிந்த எய்ம்ஸ் எங்கே என்ற பதாதைகளை கைகளில் ஏந்தியபடி எய்ம்ஸ் அமைவிடத்தை பார்வையிட்டனர்.

டி-ஷர்ட்

மதுரை எம்பி வெங்கடேசன், "புல்புல் பறவைகள் மூலம் 95 சதவிகித வேலையைக் கட்டி முடித்த மதுரை எய்ம்ஸ் கடிதத்தைத் தேடி நானும் மாணிக்கம் தாகூர் போனோம். கீழ்வானம் வரை மதுரை கிழவி வெற்றிலை போட்டு துப்பிய எச்சிலால் சிவந்து கிடந்தது நிலம்" என்று நக்கலாக பதிவிட்டிருந்தார்.. இப்படிப்பட்ட சூழலில், மதுரைக்கு எய்ம்ஸ் வருமா ? வராதா ??' என்ற அச்சிட்ட டி-ஷர்ட்கள் மீண்டும் சந்தைக்கு வந்துள்ளன.. இந்த வாசகம்தான் இணையத்தில் டிரெண்டாகி கொண்டிருக்கிறது.. அத்துடன் இந்த டி-ஷர்ட்கள் குறித்த போட்டோக்களும் சோஷியல் மீடியாவில் றெக்கை கட்டி பறந்து கொண்டிருக்கின்றன.

Published On September 24, 2022