ஒயிட் & ஓயிட் சீருடை! திமுக இளைஞரணிக்கு போட்டியாக பாட்டாளி இளைஞர் சங்கம்! அன்புமணி நடத்திய கூட்டம்
சென்னை: பாட்டாளி இளைஞர் சங்கம் மற்றும் மாணவர் சங்கம் மாவட்ட நிர்வாகிகளை சென்னைக்கு அழைத்து அவர்களுடன் ஆலோசனைக் கூட்டம் நடத்தியுள்ளார் பாமக தலைவர் அன்புமணி ராமதாஸ்.
திமுக இளைஞரணி நிர்வாகிகளை போலவே பாட்டாளி இளைஞர் சங்கத்தினர் ஒயிட் அண்ட் ஒயிட் சீருடையில் கூட்டத்தில் கலந்துகொண்டனர். கட்சியில் புதிதாக அதிகளவு இளைஞர்களை இணைக்க வேண்டும் என்ற அஜெண்டாவோடு நடத்தப்பட்ட இக்கூட்டத்தில் பாமக இளைஞர் சங்கத்தை ஆக்டிவாக இயங்க வைப்பது குறித்தும் விவாதிக்கப்பட்டுள்ளது.
திமுக இளைஞரணிக்கு போட்டியாக பாட்டாளி இளைஞர் சங்கத்தில் அதிகளவு உறுப்பினர்களை இணைக்க அறிவுறுத்தப்பட்டுள்ளது. பாமகவின் கொள்கைகள், செயல் திட்டங்களை பாமர மக்கள் மத்தியில் கொண்டு செல்ல வேண்டும் என இளைஞர் படையை கேட்டுக்கொண்டுள்ளார் அன்புமணி ராமதாஸ்.
பாமக இளைஞரணியில் உழைப்பவர்களுக்கு கட்சியிலும், தேர்தலிலும் நிச்சயம் நல்ல எதிர்காலம் இருக்கு என பூஸ்ட் அப் கொடுக்கப்பட்டதாக தெரிவிக்கப்படுகிறது. மேலும், அன்புமணி ராமதாஸே இளைஞரணியில் இருந்து தான் பாமக தலைவராக உயர்ந்தவர் என்பதும் சுட்டிக்காட்டப்பட்டுள்ளது.
பாமக என்றாலே அது வட தமிழ்நாட்டு கட்சி என்ற பிம்பத்தை உடைக்கும் வகையில் அனைத்து மாவட்டங்களிலும் பாமக அமைப்பை வலிமையாக கட்டமைக்கும் திட்டத்தில் இருக்கும் அன்புமணி, இப்போது தென் மாவட்டங்களுக்கும் அதிகம் சுற்றுப்பயணம் சென்று வருவது குறிப்பிடத்தக்கது.
Click it and Unblock the Notifications
Sign in with Google