உதயநிதி ஸ்டாலின் ஜாதகம் முதலமைச்சராகும் ஜாதகம்! திமுக எதிர்காலம் எப்படி? ஜோதிடர் ஓபன் டாக்!

சென்னை: உதயநிதி ஸ்டாலினின் ஜாதகம் முதலமைச்சராகும் ஜாதகம் என பிரபல ஜோதிடர் ஆதித்ய குருஜி திட்டவட்டமாக தெரிவித்துள்ளார். திமுகவுக்கு இது வளர்பிறை காலம் என கணித்துள்ள அவர், முதலமைச்சர் ஸ்டாலினின் ஜாதகமும் நன்றாக இருப்பதாக கூறியுள்ளார்.

உதயநிதி ஸ்டாலின் அரசியலுக்கு வர வாய்ப்பில்லை என எல்லோரும் பேசிய நிலையில் 10 ஆண்டுகளுக்கு முன்பே, உதயநிதி அரசியலுக்கு வருவது உறுதி என தாம் சொன்னதாகவும் அதேபோல் ஒரு கல்லூரி முதல்வராக கூட ரஜினிக்கு விருப்பம் இல்லை என்றும் இதனால் அவர் அரசியலுக்கு வர வாய்ப்பில்லை என தாம் கூறியதாகவும் ஜோதிடர் ஆதித்ய குருஜி தனது கணிப்புகள் பற்றி நினைவு கூர்ந்துள்ளார். யூடியூப் சேனல் ஒன்றுக்கு அவர் அளித்துள்ள பேட்டியில் இதனைத் தெரிவித்துள்ளார்.

ரஜினிகாந்த் அரசியலுக்கு வரமாட்டார் என தாம் சொல்லிய போது மிரட்டல் போன் கால்கள் வரும் என்றும் ஆனால் தாம் கணித்தது கணித்தது என தனது நிலைப்பாட்டில் உறுதியாக நின்றதாகவும் அவர் கூறியுள்ளார். இதேபோல் 2016ஆம் ஆண்டும் மீண்டும் அதிமுக தான் வெற்றிபெறும் ஜெயலலிதா மீண்டும் முதல்வராவார் என தாம் கணித்த போது திமுகவினர் பலரும் தன்னிடம் கோபித்துக் கொண்டதாகவும் ஜோதிடர் ஆதித்ய குருஜி கூறியுள்ளார்.

ஓ.பன்னீர்செல்வத்தின் ஜாதகம் பற்றி தனக்குத் தெரியாது என்று கூறிய ஜோதிடர் ஆதித்ய குருஜி, சசிகலாவின் ஜாதகம் பற்றி தனக்கு நன்றாக தெரியும் என்றார். விஜய் ஜாதகத்தை பற்றி ஜோதிடர் ஆதித்ய குருஜி பெரிதாக எதுவும் கூறவில்லை என்றாலும், எப்போது வேண்டுமானாலும் அரசியலில் எழுச்சி பெறலாம் என்று மட்டும் குறிப்பிட்டுள்ளார். 2026ஆம் ஆண்டு எடப்பாடி பழனிசாமிக்கு மோசமாக இருக்காது என்று மட்டும் தெரிவித்துள்ளார்.

English summary

Famous astrologer Aditya Guruji has clearly stated that Udhayanidhi Stalin horoscope is that of the Chief Minister.