துபாய் கார் ரேஸில் தமிழகத்திற்கு பெருமை! அடுத்தது போர்ச்சுகல் ரேஸுக்கு புறப்பட்டார் அஜித்!

சென்னை: துபாயில் நடந்த கார் ரேஸில் 3 ஆவது இடத்தை பிடித்த நடிகர் அஜித்குமார், தற்போது போர்ச்சுகலில் நடைபெறும் கார் ரேஸிற்காக புறப்பட்டுச் சென்றுள்ளார். இதைத் தொடர்ந்து அவருக்கு சமூகவலைதளங்களில் வாழ்த்துகள் குவிகின்றன.

துபாயில் நடந்த 24எச் எனும் கார் ரேஸிங்கில் கலந்து கொண்டு 3ஆவது இடத்தை பிடித்தார். இவருக்கு வாழ்த்துகள் குவிந்தன. வெளிநாட்டில் இந்திய கொடியை அசைத்து பெருமை பொங்க அஜித் வந்தது பெரும் பெருமையை சேர்த்தது.

அதிலும் தமிழக அரசின் விளையாட்டு மேம்பாட்டு ஆணையத்தின் லோகோவையும் அவர் அணிந்திருந்தார். இந்த நிலையில் தற்போது போர்ச்சுகலில் நடந்த கார் ரேஸிங்கில் கலந்து கொள்ள சென்னையிலிருந்து புறப்பட்டுச் சென்றார் அஜித்.

தெற்கு ஐரோப்பிய போர்ஷே ஸ்பிரிண்ட் தொடர் 2025, ஸ்பெயின், போர்ச்சுகல் ஆகிய இரு நாடுகளில் நடைபெறுகிறது.

English summary

Actor Ajith kumar leaves to Portugal to participate in car race.