என்னாது டீ செலவு மிச்சமா?.. எங்களுக்கு டீசல் செலவு மிச்சம்!.. அண்ணாமலை Vs ஆளூர் ஷாநவாஸ்!
சென்னை: என்னாது டீ செலவு மிச்சமா, எங்களுக்கு டீசல் செலவு மிச்சம் என தமிழக பாஜக தலைவர் அண்ணாமலைக்கு விடுதலைச் சிறுத்தைகள் கட்சியை சேர்ந்த எம்எல்ஏ ஆளூர் ஷா நவாஸ் பதிலடி கொடுத்துள்ளார்.
Recommended Video
தமிழ்ப் புத்தாண்டையொடடி சென்னை கிண்டியில் உள்ள ஆளுநர் மாளிகையில் தேநீர் விருதில் பங்கேற்க முதல்வர் மு.க.ஸ்டாலின், அமைச்சர்கள், கூட்டணிக் கட்சித் தலைவர்கள், எதிர்க்கட்சித் தலைவர் உள்பட அனைத்து கட்சியினருக்கு ஆளுநர் அலுவலகத்தில் இருந்து அழைப்பு விடுக்கப்பட்டது.
ஆனால் தமிழக சட்டசபையில் கொண்டு வரப்பட்ட நீட் விலக்கு தீர்மானம், 7 தமிழர் விடுதலை தீர்மானம் உள்ளிட்ட 11 தீர்மானங்களை ஆளுநர் ஆர். என். ரவி நிறைவேற்றாததால் அவர் அளிக்கும் விருந்தில் கலந்து கொள்ள மாட்டோம் என திமுக கூட்டணி கட்சிகளான விடுதலைச் சிறுத்தைகள், மார்க்சிஸ்ட், இந்திய கம்யூனிஸ்ட், காங்கிரஸ், மனிதநேய மக்கள் கட்சி உள்ளிட்டோர் அறிவித்தனர்.
பாமக புறக்கணிப்பு
அது போல் பாமகவும் தேநீர் விருந்தை புறக்கணித்தது. அது போல் ஆளுநர் மாளிகையில் நடைபெறும் தேநீர் விருந்தை தமிழக அரசு புறக்கணிப்பதாக அறிவித்தது. இதையடுத்து ஆளுநர் தலைமையில் நடைபெற்ற இந்த தேநீர் விருந்தில் அதிமுக, பாஜக, தமிழ் மாநில காங்கிரஸ் உள்ளிட்ட கட்சிகள் கலந்து கொண்டன.
தேநீர் விருந்து
ஆளுநர் தேநீர் விருந்தை திமுக அரசு, திமுக கூட்டணி கட்சிகள், பாமக உள்ளிட்டவை புறக்கணித்தது குறித்து தமிழக பாஜக தலைவர் அண்ணாமலையிடம் கேள்வி எழுப்பப்பட்டது. அதற்கு அவர் ஆளுநருக்கு டீ செலவு மிச்சம். அனைத்தும் மக்களின் வரிப்பணம்தான். மக்களின் வரிப்பணம் மிச்சமாகி இருக்கிறது. ஆளுநர் நடத்தும் தேநீர் விருந்து என்பது காலம் காலமாக நடைபெற்று வரும் மரபு என்றார்.
டீசல் செலவு மிச்சம்
டீ செலவு மிச்சம் என தமிழக பாஜக தலைவர் கே அண்ணாமலையின் விமர்சனத்திற்கு விடுதலைச் சிறுத்தைகள் கட்சியின் எம்எல்ஏ ஆளூர் ஷா நவாஸ் பதிலடி கொடுத்துள்ளார். அவர் கூறுகையில் பெட்ரோல், டீசல் விற்கும் விலையில் ஆளுநர் மாளிகைக்கு சென்று வர ஆகும் டீசல் செலவு மிச்சம் என எங்களாலும் சொல்ல முடியும்.
உரிமை பிரச்சினை
தமிழ்நாட்டின் உரிமைப் பிரச்சினைக்கான புறக்கணிப்பை தேநீர் செலவு மிச்சம் என மலினப்படுத்தக் கூடாது என ஆளூர் ஷாநவாஸ் பதிலடி கொடுத்துள்ளார். டீ செலவு மிச்சம் என அண்ணாமலை சொன்னதற்கு திமுக, விசிக, உள்ளிட்ட கட்சிகள் பதிலடி கொடுத்து வருகிறார். சமூகவலைதளங்களிலும் இந்த கட்சியின் நிர்வாகிகளுக்குள் விவாதங்கள் அனல் பறக்கின்றன.
Click it and Unblock the Notifications
Sign in with Google