ஜாக்கிரதை கணவன்மார்களே.. இல்லாட்டி சுசீலா புருஷன் கதிதான் உங்களுக்கும்.. பேங்க்கும் ஓகே சொல்லிடும்!
தவறுதலாக நிரப்பப்பட்ட வங்கி ரசீது ஒன்று இணையத்தில் வைரலாகி வருகிறது.
சென்னை: சிலரது தவறுகள் சிரிப்பதற்கு மட்டுமல்ல, சமயங்களில் சிந்திக்கும் விதத்திலும் அமைந்து விடும். அப்படித்தான் பேங்கில் பணம் கட்டும் போது குடும்பத்தலைவி ஒருவர் கவனக்குறைவால் செய்த தவறு இப்போது சமூகவலைதளங்களில் வைரலாகி இருக்கிறது.
சம்பந்தப்பட்ட வங்கியில் பணம் போடும் ரசீதில் சுசிலா என்பவரது பெயர் உள்ளது. அவர் தனது வங்கிக் கணக்கில் ஆயிரத்து ஐநூறு ரூபாயை டெபாசிட் செய்துள்ளார். எண்களில் அந்தத் தொகையைச் சரியாகக் குறிப்பிட்டுள்ள அப்பெண், எழுத்துகளில் அதனை விரிவாகக் குறிப்பிடும் போது தவறு செய்துள்ளார்.
அதாவது ஆங்கிலத்தில் ஆயிரத்து ஐநூறு ரூபாயை ஒன் தௌசன் அண்ட் பைவ் ஹண்ட்ரட் எனக் குறிப்பிடுவார்கள். ஆனால், அப்பெண்ணோ தவறுதலாக, 'ஒன் ஹஸ்பண்ட் அண்ட் பைவ் ஹண்ட்ரட்’ என எழுதியிருக்கிறார்.
தௌசன் (Thousand) என்பதற்கு பதில் ஹஸ்பண்ட் ( husband) என அவர் குறிப்பிட்டுள்ளார். இந்த ரசீது தற்போது இணையத்தில் வைரலாகியுள்ளது. கணவன்மார்களே ஜாக்கிரதையாக இருங்கள் இல்லையென்றால் இதே கதி தான் உங்களுக்கும் என அதில் குறிப்பிடப்பட்டுள்ளது.
Click it and Unblock the Notifications
Sign in with Google