நல்லா மழ மழன்னு... ரவுண்டு ரவுண்டா.. கூடவே சில்லியை வச்சு.. எத்தனை நாளாச்சு.. ஒரு கதறல் ஆடியோ

Updated: Wednesday, April 15, 2020, 14:34 [IST]

Subscribe to Oneindia Tamil

சென்னை: நல்லா மழமழன்னு, ரவுண்டு ரவுண்டா.. கூடவே சில்லியை வச்சு .. எத்தனை நாளாச்சு என ஒரு கதறல் ஆடியோ வெளியாகியுள்ளது. இதை பார்த்தால் யாருக்கும் கவலையடைய தோன்றவில்லை என்பதுதான் இந்த ஆடியோவின் ஹைலைட்டே!

வீடியோ

இதுபோன்ற வீடியோக்கள் சமூகவலைதளங்களில் உலவுகின்றன. மேலும் தற்போது சினிமா தியேட்டர்கள் மூடப்பட்டு விட்டதால் மக்கள் டிவிகளில் நெட்பிளிக்ஸ் உள்ளிட்டவைகளில் படம் பார்த்தும் பொழுதை கழிக்கிறார்கள். இந்த நிலையில் சமூக வலைதளங்களில் ஒரு வீடியோ வெளியாகியுள்ளது.

ஆடியோ

ஆரம்பிக்கும் போது மிகவும் சீரியஸாக ஆரம்பிக்கும் இந்த ஆடியோ கடைசியில் சிரிப்பலையை ஏற்படுத்தியுள்ளது. அந்த ஆடியோவில் அந்த நபர் கூறுகையில் வணக்கம் நண்பர்களே, நான் இங்கு ஒரு முக்கியமான விஷயத்தை பற்றி பேச வந்துள்ளேன். இப்படி சொல்லும் போதே சிலர் ஆடியோவை கட் செய்துவிட்டு சென்றுவிடுவார்கள்.

வித்தியாசம்

இன்னும் சிலர் என்னடா இது என நினைப்பார்கள். ஆனால் இது கொஞ்சம் ஸ்பெஷல். சரியா. ஒரு நிமிடம் எனக்காக நீங்கள் கேளுங்கள். வழக்கமாக நீங்கள் கேட்டதுதான். புரோட்டாவை பற்றியதுதான். மைதா மாவினால் தயாரிக்கப்படுவது என்பன உள்ளிட்ட நிறைய விஷயங்கள் நீங்கள் கேள்விப்பட்டிருப்பீர்கள். நான் சொல்றது கொஞ்சம் வித்தியாசமாக இருக்கும்.

புரோட்டா

எப்படினு பார்த்தீங்கன்னா, இந்த புரோட்டாவுக்கு சிலர் சில்லி சிக்கன், பீப் சில்லி ஆகியவற்றை தொட்டு சாப்பிடுவார்கள். நான் கூட அப்படித்தான் சாப்பிடுவேன். டேஸ்ட் நன்றாக இருக்கும். இதற்கு பெரிய வெங்காயத்தையும் கட் செய்து அந்த சில்லியோட சேர்த்து சாப்பிட்டால் அதன் சுவை அட்டகாசமாக இருக்கும். கூடவே லெமனை பிழிந்து விட்டு நாம் சாப்பிட்டிருப்போம்.

டேஸ்டே

அப்படி சாப்பிடும் போது அந்த டேஸ்டே தனிதான். அது கூட புரோட்டா வச்சி சாப்பிட்டிருப்போம் என்கிறார். சரி இனி இந்த புரோட்டாவை இப்படி சாப்பிடக் கூடாது என கூறுகிறாரோ என்ற அச்சத்தில் ஆடியோவை கேட்டால் சிரிப்பு சிரிப்பா வருகிறது. ஆனால் அவர் மட்டும் "அழுகிறார்" . இனி அந்த புரோட்டாவுடன் சில்லி, வெங்காயம், லெமனை பிழிந்து சாப்பிடும் போது தயவுசெய்து என்னைய கூப்பிடுங்க. புரோட்டா சாப்பிட்டே ரொம்ப நாளாச்சு. எனக்கு சாப்பிடனும் போல தோணுது என வீடியோவை முடிக்கிறார். இந்த ஆடியோவை சீரியஸாக கேட்டவர் எல்லாம் விழுந்து விழுந்து சிரிக்கும் நிலை ஏற்பட்டுவிட்டது.