திமுக பொதுச் செயலாளர் க. அன்பழகன் மருத்துவமனையில் அனுமதி

Published: Friday, December 28, 2018, 21:57 [IST]

Subscribe to Oneindia Tamil

சென்னை: திமுக பொதுச் செயலாளர் க. அன்பழகன் உடல் நலக்குறைவு காரணமாக சென்னை அப்பல்லோ மருத்துவமனையில் அனுமதிக்கப்பட்டுள்ளார்.

திமுக பொதுச் செயலாளர் க. அன்பழகனுக்கு இன்று இரவு சளித்தொல்லையும், கூடவே மூச்சு விடுவதில் சிரமமும் ஏற்பட்டது. இதையடுத்து அவரை சென்னை அப்பல்லோ மருத்துவமனைக்கு அழைத்து சென்று அனுமதித்தனர்.

சளித்தொல்லை காரணமாக உணவு உட் கொள்ள முடியாமலும் அன்பழகன் சிரமப்படுவதாக தெரிகிறது. அவருக்கு டாக்டர்கள் குழு தீவிர சிகிச்சை அளித்து வருகிறது. தகவல் அறிந்ததும் திமுக தலைவர் மு.க.ஸ்டாலின், ராஜ்யசபா எம்.பி. கனிமொழி உள்ளிட்டோர் நேரில் சென்று பார்த்தனர்.

பின்னர் மு.க.ஸ்டாலின் செய்தியாளர்களிடம் பேசுகையில், சளித்தொல்லை மற்றும் மார்பக தொற்று காரணமாக அன்பழகன் அனுமதிக்கப்பட்டுள்ளார். சிகிச்சைக்குப் பின்னர் ஓரிரு நாட்களில் அவர் வீடு திரும்புவார் என்று தெரிவித்தார்.

Published On December 28, 2018