துணை முதல்வர் பதவி.. நாக்பூர் ரூட்டில் எடப்பாடிக்கு செக் வைத்த நயினார், வானதி! கேம் அப்படியே மாறுது?
சென்னை: தமிழக பா.ஜ.க வட்டாரங்களில் தற்போது ஓடிக்கொண்டிருக்கும் ஹாட் டாப்ஸே "துணை முதல்வர்" பதவிதான். இதற்காக நயினார் நாகேந்திரன், வானதி சீனிவாசன் எனப் பலரும் இப்போதே முட்டி மோதுவதாகக் கமலாலயச் செய்திகள் கசிகின்றன.
தேசிய ஜனநாயகக் கூட்டணி வெற்றிபெறும் பட்சத்தில், ஆட்சியில் உரிய பங்கைப் பெற வேண்டும் என்பதில் பா.ஜ.க மேலிடம் உறுதியாக உள்ளது. இதன் ஒரு பகுதியாக, துணை முதல்வர் பதவியை பா.ஜ.க-வுக்கு ஒதுக்க வேண்டும் என்கிற கோரிக்கை அ.தி.மு.க தலைமைக்கு அழுத்தமாக முன்வைக்கப்பட்டு வருகிறது.
டெல்லி டூ நாக்பூர்... பா.ஜ.க-வின் 'துணை' வேட்டை!
"கூட்டணி ஜெயிச்சா யார் சி.எம்?" - இந்தக் கேள்விக்கு அ.தி.மு.க தரப்பில் சட்டெனப் பதில் வரும். ஆனால், "யார் டெபுடி சி.எம்?" என்ற கேள்விதான் பா.ஜ.க-வுக்குள் இப்போது மல்லுக்கட்டலை உருவாக்கியிருக்கிறது.
நாக்பூர் ரூட்டில் நயினார்!
தென் மாவட்டங்களில் தனக்கென ஒரு தனி செல்வாக்கை வைத்திருக்கும் நயினார் நாகேந்திரன், இந்த முறை எப்படியும் ஒரு பெரிய 'வெயிட்' காட்ட வேண்டும் என்பதில் உறுதியாக இருக்கிறார். அ.தி.மு.க-வில் அமைச்சராக இருந்த அனுபவம் அவருக்கு ஒரு கூடுதல் பலம். "நாங்க இல்லைன்னா தென் மாவட்டங்களில் ஓட்டே வராது" என்கிற ரீதியில் டெல்லி மேலிடத்திடம் காய் நகர்த்திக் கொண்டிருந்தவர், இப்போது நாக்பூர் ஆர்.எஸ்.எஸ் தலைமையகம் வரை தனது கோரிக்கையைப் பாஸ் செய்திருப்பதாகத் தகவல்.
முன்னாள் அமைச்சராகவும், தென் மாவட்டங்களில் செல்வாக்குள்ள தலைவராகவும் அறியப்படும் இவர், தனது அனுபவத்தின் அடிப்படையில் இந்தப் பதவிக்குத் தகுதியானவர் எனத் தனது ஆதரவாளர்கள் மூலம் டெல்லி மற்றும் நாக்பூரில் உள்ள ஆர்.எஸ்.எஸ் தலைமையகத்திற்குத் தூது அனுப்பி வருவதாகக் கூறப்படுகிறது.
வானதியின் 'டெல்லி' செல்வாக்கு!
மறுபுறம், கோவை ஏரியாவில் 'கெத்து' காட்டும் வானதி சீனிவாசன். டெல்லி மேலிடத்திற்கு மிகவும் நெருக்கமானவர் என்பது ஊரறிந்த ரகசியம். "தேசிய அளவில் கட்சிப் பதவி வகித்த எனக்கு, தமிழகத்தில் துணை முதல்வர் பதவி கொடுத்தால் அது பெண் பிரதிநிதித்துவமாகவும் இருக்கும், கொங்கு மண்டலத்தைக் கையில் வைத்திருக்கவும் உதவும்" என்பது வானதி தரப்பின் வாதம்.
பா.ஜ.க-வின் தேசிய மகளிர் அணித் தலைவராகவும், டெல்லி மேலிடத்தின் நம்பிக்கைக்குரியவராகவும் இருக்கும் வானதி சீனிவாசன், பெண் பிரதிநிதித்துவம் மற்றும் கொங்கு மண்டல அரசியல் கணக்குகளை முன்வைத்து இந்தப் பதவிக்காகத் தனது விருப்பத்தைத் தெரிவித்துள்ளதாகத் தெரிகிறது.
இன்னும் சில 'முனை'கள்...
வழக்கமான தொகுதிப் பங்கீடு பேச்சுவார்த்தைகளுக்கு அப்பால், ஆட்சியில் அதிகாரப் பகிர்வு (Power-sharing agreement) குறித்த எழுத்துப்பூர்வமான உறுதிமொழியைப் பெற பா.ஜ.க திட்டமிட்டுள்ளது. இதற்காக, ஆர்.எஸ்.எஸ் இயக்கத்தின் முக்கியப் புள்ளிகள் மூலமாக அழுத்தம் கொடுக்கத் தலைவர்கள் சிலர் ஆர்வம் காட்டி வருகின்றனர்.
இவர்கள் மட்டுமின்றி, மாநிலத் தலைவராகக் களத்தில் நிற்கும் அண்ணாமலையின் நிழலாக இருப்பவர்களும், முன்னாள் அமைச்சர்களாக இருந்து பா.ஜ.க-வுக்கு வந்த சில 'பெரிய தலைகளும்' இந்த ரேஸில் இருப்பதாகப் பேச்சு.
பவர் பாலிடிக்ஸ்: அ.தி.மு.க-வைப் பொறுத்தவரை, துணை முதல்வர் பதவி என்பது அவ்வளவு எளிதாக விட்டுக் கொடுக்கக் கூடிய ஒன்றல்ல. பன்னீர்செல்வம் வகித்த அந்தப் பதவியை, ஒரு கூட்டணி கட்சிக்குத் தருவது என்பது எடப்பாடியார் எடுக்கும் மிகப்பெரிய ரிஸ்க்காக இருக்கும்.
நாக்பூர் அசைன்மென்ட்: தமிழகத்தில் கட்சியின் வளர்ச்சியை விட, அதிகாரப் பங்கீட்டில் ஒரு வலுவான இடத்தைப் பிடிக்க வேண்டும் என்பதுதான் நாக்பூர் அசைன்மென்ட் என்கிறார்கள் விபரமறிந்தவர்கள்.
"முதல்ல ஜெயிக்கணும், அப்புறம் தான் பதவி" என்று எடப்பாடியார் தரப்பு அமைதி காக்க, "ஜெயிக்கிறதுக்கு முன்னாடியே பதவியைப் பிரிச்சுக்கணும்" என்று பா.ஜ.க-வினர் நாக்பூர் வரை தூது விடுவதுதான் இப்போதைய கோடைகாலக் காமெடி!
Click it and Unblock the Notifications
Sign in with Google