அமமுக 3வது வேட்பாளர் பட்டியல் வெளியீடு: ஸ்டாலினுக்கு போட்டியாக ஆறுமுகம்.. சவால் 'வெயிட்டிங்'

Updated: Saturday, March 13, 2021, 10:48 [IST]

Subscribe to Oneindia Tamil

சென்னை: சட்டமன்ற தேர்தலில் போட்டியிடும் 3ம் கட்ட அமமுக வேட்பாளர்கள் பட்டியல் இன்று வெளியிடப்பட்டுள்ளது.

எதிர்வரும் சட்டமன்ற தேர்தலில் போட்டியிடும், 65 அமமுக வேட்பாளர்கள் பட்டியல் ஏற்கனவே 2 கட்டங்களாக வெளியான நிலையில், இன்று 130 வேட்பாளர்கள் கொண்ட 3ம் கட்ட பட்டியல் வெளியிடப்பட்டுள்ளது.

இதில், திருவொற்றியூர் தொகுதியில் செளந்தரபாண்டியன் போட்டியிடுகிறார். திமுக தலைவர் மு.க.ஸ்டாலின் போட்டியிடும் கொளத்தூர் தொகுதியில் ஆறுமுகமும், அமைச்சர் ஜெயக்குமார் போட்டியிடும் ராயபுரம் தொகுதியில் சி.பி.ராமஜெயம் போட்டியிடுகின்றனர்.

AMMK 3rd phase candidates list released by ttv dhinakaran

அதேபோல், ராஜபாளையம் தொகுதியில் ராஜேந்திர பாலாஜியை எதிர்த்து காளிமுத்து களம் காண்கிறார்.

மேலும் துறைமுகம் தொகுதியில் சந்தானகிருஷ்ணன், வேளச்சேரியில் சந்திரபோஸ், காட்பாடியில் ராஜா மற்றும் பெரியகுளத்தில் கதிர்காமு ஆகியோரும் போட்டியிடுகின்றனர்.

திமுக, தமிழ் மாநில காங்கிரஸ் இடையே கடுமையான போட்டி நிலவும் பட்டுக்கோட்டையில் எஸ்.டி.எஸ் சேலம் களம் காண்கிறார். அதேபோல் தஞ்சையில் ஏ.ஜி.தங்கப்பன், கும்பகோணத்தில் பாலமுருகன் போட்டியிட, விராலிமலையில் அமைச்சர் விஜயபாஸ்கரை எதிர்த்து கார்த்தி பிரபாகரன் களம் காண்கிறார்.