கொஞ்சம் கூட முகத்தில் சிரிப்பே இல்லை.. இறுகிய முகத்துடன் காணப்பட்ட அன்புமணி!

- கோயா

சென்னை: அதிமுக பாமக கூட்டணிப் பேச்சுவார்த்தையின்போது பாமக இளைஞர் அணித் தலைவர் டாக்டர் அன்புமணி ராமதாஸ் முகத்தில் மனமார்ந்த உணர்வு இல்லையாம். மாறாக இறுகிய முகத்துடன், வேண்டா வெறுப்பாகவே அவர் காணப்பட்டதாக சொல்கிறார்கள்.

நீண்ட இடைவெளிக்குப் பிறகு அதிமுக - பாமக கூட்டணி அமைந்துள்ளது. ஜெயலலிதாவுடன் முரண் பட்ட பின்னர் முதல் முறையாக அதிமுக பக்கம் திரும்பியுள்ளார் டாக்டர் ராமதாஸ்.

இதில் அன்புமணி ராமதாஸுக்கு உடன்பாடு இல்லை என்று ஆரம்பத்திலிருந்தே கூறப்பட்டு வந்தது. அவர் திமுக கூட்டணியையே விரும்பினார். அதற்காகவும் முயற்சித்து வந்தார்.

சாதித்த ராமதாஸ்

ஆனால் டாக்டர் ராமதாஸ் தான் இந்த கூட்டணியை தொடர்ந்து வலியுறுத்தி வந்தார். கடைசியில் அவர் நினைத்ததே நடந்துள்ளது. இன்று அதிமுகவுடன் பாமக தரப்பு பேச்சுவார்த்தை நடத்தி ஒப்பந்தத்திலும்

பாமக குழு பேச்சு

பாமக சார்பில் டாக்டர் ராமதாஸ், அன்புமணி, ஜி.கே.மணி உள்ளிட்டோர் அடங்கிய குழு கலந்து கொண்டது. அதிமுக தரப்பில் எடப்பாடி பழனிச்சாமி, ஓ பன்னீர் செல்வம், வேலுமணி, தங்கமணி, கே. முனுசாமி உள்ளிட்டோர் கலந்து கொண்டனர்.

இறுகிய முகத்துடன் அன்புமணி

இந்த சந்திப்பின்போது அன்புமணி முகத்தில் சிரிப்பே இல்லையாம். வலுக்கட்டாயமாக வரவழைத்துக் கொண்ட புன்னகையுடன்தான் அவர் காணப்பட்டாராம். அவரிடம் இயல்பாக காணப்படும் புன்னகையும், உற்சாகமும் சுத்தமாக இல்லையாம்.

உற்சாகமிழந்த அன்புமணி

உற்சாகம் இல்லாமல், உணர்வுப்பூர்வமாக இல்லாமல், வேண்டா வெறுப்பாகவே அவர் காணப்பட்டதாக களத்தில் இருக்கும் செய்தியாளர்கள் கூறுகிறார்கள். கடைசி வரை தான் நினைத்தது நடக்கவில்லையே என்ற விரக்தியுடன் அன்புமணி இருப்பதாகவே தெரிகிறது.

English summary

Sources say that Dr Anbumani Ramadoss is not happy with ADMK - PMK alliance.