பிக் பாஸ் 3: பர்ஸ்ட் சீசன்ல ஆரவ்.. 2வதுல மஹத்.. இந்த தடவை ‘ல்தகாசைஆ’ ஆடு இந்த இளம் நடிகர் தானா?

பிக் பாஸ் நிகழ்ச்சியில் நடிகர் தர்ஷன் கலந்து கொள்வது தெரிய வந்துள்ளது.

சென்னை: பிக் பாஸ் நிகழ்ச்சியில் நடிகர் தர்ஷன் கலந்து கொண்டுள்ளது உறுதியாகியுள்ளது.

விஜய் டிவியில் இன்று இரவு முதல் பிக் பாஸ் நிகழ்ச்சி ஒளிபரப்பாக இருக்கிறது. கமல் தொகுத்து வழங்கும் இந்த நிகழ்ச்சியின் முதல் நாள் படப்பிடிப்பு நேற்றே பதிவு செய்யப்பட்டு விட்டது. நமக்குக் கிடைத்த தகவல்களின்படி, நடிகை வனிதா விஜயகுமார், காமெடி நடிகை மதுமிதா, நடிகர் மற்றும் இசைக்கலைஞர் மோகன் வைத்யா, நடிகைகள் பாத்திமா பாபு ஆகியோர் பங்கேற்பது உறுதியாகியுள்ளது.

இவர்கள் தவிர, அஜித் நடிப்பில் விரைவில் ரிலீசாக உள்ள நேர்கொண்ட பார்வை படத்தில் நடித்துள்ள அபிராமி வெங்கடாசலமும் ஒரு போட்டியாளராக பங்கேற்பதாகக் கூறப்படுகிறது.

இளம் நடிகர் தர்ஷன்:

இந்நிலையில், பிக் பாஸ் போட்டியாளராக இலங்கை மாடலும், தமிழ் சினிமாவின் இளம் நடிகருமான தர்ஷன் சாந்த்தும் கலந்து கொண்டுள்ளது தற்போது தெரிய வந்துள்ளது. இவர் தமிழில் வேறென்ன வேண்டும் என்ற படத்தில் நடித்துள்ளார். கடந்த 2014ம் ஆண்டு மிஸ்டர்.இலங்கையாக தேர்வு செய்யப்பட்டவர்.

ல்தகாசைஆ பிளான்:

இதுவரை நமக்குக் கிடைத்த தகவல்களின் படி, பிக் பாஸ் வீட்டில் இருக்கும் போட்டியாளர்களின் இளம் வயதுடையவர் தர்ஷன் தான். பார்ப்பதற்கு அதர்வா போன்று அழகாக தோற்றமளிக்கிறார். நிச்சயம் இவரை வைத்து பிக் பாஸ் ஏதாவது ‘ல்தகாசைஆ' பிளான் வைத்திருப்பார் என எதிர்பார்க்கலாம்.

ஆரவ், மஹத்:

ஏனெனில் முதல் சீசனில் இளம் நடிகரான ஆரவ் தான், ஓவியாவுடன் காதல் என்ற சர்ச்சையில் சிக்கினார். அதேபோல், கடந்த சீசனில் இளம் நடிகரான மஹத்தும், யாஷிகாவுடன் காதல் என்ற பிரச்சினையில் சிக்கி, அதனால் அவரது நிஜக் காதல் முடிவுக்கு வரும் நிலைக்கு சென்றது நாம் அனைவரும் அறிந்த கதை தான்.

பிக் பாஸ் பிளான்:

இந்த சூழ்நிலையில் தான் இம்முறை இளம் நடிகரான தர்ஷன் போட்டியாளராகி இருக்கிறார். கடந்த சீசன்களை வைத்து பார்க்கும் போது, நிச்சயம் இவர் துறுதுறு இளைஞராக, வீட்டில் அனைவரையும் கவரும் போட்டியாளராக வலம் வருவார் எனத் தெரிகிறது. அதனால் நிச்சயம் மக்கள் இவர் மீது தனிக் கண் வைத்திருப்பார்கள். பார்ப்போம் இம்முறை பிக் பாஸ் என்ன பிளான் வைத்திருக்கிறார் என்று.

English summary

The reliable sources says that Mr.Srilanka 2014 model Tharsan is a contestant in bigg boss 3 tamil