28 நாள் இல்ல.. முழுசா 1 மாசம்.. ஏர்டெல் அறிமுகப்படுத்திய அசத்தலான 3 பிளான்கள்.. இங்க பாருங்க!

சென்னை: இந்தியாவின் 2வது மிகப்பெரிய டெலிகாம் நிறுவனமான ஏர்டெல் 3 பிளான்களை தமது வாடிக்கையாளர்களுக்காக அறிமுகப்படுத்தி உள்ளது. இந்த மூன்று ப்ரீபெய்ட் திட்டங்கள் 1 மாத வேலிடிட்டியுடன் வந்துள்ளன. இந்த ரீசார்ஜ் பிளான்களின் விலை மற்றும் விவரங்களை பார்க்கலாம்.

ஏர்டெல் புதிதாக அறிமுகப்படுத்தி உள்ள இந்த 3 பிளான்களின் வேலிடிட்டி 1 மாதம் ஆகும். அதாவது, 28 நாட்கள் இல்லாமல், முழுமையாக ஒரு மாதம் வேலிடிட்டி கொண்டதாக இந்த பிளான்கள் அறிமுகப்படுத்தப்பட்டு உள்ளன. இந்த மாதம் எந்த தேதியில் ரீசார்ஜ் செய்தீர்களோ அடுத்த மாதம் அதே தேதி வரை இந்த பேக்கின் வேலிடிட்டி இருக்கும்.

30 நாட்கள் வேலிடிட்டி கொண்ட மாதாந்திர திட்டங்களை வழங்குமாறு தொலைத்தொடர்பு நிறுவனங்களைக் கேட்டு TRAI உத்தரவு வெளியிடப்பட்ட பின்னர், இந்த திட்டங்கள் ஏர்டெல் மூலம் அறிமுகப்படுத்தப்பட்டு உள்ளன. இந்த ரீசார்ஜ் பிளான்களின் விவரங்கள் என்ன என்பதை பார்க்கலாம் வாங்க..

ரூ,379 ப்ரீபெய்ட் திட்டம்: ஏர்டெல் வழங்கும் ரூ,379 ப்ரீபெய்ட் திட்டத்தில் அன்லிமிடெட் வாய்ஸ் காலிங் மற்றும் தினமும் 100 SMS இலவசம். மேலும் தினமும் 2 GB டேட்டா கிடைக்கும். மேலும் இதில் அன்லிமிடெட் 5G டேட்டாவை உங்களால் பயன்படுத்த முடியும். இந்த திட்டத்துடன் Airtel Xstream Play மற்றும் Wynk Music ஆகிய கூடுதல் பலன்களும் கிடைக்கும்.

ரூ.429 ப்ரீபெய்ட் திட்டம்: ஏர்டெல் வழங்கும் ரூ,429 ப்ரீபெய்ட் திட்டத்தில் அன்லிமிடெட் வாய்ஸ் காலிங், தினமும் 100 SMS மற்றும் தினமும் 2.5 GB டேட்டா கிடைக்கும். இதனுடன் வாடிக்கையாளர்களுக்கு அன்லிமிடெட் 5G டேட்டா உடன் ஏர்டெல் எக்ஸ்ஸ்ட்ரீம் ப்ளே இந்த திட்டத்துடன் இணைக்கப்பட்டுள்ளது. Apollo 24|7 Circle மற்றும் Wynk Music ஆகியவையும் கூடுதலாக இணைக்கப்பட்டுள்ளன.

ரூ.609 ப்ரீபெய்ட் திட்டம்: ஏர்டெல்லின் ரூபாய் 609 திட்டத்தை பொறுத்தவரை, இந்த திட்டத்தில் அதிகபட்சமாக 60 GB டேட்டாவை மாதம் முழுவதும் இலவசமாக பயன்படுத்திக் கொள்ளலாம். இதில் தினசரி டேட்டா வரம்பு இல்லை. உங்கள் இஷ்டம் போல 60 ஜிபி வரை டேட்டாவை பயன்படுத்திக் கொள்ளலாம். மேலும், அன்லிமிடெட் வாய்ஸ் காலிங் மற்றும் மொத்தம் 300 SMS இலவசமாக கிடைக்கும். இதை தவிர Airtel Xstream Play, Apollo 24|7 Circle, மற்றும் Wynk Music போன்ற நன்மைகளும் கூடுதலாக கிடைக்கும்.

Airtel யின் இந்த அனைத்து திட்டங்களும் ஒரு மாத வேலிடிட்டி நன்மையுடன் வரும். இந்த ப்ரீபெய்ட் திட்டங்களை இந்தியா முழுவதும் எங்கு வேண்டுமானாலும் நீங்கள் ரீசார்ஜ் செய்யலாம் மேலும் அவை அனைத்தும் பயனர்களுக்கு வரம்பற்ற 5G உடன் வருகின்றன. நீங்கள் OTT நன்மை பெற விரும்பினால், ரூ.379 மற்றும் ரூ.429 ப்ரீபெய்ட் திட்டம் மிக சிறந்த ஆப்ஷனாக இருக்கும் அதே நேரம் உங்களுக்கு அதிகபட்ச டேட்டா பெற விரும்பினால் ரூ,609 ப்ரீபெய்ட் திட்டம் சிறந்ததாக இருக்கும்.

English summary

Bharti Airtel, India's second-largest telecom operator, has three prepaid plans with which users get one month of service validity. These plans come for Rs 379, Rs 429, and Rs 609.