இங்கிலாந்தில் உயர்கல்வி.. சிறந்த எதிர்காலத்திற்கான வாய்ப்பு வாசலை திறந்த அப்பல்லோ!

சென்னை: கல்வி சர்வதேச அளவில் விரிந்திருக்கையில் 'அப்பல்லோ பல்கலைக்கழகம்' இங்கிலாந்தில் செயற்கை நுண்ணறிவு & டேட்டா சயின்ஸ் இளங்கலை படிக்கும் வாய்ப்பை வழங்கியுள்ளது.

இங்கிலாந்தின் 'லெய்செஸ்டர்' பல்கலைக்கழகத்தில் செயற்கை நுண்ணறிவு மற்றும் டேட்டா சயின்ஸ் இளங்கலையை பயிலும் வாய்ப்பை அப்பல்லோ பல்கலைக்கழகம் உருவாக்கி வழங்கியுள்ளது. அதன்படி முதல் இரண்டு ஆண்டுகள் இந்தியாவில் சித்தூரில் உள்ள அப்பல்லோ பல்கலைக்கழகத்தில் பயிலலாம். மூன்றாம் ஆண்டில் இங்கிலாந்தில் உள்ள லெய்செஸ்டர் பல்கலைக்கழகத்தில் இடமாற்றம் செய்து படிக்கலாம். இளங்கலை வெற்றிகரமாக முடித்தவுடன் லெய்செஸ்டர் பல்கலையில் முதுகலை படிக்கவும் வாய்ப்பு உள்ளது.

அதாவது இந்தியாவில் 2 ஆண்டுகள் இங்கிலாந்தில் 1 ஆண்டு (2+1). இங்கிலாந்தில் கணினி அறிவியல் (மென்பொருள் மற்றும் பொறியியல்) அல்லது கணினி அறிவியல் (செயற்கை நுண்ணறிவு) என இரண்டு துறைகள் இருக்கின்றன.

அதேபோல இந்தியாவில் இளங்கலை 2 ஆண்டுகள் இங்கிலாந்தில் 1+1 ஆண்டு என மொத்தம் 4 ஆண்டுகள் இளங்கலை மற்றும் முதுகலையை சேர்த்து படிக்கலாம். முதுகலையை பொறுத்த அளவில் கணினி அறிவியல், டேட்டா சயின்ஸ்/ பகுப்பாய்வு, பொறியியல், மேலாண்மை, கணக்கியல் மற்றும் நிதி, சந்தைப்படுத்தல் போன்ற துறைகள் இருக்கின்றன.

அப்பல்லோ மருத்துவமனை குழுவின் தலைமையிலான அப்பல்லோ பல்கலைக்கழகம், ஹெல்த்கேர் மேனேஜ்மென்ட், ஹெல்த்கேர் மற்றும் டேட்டா சயின்ஸ் உள்ளிட்ட உயர்கல்வி மற்றும் ஆராய்ச்சி படிப்புகளையும் லெய்செஸ்டர் பல்கலைக்கழகத்துடன் இணைந்து வழங்க இருக்கிறது.

அப்பல்லோ பல்கலைக்கழகம் பற்றி: அப்பல்லோ பல்கலைக்கழகம் ஆந்திரப் பிரதேசத்தில் உள்ள ஒரு அரசு-தனியார் பல்கலைக்கழகம் ஆகும், இது பொறியியல், சுகாதாரம், மேலாண்மை மற்றும் சமூக-அறிவியல் என பலதரப்பட்ட பாடப்பிரிவுகளை வழங்குகிறது. கற்றல் மற்றும் ஆராய்ச்சி மூலம் மாணவர்களை 'வாழ்க்கை மற்றும் அவர்களின் கெரியரிக்கு தயார்' செய்வதை பல்கலைக்கழகம் நோக்கமாகக் கொண்டுள்ளது.

