வெப்ப காலத்தில் சாப்பிடக்கூடாத காய்கறிகள்? தப்பித்தவறி இதையெல்லாம் தொட்றாதீங்க

Updated: Sunday, May 3, 2026, 13:01 [IST]

Subscribe to Oneindia Tamil

சென்னை: வெயில் கோர தாண்டவம் ஆடும் நிலையில், உடல் நிலை சராசரி வெப்ப நிலையை பராமரிக்க போராடும். இதனால் கோடை காலத்தில் உடலுக்கு அதிக வெப்பத்தை ஏற்படுத்தும் சில காய்கறிகளை தவிர்ப்பது நல்லது. அது எந்தெந்த உணவுகள் என்பது பற்றி இங்கே பார்க்கலாம்.

தற்போதே வெயிலின் தாக்கம் கொடூரமாக உள்ள நிலையில், வரும் நாட்களில் வெப்பம் இன்னும் ரண கொடூரமாக இருகும் எனத் தெரிகிறது. கோடை காலத்தில் வெயிலின் தாக்கத்தில் இருந்து உடலை காப்பாற்றிக்கொள்ள ஆரோக்கியமான உணவுகளை உட்கொள்வது அவசியம்.

காய்கறிகள், பழங்கள் உடலுக்கு நல்லது என்றாலும் சில காய்கறிகள் கோடை காலத்தில் சாப்பிடுவது உடல் நலனுக்கு அவ்வளவு உகந்தது அல்ல.. கோடை காலத்தில் தவிர்க்க வேண்டிய உணவுகள் என்னவென்பதை இங்கே பார்க்கலாம்.

இஞ்சி மற்றும் பூண்டு:

இஞ்சி, பூண்டு ஆகியவை மருத்துவ குணங்கள் அதிகம் கொண்டவை. ஆனாலும், இயற்கையாகவே அதிக வெப்பத்தை உண்டாக்க கூடியது. இஞ்சி மற்றும் பூண்டில் இருக்கும் ஜிஞ்சர் மற்றும் அலிசின் போன்ற சேர்மங்கள், ரத்த ஓட்டத்தை தூண்டும். இதனால் வளர்சிதை மாற்ற வெப்பத்தை அதிகரிக்க செய்துவிடும். வெப்ப அலையின் போது இந்த உணவை அதிகம் சாப்பிட்டால் வயிற்று எரிச்சல் உணர்வை ஏற்படுத்தும். நீரிழப்பை ஏற்படுத்தும். எனவே வெயில் காலத்தில் இந்த உணவை அளவோடு சாப்பிடுவது நல்லது..

மிளகாய்:

மிளகாயில் உள்ள கேப்சைசின் உடல் அதிக வெப்பம் அடைவதாக வேதியியல் மாற்றத்தை உருவாக்கி மூளையை நம்ப வைக்கும். எனவே கோடைகாலங்களில் சமையலில் அதிகப்படியான மிளகாய் சேர்த்துகொண்டால் செரிமான பாதையில் எரிச்சலை ஏற்படுத்தும். இதனால் அஜீரணக்கோளாறுகள் உண்டாகும். எனவே காரமிக்க உணவுகளை தவிர்ப்பது நல்லது.

கீரைகள்:

பாலக்கீரையில் ஆக்சலேட்டுகள் உள்ளன. அவை கோடை காலத்தில் சிறுநீரங்களை கடினமாக வெலை செய்ய வைக்கும். எனவே செரிமான அமைப்புகள் அதிகம் வேலை செய்யாமல் இருக்க கோடை காலத்தில் கீரைகளை குறைத்துக்கொண்டு அதற்கு நீர்சத்து நிறைந்த சுரைக்காய் போன்ற காய்கறிகளை உட்கொள்ளலாம்.

வெங்காயம்:

வெங்காயம் குளிர்ச்சிக்கு ஏற்ற உணவு என்றாலும், அதில் இருக்க கூடிய கந்தகம் அதிக வெப்பத்தை உண்டாக்கும். வெளிப்புற வெப்ப நிலை அதிகமாக இருக்கும் போது வாயுத்தொல்லை, வயிறு உப்புசம் மற்றும் நெஞ்சு எரிச்சலுக்கு வழிவகுக்கும். எனவே வெயில் காலத்தில் இதனை சாப்பிடாமல் தவிர்ப்பது நல்லது.

Recommended For You

பாராசிட்டமால் மாத்திரையை சாப்பிடாதீங்க.. பொது சுகாதாரத் துறை கொடுத்த வார்னிங்! காரணம் இதுதான்

கேரட், முள்ளங்கி

கேரட், முள்ளங்கி போன்றவை குளிர்கால பயிர்கள் ஆகும். இதில் கோடை கால காய்கறிகளை போன்று அதிக நீர்சத்து இருக்காது. எனவே இந்த உணவுகள் செரிமானம் ஆக அதிக நீர்சத்து தேவைப்படும்.