அன்புமணியால் வேதனைதான் வருது.. பாமக எம்எல்ஏ அருளை நீக்க அவருக்கு அதிகாரமே இல்லை.. ராமதாஸ் அதிரடி

சென்னை: எம் எல் ஏ அருளை நீக்கும் அதிகாரம் எனக்கு மட்டுமே உள்ளது. அன்புமணிக்கு இல்லை. அன்புமணி அருளை கட்சியில் இருந்து நீக்கியதாக அறிவித்து இருப்பது செல்லாது. பாமகவில் இருந்து நிர்வாகிகளை நீக்கும் அதிகாரம் எனக்கு மட்டுமே உள்ளது. அன்புமணி பற்றி பேசினால் எனக்கு வருத்தம் தான் வருகிறது என்று பாமக தலைவர் ராமதாஸ் கூறினார்.

பாமக தலைவர் ராமதாஸ் இன்று செய்தியாளர்களை சந்தித்தார். அப்போது அவர் கூறியதாவது:- எம் எல் ஏ அருளை நீக்கும் அதிகாரம் எனக்கு மட்டுமே உள்ளது. அன்புமணிக்கு இல்லை. அன்புமணி அருளை கட்சியில் இருந்து நீக்கியதாக அறிவித்து இருப்பது செல்லாது. ஜி கே மணி மூலமாக கடிதம் கொடுத்த பிறகு தான் நீக்க முடியும். பாமகவில் இருந்து நிர்வாகிகளை நீக்கும் அதிகாரம் எனக்கு மட்டுமே உள்ளது. பாமக எம்.எல்.ஏ அருள் கட்சியில் தொடர்வார்.

அன்புமணி பற்றி பேசினால் எனக்கு வருத்தம் தான் வருகிறது அன்புமணி பற்றி கேள்வியை கேட்காமல் வேறு எதாவது கேளுங்கள். வரும் சட்டசபை தேர்தலில் யாருடன் கூட்டணி என்று கேட்கிறீர்கள். தேர்தலுக்கு இன்னும் நாள் இருக்கிறது. தேர்தல் நெருங்கும் நேரத்தில் பாமக யாருடன் கூட்டணி அமைக்கும் என்பதை தெரிவிக்கிறேன்.

English summary

Only I have the authority to remove MLA Arul. Anbumani does not. Anbumani's announcement that Arul has been removed from the party is invalid. Only I have the authority to remove administrators from the PMK. Talking about Anbumani makes me feel sad, said PMK leader Ramadoss.