கிளாம்பாக்கத்தை விடுங்க! இன்டர்நேஷனல் லெவலுக்கு மாறுது திரு.வி.க நகர் பேருந்து நிலையம்! இதை பாருங்க

சென்னை: சென்னையில் கிளாம்பாக்கம் பேருந்து நிலையம் அமைக்கப்பட்டு வரும் நிலையில் இன்னொரு பக்கம் திரு.வி.க. நகர் பேருந்து நிலையம் அமைக்கும் பணிகள் நடக்க உள்ளன.

சென்னை கோயம்பேடு பேருந்து நிலையம் ஆசியாவிலேயே உள்ள பெரிய பேருந்து நிலையங்களில் ஒன்று. இப்படிப்பட்ட பேருந்து நிலையம் இருந்தும் கூட அதை சரியாக அரசு பராமரிக்கவில்லை. அதிலும் கடந்த 10 வருடங்களில் கோயம்பேடு பேருந்து நிலையம் மிக மோசமான நிலையை அடைந்துவிட்டது.

அரசு நேரடியாக பராமரிப்பு பணிகளை மேற்கொள்வதே இதற்கு காரணம். அதே சமயம் இது போன்ற பராமரிப்பு பணிகளை தனியாரிடம் கொடுத்துவிட்டு, அவர்களிடம் கேள்வி கேட்கும் பட்சத்தில், தனியார் அமைப்புகள் இதை சிறப்பாக செய்யும்.

சில வெளிநாடுகளில் இது போல தனியார் அமைப்புகளே ஒப்பந்தம் எடுத்து சுத்தம் செய்யும் பணிகளை மேற்கொள்கின்றனர். இப்படிப்பட்ட நிலையில்தான் சென்னை கிளாம்பாக்கம் பேருந்து நிலையம் தொடர்பாக முக்கியமான ஒப்பந்தம் ஒன்று போடப்பட்டு உள்ளது.

பேருந்து நிலையம்: கடந்த சில வாரங்களாக கிளாம்பாக்கம் பேருந்து நிலையத்தை திறப்பதற்கான ஏற்பாடுகள் நடந்து வந்தன. கிளாம்பாக்கம் பேருந்து நிலைய கட்டுமானம் இறுதிக்கட்டத்தை நெருங்கி உள்ளது. முன்பே திறக்கப்பட வேண்டிய கிளாம்பாக்கம் பஸ் நிலையம் இன்னும் திறக்கப்படவில்லை. இந்த பேருந்து நிலையம் ரூ 400 கோடி மதிப்பில் கட்டப்பட்டு வருகிறது. இது 2018-ம் ஆண்டே திறக்கப்படும் என முதலில் கூறப்பட்டது.

ஆனால், கட்டுமானப் பணிகள் முடிவடையாததால் இதன் திறப்பு விழா தள்ளிக்கொண்டே போனது. இந்த வருடம் இந்த பேருந்து நிலையம் திறக்கப்பட வாய்ப்புகள் உள்ளன. இந்த பேருந்து நிலையம் சுத்தமாக எந்த திட்டமிடலும் இல்லாமல் கட்டப்பட்டுள்ளது. இங்கே மழை நீர் வடிகால் அமைக்கப்பட்டு உள்ள நிலையில் விரைவில் பணிகள் முடிய உள்ளன.

திருவிக நகர் பூங்கா: சென்னையில் கிளாம்பாக்கம் பேருந்து நிலையம் அமைக்கப்பட்டு வரும் நிலையில் இன்னொரு பக்கம் திரு.வி.க. நகர் பேருந்து நிலையம் அமைக்கும் பணிகள் நடக்க உள்ளன.

சென்னைப் பெருநகர் வளர்ச்சிக் குழுமத்தின் சார்பில் 6 கோடியே 27 இலட்சம் ரூபாய் மதிப்பீட்டில் புனரமைக்கப்படவுள்ள திரு.வி.க. நகர் பேருந்து நிலையப் பணியினை தமிழ்நாடு முதலமைச்சர் மு. க. ஸ்டாலின் அவர்கள் இன்று தொடங்கி வைத்தார்

இந்நிகழ்ச்சியில், நகராட்சி நிர்வாகத்துறை அமைச்சர் கே என் நேரு, , இந்து சமயம் மற்றும் அறநிலையங்கள் துறை அமைச்சர் சேகர் பாபு, , பெருநகர சென்னை மாநகராட்சி மேயர் பிரியா ஆர், நாடாளுமன்ற உறுப்பினர்கள் எம்பி கலாநிதி, ஆர். கிரிராஜன், துணை மேயர் மகேஷ் குமார், தமிழ்நாடு சேமிப்புக் கிடங்கு நிறுவனத்தின் தலைவர். ப. ரங்கநாதன், வீட்டுவசதி மற்றும் நகர்ப்புற வளர்ச்சித் துறை முதன்மைச் செயலாளர் செல்வி அபூர்வா ஆகியோர் இந்த இந்த நிகழ்வில் கலந்து கொண்டனர்.

மேலும் சென்னைப் பெருநகர் வளர்ச்சிக் குழுமத்தின் உறுப்பினர் செயலர் அன்சுல் மிஸ்ரா, மற்றும் அரசு உயர் அலுவலர்கள் கலந்து கொண்டனர்.

செய்யப்படும் மாற்றங்கள் என்னென்ன?: திரு.வி.க. நகர் பேருந்து நிலைய பணியில் செய்யப்படும் மாற்றங்களில் பின்வரும் மாற்றங்கள் அதிகம் கவனம் பெறும்.

பேருந்தின் முகப்பு தோற்றம் மொத்தமாக மாற்றப்படும்.
பேருந்து நிலையத்தில் மழை நீர் வடிகால் அமைப்பு ஏற்படுத்தப்படும்.
பேருந்து நிலையத்தில் இருக்கைகள் நவீனம் ஆக்கப்படும்.
உள்ளே இருக்கும் போர்டுகள் டிஜிட்டல் வகைகள் மாற்றப்படும்.
விளக்குகள் தொடங்கி திரைகள் வரை எல்லாம் நவீனம் ஆக்கப்படும்.
விமான நிலைய ஸ்டைலில் நுழையவோ மற்றும் வெளியேறும் வாயில்கள் அமைக்கப்படும்.
அதேபோல் உள்ளே லிப்டில் செல்லும் விதமாக அலுவலகம் ஒன்றும் அமைக்கப்படும்.
மேழும் புதிய உணவகங்கள், கடைகள் அமைக்கும் விதமாக உள்ளே புதிய காம்பிளக்ஸ் அமைக்கப்படும், என்று அறிவிக்கப்பட்டு உள்ளது.

English summary

Amid Kilambakkam Bus Terminus Thiru Vi Ka Nagar Bus Stand to reach another level .