லெய்செஸ்டர் பல்கலைக்கழகம் பற்றி: லெய்செஸ்டர் பல்கலைக்கழகம் ஒரு முன்னணி உயர்கல்வி நிறுவனமாக சிறந்து விளங்குவதற்கான சர்வதேச சான்றை பெற்றிருக்கிறது. ஒரு நூற்றாண்டுக்கும் மேலாக, லெய்செஸ்டர் பல்கலைக்கழகம் கல்வியில் சிறந்து விளங்குகிறது.

2023 டீச்சிங் எக்ஸலன்ஸ் ஃப்ரேம் வொர்க்கில் லெய்செஸ்டர் பல்கலைக்கழகத்திற்கு Gold அங்கீகாரம் கொடுக்கப்பட்டிருக்கிறது. அதேபோல டைம்ஸ் உயர் கல்வி உலக பல்கலைக்கழக தரவரிசை 2024ல் லெய்செஸ்டர் பல்கலைக்கழகத்திற்கு இங்கிலாந்தில் 26வது இடம் கெடுக்கப்பட்டிருக்கிறது. வாட்யூனி மாணவர் தேர்வு விருதுகள் 2023ல் லெய்செஸ்டர் பல்கலைக்கழகத்தின் மாணவர் ஆதரவுக்கு 9 வது இடம் வழங்கப்பட்டிருக்கிறது. இது தவிர 2021 Research Excellence Framework, Times Higher Education மூலம் பகுப்பாய்வில் லெய்செஸ்டர் பல்கலைக்கழகத்திற்கு இங்கிலாந்தில் 30வது இடம் ஒதுக்கப்பட்டிருக்கிறது.

திட்டத்தின் நன்மைகள்: இந்தத் திட்டம் இந்திய மாணவர்களுக்கு மலிவு விலையில் உலகளாவிய கல்விக்கான அணுகலை வழங்குவதோடு மட்டுமல்லாமல், இரு பெரும் நிறுவனங்களின் ஒருங்கிணைந்த நிபுணத்துவத்தின் மூலம் மாணவர்களுக்கு பயன்களை வழங்குகிறது.

உதவித்தொகை: இந்தத் திட்டத்தில் உங்கள் பயணத்தைத் தொடங்குவது என்பது வாக்குறுதியும் சாத்தியமும் நிறைந்த ஒரு அற்புதமான வாய்ப்பாகும். உங்கள் அபிலாஷைகள் மற்றும் கனவுகளில் நீங்கள் கவனம் செலுத்துவதை உறுதிசெய்ய, உங்களுக்கான தகுதி செயல்முறையை எளிமைப்படுத்தியுள்ளோம்.

இடைநிலை அல்லது டிப்ளமோ படிப்பின் போது இயற்பியல், வேதியியல் மற்றும் கணிதம் ஆகியவற்றில் குறைந்தபட்சம் 60% தேர்ச்சி பெற வேண்டும், கணிதம் கட்டாயமாகும். ஆங்கில பாடத்தில் குறைந்தபட்சம் 70% மதிப்பெண் கட்டாயம். அங்கீகரிக்கப்பட்ட கல்வி முறையிலிருந்து முக்கிய பாடங்களாக இயற்பியல், வேதியியல் மற்றும் கணிதத்துடன் 12 ஆம் வகுப்பு அல்லது அதற்கு சமமான படிப்பை முடித்திருக்க வேண்டும்.

வேலை வாய்ப்புகள்: இங்கிலாந்திலிருந்து செயற்கை நுண்ணறிவு மற்றும் டேட்டா அறிவியலில் நிபுணத்துவம் பெற்ற கணினி அறிவியலில் BSc பட்டம் பெற்றால், பல்வேறு அற்புதமான தொழில் வாய்ப்புகளுக்கான கதவுகள் திறக்கப்படும்.

English summary

While education is international in scope, 'Apollo University' offers a Bachelor's in Artificial Intelligence & Data Science in UK.