ஸ்ருதிக்கு அர்ஜூன் செக்ஸ் டார்ச்சர் கொடுத்தாரா?.. அவர் பக்கா ஜென்டில்மேன்.. இயக்குநர் பரபர தகவல்

Published: Sunday, October 21, 2018, 15:40 [IST]

Subscribe to Oneindia Tamil

Recommended Video

நடிகர் அர்ஜுன் மீது கன்னட நடிகை பாலியல் புகார்- வீடியோ

சென்னை: அர்ஜூன் மீது ஸ்ருதி ஹரிஹரன் கூறிய புகார் முற்றிலும் தவறானது, அதுபோல் ஒரு சம்பவம் நடக்கவே இல்லை. அர்ஜூன் பக்கா ஜென்டில்மேன் என்று இயக்குநர் அருண் வைத்தியநாதன் பரபரப்பு தகவலை தெரிவித்துள்ளார்.

நிபுணன் படத்தில் ஆக்ஷன் கிங் அர்ஜூன், ஸ்ருதி ஹரிஹரன் உள்ளிட்டோர் நடித்துள்ளனர். இந்த படத்தை அருண் வைத்தியநாதன் இயக்கினார். இந்நிலையில் படப்பிடிப்பின் போது அர்ஜூன் என் முதுகில் கை வைத்து தடவினார், செக்ஸ் டார்ச்சர் கொடுத்தார், காதல் காட்சிகளில் இறுக்கமாக கட்டி அணைத்தார் என்றெல்லாம் அவர் மீது புகார் கூறியுள்ளார்.

எனினும் இந்த புகாரை அர்ஜூன் மறுத்து ஸ்ருதி மீது மானநஷ்ட வழக்கு போடவுள்ளதாகவும் நேற்று தெரிவித்துவிட்டார். இந்நிலையில் இப்படி ஒரு சம்பவம் நடக்கவே இல்லை என்று அருண் வைத்தியநாதன் தெரிவித்துள்ளார்.

ஷாக்காகிவிட்டேன்

இதுகுறித்து அருண் வைத்தியநாதன் கூறுகையில் அர்ஜூன் மற்றும் சுருதி ஆகிய இருவரும் எனது நண்பர்கள். அவர்களது குடும்பத்தினரை எனக்கு நன்கு தெரியும். அர்ஜூனை பொருத்தவரை அவர் பக்கா ஜென்டில்மேன். அதேதான் ஸ்ருதியும். மீ டூ இயக்கத்தில் அர்ஜூன் மீது ஸ்ருதி புகார் கூறியதை நான் அறிவேன். ஸ்ருதி ஒரு சீனில் அர்ஜூன் இப்படி நடித்தார் என்று கூறியதை கேட்டவுடன் நான் ஷாக்காகிவிட்டேன்.

நினைக்கவில்லை

அவர் கூறிய சீன் மிகவும் நெருக்கமாக நடித்தே ஆக வேண்டியதாகும். நடிப்பதற்கு முன்னர் பலகட்ட ஆலோசனைகளை நடித்திவிட்டுதான் அந்த சீனை எடுத்தோம். இந்த சம்பவம் நடந்து 2 ஆண்டுகள் ஆகிவிட்டன. எனவே ஸ்ருதி கூறுவது போல் எப்போது எந்த நிமிஷம் நடந்தது என்பது எனக்கு நினைவில்லை.

குறைத்து கொள்ளுங்கள்

மற்றொரு விஷயம் என்னவென்றால் ஸ்ருதி சொல்லும் சீன் திரையில் பார்ப்பதை காட்டிலும் இன்னும் ரொமான்டிக்காக எடுக்கவே திட்டமிட்டேன். அப்போதுதான் நன்றாக இருக்கும். ஆனால் அர்ஜூன்தான் என்னிடம் எனக்கும் வயதுக்கு வந்த இரு பெண்கள் இருக்கிறார்கள். அதுபோன்ற நெருக்கமான காட்சிகளில் என்னால் நடிக்க முடியாது. எனவே நெருக்கமான காட்சிகளை கொஞ்சம் குறைத்து கொள்ளுமாறு கேட்டுக் கொண்டார்.

கருத்து பரிமாற்றம்

அவரின் மனநிலையை புரிந்து கொண்டு அந்த சீனை முற்றிலும் மாறுப்பட்ட விதத்தில் எடுத்தேன். நான் கூறியுள்ள கருத்துகள் அனைத்தும் உண்மையே. இது தவிர்த்து மேஜரான இருவருக்குள் என்ன கருத்து பரிமாறப்பட்டது, இருவருக்கிடையே தனிப்பட்ட முறையில் என்ன நடந்தது, இவையெல்லாம் என்னுடைய கவனத்துக்கு கொண்டு வரப்படாத வரை அது குறித்து நான் கருத்து கூற கூடாது. அது உரிமையும் அல்ல. ஒரு நல்ல படத்தை இயக்க நாங்கள் ஒரு டீமாக வேலை பார்த்த நிலையில் இது போல் ஸ்ருதியின் கருத்துகள் மனவேதனையை தருகின்றன என்றார் அருண் வைத்தியநாதன்.

Published On October 21, 2018