அமித்ஷா வருகை: ராணிப்பேட்டையில் இரண்டு நாட்களுக்கு.. டிரோன்கள் பறக்க அதிரடி தடை

Updated: Wednesday, March 5, 2025, 8:53 [IST]

Subscribe to Oneindia Tamil

சென்னை: தமிழகத்திற்கு உள்துறை அமைச்சர் அமித்ஷா நாளை (மார்ச் 6) வருகை தரவுள்ளார். அமித்ஷா வருகையையொட்டி, ராணிப்பேட்டை மாவட்டம் முழுவதும் இரண்டு நாட்களுக்கு டிரோன்கள் பறக்கத் தடை விதிக்கப்பட்டுள்ளது.

ராணிப்பேட்டை மாவட்டம், அரக்கோணத்தில் உள்ள மத்திய தொழிற்பாதுகாப்பு படையின் பயிற்சி மையத்திற்கு உள்துறை அமைச்சர் அமித்ஷா நாளை வருகை தரவுள்ளார். இதையொட்டி, ராணிப்பேட்டை மாவட்டம் முழுவதும் டிரோன்கள் மற்றும் இதர ஆளில்லா வான்வழி வாகனங்கள் பறக்க தடை செய்யப்பட்டுள்ளது.

இதுகுறித்து, ராணிப்பேட்டை மாவட்ட காவல் துறை வெளியிட்டுள்ள அறிவிப்பில் கூறியிருப்பதாவது: அரக்கோணத்தில் உள்ள மத்திய தொழிற்பாதுகாப்பு படையின் பயிற்சி மையத்திற்கு உள்துறை அமைச்சர் அமித்ஷா நாளை வருகை தர உள்ளதை ஒட்டி, ராணிப்பேட்டை மாவட்டம் முழுவதும் 2 நாட்களுக்கு (நாளை மற்றும் நாளை மறுநாள்) டிரோன்கள் மற்றும் இதர ஆளில்லா வான்வழி வாகனங்கள் பறக்க தடை விதிக்கப்பட்டுள்ளது.

மேலும், பாதுகாப்பு காரணமாக டிரோன்கள் மற்றும் இதர ஆளில்லா வான்வழி வாகனங்கள் பறக்கவிடும் நபர்கள் மீது சட்டப்படி நடவடிக்கை எடுக்கப்படும் என்று தெரிவிக்கப்பட்டுள்ளது.