"தலைவா" என உருகிய மோடி.. சொல்லி வச்ச மாதிரி.. ரஜினிக்கு அடுத்தடுத்து பறந்த போன்.. ஸ்டாலினும் விடலையே

Updated: Thursday, April 1, 2021, 15:44 [IST]

Subscribe to Oneindia Tamil

சென்னை: தாதா சாகேப் பால்கே விருது பெற்று இருக்கும் நடிகர் ரஜினிகாந்துக்கு அரசியல் தலைவர்கள் எல்லோரும் வரிசையாக வாழ்த்து தெரிவித்து வருகிறார்கள்.. கடந்த ஒரு மணி நேரத்தில் கிட்டத்தட்ட அரசியல் பாகுபாடு இன்றி பலரும் ரஜினியை வாழ்த்திவிட்டனர்.. இந்த வேகம்தான் கொஞ்சம் இடிக்கிறது!

போன்

ரஜினிக்கு இந்த விருது கிடைத்தவுடன் தமிழக முதல்வர் பழனிசாமி முதல் ஆளாக அவருக்கு போன் செய்தே வாழ்த்து தெரிவித்துவிட்டார். உங்களுக்கு விருது வழங்கப்பட்டதில் மகிழ்ச்சி, நீங்கள் சினிமாவில் செய்த வாழ்நாள் சாதனைக்காக இந்த உயரிய விருதை பெறுகிறீர்கள் என்று முதல்வர் பழனிசாமி வாழ்த்து தெரிவித்துள்ளார். அடுத்த நொடியே துணை முதல்வர் ஓ. பன்னீர்செல்வமும் போன் செய்து வாழ்த்திவிட்டார்.

பெருமை

உங்களுக்கு விருது கொடுக்கப்பட்டது தமிழ் சினிமாவிற்கு பெருமை சேர்க்கிறது என்று கூறி துணை முதல்வர் வாழ்த்து சொல்லி இருக்கிறார். இன்னொரு பக்கம் பிரதமர் மோடி ஒருபடி மேலே போய்., தலைவா என்றே கூறி ரஜினிகாந்தை வாழ்த்திவிட்டார் .. பல தலைமுறையாக கடின உழைப்பு, வித்தியாசமான வேடங்கள் மூலம் ரஜினி மக்கள் மத்தியில் பிரபலமாக இருக்கிறார்.

மோடி

தலைவாவிற்கு இந்த விருது கொடுக்கப்படுவது மிகுந்த மகிழ்ச்சி அளிக்கிறது என்று மோடி டிவிட் செய்து பாராட்டி உள்ளார். இன்னொரு பக்கம் மக்கள் நீதி மய்யம் தலைவர் கமல்ஹாசனும், உயரிய விருதான தாதா சாகேப் பால்கே விருது உச்ச நட்சத்திரமும் என் மனதிற்கு இனிய நண்பருமான ரஜினிகாந்திற்கு அறிவிக்கப்பட்டிருப்பது பெரும் மகிழ்வளிக்கிறது.

கமல்

திரையில் தோன்றுவதன் மூலமே ரசிகர்களை வென்றெடுத்துவிட முடியும் என்பதை நிரூபித்த ரஜினிக்கு இந்த விருது 100% பொருத்தம்., என்று கமல்ஹாசனும் பாராட்டி உள்ளார். இப்படி அரசியல் தலைவர்கள் ரஜினியை பாராட்ட இன்னொரு பக்கமும் திமுக தலைவர் ஸ்டாலினும் வேக வேகமாக ரஜினியை பாராட்டி உள்ளார். இனிய நண்பரும், தன்னிகரற்ற கலைஞனுமாகிய சூப்பர் ஸ்டார் ரஜினிக்கு #DadasahebPhalkeAward கிடைத்திருப்பதை அறிந்து மகிழ்கிறேன்.

ஸ்டாலின்

தாமதம் என்றாலும் வரவேற்புக்குரியது! நடிப்புக்கும், நட்புக்கும் இலக்கணமான நண்பர் ரஜினி அவர்களின் கலைப்பயணம் என்றென்றும் இனிதே தொடர வாழ்த்துகள்! என்று ஸ்டாலின் குறிப்பிட்டுள்ளார். இதுபோக பல அரசியல் தலைவர்கள் ரஜினிக்கு நேரடியாக போன் செய்து வாழ்த்து தெரிவித்துள்ளனர்.

ராமதாஸ்

ஏன் ராமதாஸ், அன்புமணி ராமதாஸ் கூட ரஜினியை வாழ்த்திவிட்டனர். வெறும் 1 மணி நேரத்தில் சொல்லி வைத்தார் போல ரஜினிக்கு அடுத்தடுத்து வாழ்த்துக்கள் பறந்து உள்ளது. தேர்தல் நேரத்தில் எல்லோரும் இப்படி ஒன்றாக வாழ்த்துவதுதான் சந்தேகம் தருகிறது.

ரஜினி

ஆனால் ரஜினியோ இதுவரை எதற்கும் ரியாக்ட் செய்யவில்லை. ரஜினி தங்களுக்குதான் க்ளோஸ் என்பதை போல காட்டிக்கொள்ள கிட்டத்தட்ட எல்லா கட்சிகளும் தேர்தல் நேரத்தில் முயற்சி செய்கிறது. ரஜினி இனிமேல் வாய்ஸ் கொடுத்து தேர்தல் நேரத்தில் எதுவும் மாற போவது இல்லை.

ஆதரவு

ரஜினி இனிமேல் பேசி, அதன் மூலம் வாக்குகள் ஸ்விங் ஆக போவது இல்லை. ஆனாலும் எப்படியாவது ரஜினியை தங்களுக்கு ஆதரவானவராக காட்டிக்கொள்ள எல்லா கட்சிகளும் முயற்சி செய்கின்றன. ஆனால் ரஜினியோ இதெல்லாம் வேண்டவே வேண்டாம் என்று இதுவரை எந்த டிவிட்டும் செய்யாமல், படு சைலண்டாக இருக்கிறார்!